الموضوع مغلق

مواقف محرجه من الأطفال<<مكرر ياقلبي>>

وصلني عبر الايميل هذه المواقف المضحكه ..


تقول وحده من الأمهات .. (كنت معزومه على حفل عشاء فأخذت ابنتي الصغيرة معي ، فلما جلسنا حول البوفيه ظنت انه مطعم وقالت بصوت عال : هذا الأكل بفلوس و إلا ببلاش؟؟ فضحكوا عليها الحاضرات..)

------------------

والثانية ... ( جانا ضيوف واحضروا معهم هديه للمولود الجديد فكان ابني يريد فتحها فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل وقال بصوت مرتفع .... (خلاص أبفتحها شكلهم بينامون عندنا ) !!!!

------------------

وقالت وحده بعد ... ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال ( ريحة رأسها شينه )!!! -يقصد الحناء- شوفوا الإحراج اللي صار لي ...!!! كما قالت.. جتني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، و لما قلت لها عيب ردت وقالت ( شكلها شغالة )

------------------

هذه من جد يبغالها بالشنطه على رأسها...أخذت من أختي شنطه ورحنا لحفله ومعنا بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة وهي تقول ( حقت ماما هاتيها ) !!! وأنا أحاول أسكتها... !!!

------------------

و وحده تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أعد لهم الشاي .. راح ولدي دخل على الضيوف وقال لهم ( لا تخلصون العشاء لأنا بنتعشى أنا وأمي بعدكم ) !!! شوفوا وجه أبوه وقتها ....!!!

------------------

وحده تقول ....بنتها دايم تحرجها بنقل الكلام قدام الناس – هذا عيب اللي يحش بالناس - تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت ..!!! تقول الأم : صار وجهي مية لون ..!!!! ويوم سمعت جارتي هذا الكلام زعلت وطلعت من البيت ....!!!

------------------

تقول أخرى ....هذا موقف حصل لي ومع أقاربي : كنا بنصلي المغرب جماعه في إحدى الاستراحات وكان أمامنا طفلين , الأول يقول للثاني : أنا اسم أمي فاطمة , ايش اسم أمك انتا ؟؟؟؟ يرد عليه الولد الثاني وهو اصغر منه بكثير : اسم أمي ماما !!! وهاتك ضحك وحنا نصلي استغـفـر الله ما قدرنا نمسك الضحكة .!!!

------------------

في المدرسة ...كانت المعلمة تشرح لطالبات الصف الثالث الابتدائي عن وسائل الاتصال الحديثة مثل الهاتف والتلكس والبريد الجوي والفاكس فرفعت إحدى الطالبات الصغيرات يدها وقالت: أبله حنا عندنا فاكس في البيت عند جدتي وتستعمله كل يوم....!! فشجعتها المدرسة على إكمال حديثها وقالت: وكيف تستخدمونه؟؟؟ فقالت الطفلة: تدهن به ...-البنت بالطبع كانت تقصد دهون الفكس- ....!!!!!

--------------------

إحدى الأمهات اعتادت أن ترى ابنها الصغير يطارد الدجاجات ويدخلها إلى محلها ويحرص على إبقاء الديك في الخارج وعندما سألته عن السبب قال: ذولا حريم ما يطـلعـن من البيت ويشوفن الرجال....!! ( بصراحة هذا الطفل عنده غيره أحسن كثير من رجال اليوم )...!!!

--------------------

أيضاً في المدرسة ...طفلة في الروضة كانت تعبث بأنفها أثناء الحصة ... فانتقدتها المعلمة وقالت لها استعملي المنديل عيب اتسوين كذا فأجابت الطفلة (( لا مو عيب !! بابا يسوي كذا .... )) !!!!

------------------

جاء بيكحلها عماها ...دعيت العائلة للعشاء عند أحد أقارب الزوج وأثناء تناول الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تتمنع فرد الطفل بلهفة لإنقاذ أمه من المأزق .... (( لا تحطين لها صحن ثاني ترى بابا يقولها لا تكثرين أكل انتفختي ))...!!!!!! ( بصراحة الرشاقه جمال وصحه )...!!!

------------------

و أختم بهذي النكته :أب و ابنه راكبين الباص , صورة الرئيس فلان معلقه في المقدمه -الولد وهو يأشر على الصورة : بابا بابا مو هذا اللي قلت عنه حمـــــــار !!!!! الأب: لمين هالولد يا إخوان؟!!


__________________

هههههههههههههههه
اتمنا اذا عندكم مواقف تتحفونا بها عليهم حركات هالاطفال

19 تعليق 1,626 مشاهدة

شاركي في النقاش

سجلي الدخول لإضافة تعليق.

التعليقات

18
  1. @synma

    وازيدك
    من زمان كانت عندنا جاره اذا شرينا ملابس العيد تجي تزن على روسنا الا تشوفه
    وهم استحاله بناتها يخلوننا نشوف ملابسهم
    المهم قرب زواج عمي وجت عندنا تسالنا قالنا لها لسا ماطلعوا من المشغل
    وهي تقول الا اشوفهم ويالله من الطيبه اللي تجيبهم وحنا عند كلامنا لسا يابنت الحلال بكره تجين وتشوفينهم <<
    مادرينا الا اختي الصغيره ( الله يرحمها) 4 سنوات وهي جايبه الكيس ووووي ماندري وين نودي وجيهنا عاد هي انبصطت وقامت اتطالع هي وعيونها << عصبت
    الله يرحمك ياختي
  2. @asaloa_dmy_aan_ghla_amy

    صاحبة الموضوع
    هلا اختي سينما
    موقفكم والله يضحك واحراج صراحه المشكله انها جاره في وجهكم كل يوم
    تخافو متصدقو عقب السالفه هذي ههههههههههه


    بس حز في نفسي كلمة الله يرحمها اختي مدري صراحه وش اقول لك
    ربنا يغفر لها ويرحمها
  3. @roro_am_sdym

    مره زرنه بيت قريبه لنا وكان معانا عمي ولد عمي الصغير اخذ الهديه من امه عشان يعطيها لقريبتنا طبعا هو مايفهم وبالنهايه دخلنا وخرجنا والهديه بيدو مارضي يسيبها من يدو وكل مانحاول ناخذها منو يبكي شفتو الفشله بس الاطفال عسل واحنا نقدر نقول غير كده

تابعي تجارب أخرى من هذا القسم.