السكن مع اهل الزوج.....تكفوووووون نصحوني

الف مبروك
نصيحة لا تسكنين مع اهل زوجك مهما كانو طيبين صدقينى الوضع راح يتغير اول ماتدخلين عندهم
راح يبدى الكلام والانتقادات ولا راح تاخذين راحتك وانتى عروس وعلاقتك بزوجك راح تكون متوترة
لكثرة العيون المبققه عليكم دوري شقة حتى لو بعيده شوى وحافظي على الود ما بينك وبين اهله
(خلك بعيد حبك يزيد)

من رايي
انك ما تسكنين معهم لانك اذا وافقتي في البدايه ماراح تطلعون من بيتهم طول عمركم
فدامك على البر روحو شقه افضل حتى لو اضطريتو تاجلون الزواج

لانكم طالما بتكونون بعيدين عن اهله بيظل بينكم حب وشويه رسميه
اما اذا سكنتو معهم بيتغير الحال

اختي نونه.........
اولا انت الان على البر وحااولي بقدر ماتقدري انك ماتسكني مع اهله
ثانيا...باول الخطوبه يكونوا اهل الزوج اكثر من اهل بس مادري ايش الي يغير بعدين يعني ممكن يصير مشاكل ممكن تاخذ هي على الوضع وان ولدها عندهاا وماترضى تستقلون ببيت لوحدكم ممكن
ثالثا .انا اهل زوجي تحتي بس احياان مااقدر اخذ راحتي من ناحية الملابس واسوي حركات لان كل شوي واتوقع احد يطب عليه(انتبهي لهذه النقطه)
رابعاا..اهلك ماراح ياخذوا راحتهم انهم يجونك لان كل شوي عمتك جاايه وماراح تتكلموا الي رسمي


واخيرا فكري زين ....مجرد مشاركه برائي.......

الف مبروك يانونه
عن تجربه لا تسكنين معهم .... انا جربت الشقه في البدايه 3 سنوات بعدين سكنت معهم بعد كم شهر بكمل 3سنوات,,,والله ماراح تأخذينا راحتك ولا تستقبلين ضيوف متى ماحبيتي حتى في اللبس والطبخ ماراح يحس فيك زوجك وراح يناظرونك في الدخله والطلعه وش لابسه ووين رايحه حتى لو يروحون ويجون ....الزبددددددددده تكفين لا تسكنين معهم لوهم عسل (أصلي) لوبغيتي خلي لك (طلتك الحلوه)وخلي زوجك يشيل الفكره من رأسه مو كره في اهل الزوج لا والله بس عشان تصير لك مملكتك الخاصه بعد ماتملكينها ان شاء الله تذكري كلامي...ما صرت والله طولت عليك...
(ادعوا لي الله يرزقنا بيت ملك,,,عشان نطلع وغير كذا مافيه طلعه):( :( :09: :09:

واله مدري شااقولك يالغاليه بس كل البنات اجمعوا على طلعتك منهم وعدم سكنك معهم انا اقول انتي ادرى اذا تحسين نفسك مستعده تواجهين اي مشكله معهم لاسمح الله وتحسين انك ممكن تتكيفين وماعندك مشكله مره بالخصوصيه توكلي على الله وصدقيني اهل زوجك لو كنتي من البدايه شخصيتك معاهم قويه ورسميه بتمشي امورك حتى لو كنت معهم اما لو كنتي حساسه وبتاثر فيكي اي كلمه فاستخيري انتي ادرسي كل الحالتين بايجابياتهم وسلبياتهم وقرري وتوكلي على الله ويمكن عمتك تعاملك معامله حلووووووووووووة ماتدرين ليش نفترض الشين دايما الله يوفقك يالغاليه