شاركي في النقاش

سجلي الدخول لإضافة تعليق.

التعليقات

51
  1. @bnt_shyk

    المحبه للجميع*
    أختي الكريمة أسمحي لي لو كل الزوجات أخذوا بنصيحتك وتعاملوا مع المواقف بهالشكل ...!! عز الله ما جلست ولا زوجة في بيت زوجها ..! الزوج أي نعم يحب الزوجة قوية شخصية لكن ما يحب السليطة وشتان بين المعنيين اعرف أنها تتخذ موقف بس مثل ما قلت في ر…
    عزيزتى المحبه انا ما ابغا كل وحده تاخد بنصيحتي ؟!! لان كل مشكله لها ظروفها الخاصه
    وترا والله بالعكس ابدا ما زعلت من كلامك وعلى فكره رأيك عجبني جدا وكان ممكن تنفذه لو انها ما فتحت الموضوع مع زوجها ... بس خلاص قد حصل الي حصل و واجهتو ونكر انه يعرفها
    صدقيني كلامك اكتر من روعه وعين العقل بس كل مشكله ولها ظروفها
    راي في مشكله الاخت وبالظروف هادى هو الي خلاني اقولها ما تسكت
    اسلوب تأنيب الضمير الي قلتي عليه كان ممكن ينفع لو ما صارحت زوجها بانها كلمت صديقته
    انا حسيت انهم هم الاتنين بيتمهزئو بيها ومش عاملين لها اي اعتبار ولا خايفين منها
    يبدولي لانها انسانه راقيه وطيبه جدا وعارف زوجها انه ما يجي منها شر ولا رده فعل قويه و قاسيه
    واكيد صديقته حست ده الشي وعرفته من الزوج (من خلال كلام الزوج عن زوجته ) عشان كده اتجرأت عليها .. فهمتى قصدي ؟
    عشان كده انا اشوف ان الموقف ده يستدعي فيه الشده لانهم هم الاتنين وقحين جدا بصراحه ارجو ما تزعل مني عشان باقول ان زوجها وقح ارجو المعذره
    مو الفكره اني متعاطفه لا بالعكس ...
    بس حبيت اوضح نقطه تانيه ...انا كنت باقترح انها تقول لاهلها او لاهله المهم واحد ثقه ... ما قلت لازم تطلبي الطلاق ولا عاد تعيشي لحظه معاه!!!! بالعكس ابدا ما انصح بالطلاق .. بس لو لا سمح الله ... الله لا يقدر ابدا وينفصلو
    بس لو حصل وطلق ؟ فلا تزعل ولا تضايق لانه هو الي خرب بيته مو هي
    ابغاها تجمد قلبها ولا يهمها لانها هيا على حق ولو تركت حقها؟ راح يدوس عليها بعد كده صديقيني
    بعدين ليش احنا ما بنطبق الكلام الي بنقراه في القران يا اختي الكريمه
    مش في ايه في القران بتتكلم عن نشوز الزوج ؟ يعني المراه لو ناشز ؟ اول شي يسوووه الضرب
    مع ان في كذا طريقه تأديب مثل الهجر في المضاجع واخر شي الضرب غير المبرح
    ده بالنسبه للزوجه ... طيب ولما الراجل يكون ناشز ؟ نسكت ؟
    يعني ربنا العادل الكريم بيقولنا كيف نتصرف لما الراجل يتعدى حدوده
    فأتوا بحكم من اهله وحكم من اهلها ... هادا الي انا باقولو نطبق كلام رب العالمين
    بصراحه زوجها خائن وصديقته جريئه ووقحه ولو هيا خانته كان فضحها وضربها وبعدين يطلقها طيب الين متى تظل المرأه ضعيفه ومهضوم حقها ؟ الرجل من حقه يغلط ويخون ؟ والمراه تعاقب اشد العقاب بالرغم من ان العقاب واحد عند رب العالمين ,, انا عن نفسي ما احب فكره "لهم رؤوف رحيم , ولنا .. شديد العقاب " سبحان الله العادل الجبار .. وانا اوافقك الراي انه لازم تقرأ مش بس سوره البقره .. تحاول تختم القران كمان ولا تترك الدعاء وربنا حينصرها باذن الله لانها طيبه ومظلومه ولكن انا ضد اني اعتمد على الدعاء واسيب حقي المهضوم واسيب الناس تظلمني !! لا الدين ولا الرسول عليه الصلاه والسلام امروا بكده ... الدعاء يمدنا بالقوه والطمأنينه مش بالضعف والسكوت وعدم المطالبه بحقوقنا ده الي انا مقتنعه بيه .. المهم
    لازملهم رادع قوي ,, لكن في ظروف تانيه مثلا لو ما كانت كلمت صديقته ولو ما اتواجهوا ؟ ولو ما صارحته بالي اكتشفته ؟ ساعتها تطبق كلامك ونعم الرأي يا اختي المحبه
    اتمنى تكوني فهمتي قصدي ؟ وانا ما اتمنى اي وحده تطبق رأي مجرد ما تكتشف ان زوجها على علاقه بوحده لان زي ما قلتي كلهم حيطلقو وحاكون انا السبب ههههههههه
    تحياتي لك والله يوفقها ويخليلها زوجها ويهديه
  2. المحبه للجميع*
    شوفي يا قلبي أسمعي كلامي زييييييييين وركزي يا قلبي الرجل معرض للخطأ لكن باسلوبي وذكائي اخليه يعض أصابع الندم على اللحظة اللي فكر يغلط علي ... الآن أنتي فتشتي في جواله وما سويتي كذا الا قلبك قارصك منه وأنا أقولك الرجل يكذب ويحلل الكذب…
    معااااااااااااااااااااااااااااااااااااااكي100%
  3. @alhayrh

