السكن مع اهل الزوج.....تكفوووووون نصحوني

لا تسكنين معاهم حتى لو كانت امه هي امك مو مثل امك

اذا سكنتِ معهم بتلقين صعوبه بالاستقلاليه بعدين وأخاف تندمين
لأن السكن عند الحموله مضايق جدآ لدرجه ماتقدرين تقنعين زوجك بشئ
الا ويطلع ويرجع بقناعه أهله عكس اذا سكنتِ ببيت مستقل من البدايه
وراح تكون حياتكم بعيده عن انظار اهله انا سكنت عند حمولتي سنين
وماشفت منهم الا كل خير لكن بعد استقلاليتي ببيتي حسيت بالفرق
وكأني عصفور فتح له باب قفصه حريه مابعدها حريه بكل شئ
والمسأله مو طيبه أهل زوجك أو تعاملهم معك المساله اكبر من تصورك
فاذا بداتي حياتك معهم بتكون لك سلبيات وعيوب للاسف لانك ساكنه
معهم راح تكون واضحه وبعد سنوات ماراح ينسون تصرفاتك او حتى
موقف معين يعني حياتك تحت المجهر للاخرين وكل مافيك مكشوف سواء
علاقتك مع زوجك او لبسك او مزاجك وتقلباته او حديثك مع اهلك او او
وفوق هذا الله لايوريك التشره يتشرهون عليك بكل صغيره وكبيره
ليش ماطلعتي ليش ماقلتي ووو
وكل هذا انت غير ملزومه فيه انت زوجه يحق لك بيت منعزل حتى
لو كان بنفس الشارع او العماره اهم نقطه الاستقلاليه لاتعوض واذا كان
خطيبك قدر يتزوج ماشاء الله فهو غير عاجز يأمن لك حق بسيط ومشروع
من حقوقك .......ولو كان لموضـــــــــوع سكنك عند أهله ايجابيات
كان أنا أول وحده تنصحك بالسكن معهم
وفكري مع نفسك اذا سكنتِ معهم وش يضمن لك الخروج والسكن ببيت مستقل
اذا مرت فتره من زواجكم ....توقعي يجي زوجك ويقول:
مافيـــــــــــــــــه طلعه!!

ماتقدرين ساعتها غير ترضين بالامر الواقع

:26:

استقلي من البدايه افضل لك

المرأه تحب تملك مملكتها لوحدها

ولو سكنتي مؤقت بيستحلي الوضع ويكون دائم

والله اعلم

الله ييسر لك اللي فيه الخير

تسلموووون بنااااات...ماتخيلت ان الكل يجمع على شي واحد..

على فكرة ..

انا اشترطت في عقد الزواج انه يكون لي سكن مستقل..

راح اشاوور اهلي واستخير والله يقدرني على مواجهة اهل زوجي...