كي الشمغ

حبيبتي انا حاولت لين ماعجزت خلاص

المشكله كمان زوجي الغتر البيضاء وكويها اصعب من الشمغ

وبعد المحاولات كلها انتهت بالفشل سار يوديها للكواي

و بشتري المكوه الكبس وبجربها وان شاء الله يزبط فيها الكوي

وياليت البنات بيفيدونا بتجاربهم في كويها

والله حتى انا ماتطلع معي متطابقه على بعض شي طالع وشي داخل بس غالبا لمن اغسلها اغسلها على يدي وهي مطبقه مثل ماهي مافتحها وارجع انشرها الين تجف ولا اخلي الطبقات تنفتح عن بعض واكويها وهي مثل ماهي<<<اتحدى اذا فهمتي شي
بس ازبده اني مافتحها كل ماجيت اغسلها اخليها على تطبيقتها واكويها مثل ماهي
واكثر المريتو خاصه المرزاب والاطراف

اتمنى اكون افدتك

والله بنات هذي مصدر هواشي مع زوجي وبعدين ريحت مخي وارسلتها للمصبغه

أسهل طريقة إنك تكوين الشماغ وهو مبلول بالماء يعني مباشرة بعد ماتغسلينه وتنشفينه ..

الكوي بالذات لا يمكن اتقانه الا بالممارسة..انا كنت ما اضبط كوي الشماغ و الحين ولله الحمد كأني بديت اصير محترفة كوي ماشاءالله..اهم شي عليك بالمريتو لأنه يخلي الشماغ واقف كنه كوي مصبغة..و اول ما تبدين خذي الشماغ وهو مربع واصفطيه (اثنيه)مثلث متساوي الانطباق ثم رصي عليه المكوى ليثبت..بعدين اصفطيه لتكوين المرزاب مدري المرزام وهنا ضروري ان جهتي الصفطة (الثنية)يكونو متطابقين على بعض و الا صار المرزاب غلط..وهات يا رص بالمكوى مع الكثير من المريتو..وقضينا.
عساك فهمتي هالشرح الملخبط؟