    بصراحه تقهرني اللي تقول شوفي الخلل يمكن منك
    لا حبيبتي اللي طبعه كذا لو تحطينه في عيونك مايبين فيه
    بس انا اقول لصاحبة المشكله تأثرت لمشكلتك مره بس لما عرفت انه لك سبعة شهور والله هاااااااااانت وانت بعد هونيها لانه اكيد التعبانه اللي زوجك يكلمها كان يكلمها قبل الزواج ومافيه رجال ماله علاقه قبل زواجه الا ماندر عشان كذا انت طولي بالك وعاتبيه وان شاء تحملين وينسى البنات وطاريهم ترى الرجال اغلبهم كذا بس لاتضيقين صدرك والزمي الاستغفار والدعاء والله يفرج عليك من اوسع ابواب رحمتك
  4. الله يهديه ويصلحه ويهدي سركم يااختى ان كانت توجد علاقه بينه وبينها فهذا الشي بنى على باطل وماراح يستمر
    مثل ماقالت وحدة من البنات قوليلي قصص اوعظيه فيها وبين له انك انتى مسامحته بس قوليلي ان كان هالشي بينكم الله يفضحك في اسوا حال صدقينى بخاف من هالكلمة ودايم ذكريه انك تحبينه وتبين تشوفينه بااحسن حال وماترضين عليه او له الغلط
    واهم شي الدعـــــــــــــــــــــاء ثم الدعــــــــــــــــــــــاء الله هو الوحيد سبحانه اللي بيصلحه ويهديه
    والثاني شي نصيحه لا تقولين لاااحد وخصوصا اهللك هذا مهما كان زوجك ( اهم شي انه يدور رضاك وانكر هالشي )
    والنصيحه الاخيرة لا ادورين وراه اشغليه اطلعي انتى وياه دايم خذي رايه بمظهرك ولبسك حسسيه انه كبير بحياتك واياك تنظرين له نظرة المذنب
    واقري سورة يس
    طبقي هالكلام وبشرينى

تابعي تجارب أخرى من هذا القسم.