العاذريه سلمت اناملك وصدق لسانك كلام من ذهب
اعرف موظفات تركن الوظيفه من اجل ارضاء زوجها وتفرغها لتربية اطفالها المراه العاقله لاتجعل المال اهم عليها من ارضا زوجها وتربية ابنائها
هل السعاده بالمال ام السعاده بارضاء زوجها واسعاده حتى تسعد والله اني لاارثي للموظفات لم يذقن ماذقنا نحن من سعاده..... طول حياتها وهي تعمل من اجل مال يمكن هذا المال يصبح نقص عليها واعرف كثير منهن في مشاكل مع ازواجهن ياعطيني ولا اصرفي على البيت ولا اتركي الوظيفه وهي اصلا جايبه الوجع لراسه تعلمي لاكن اتركي العمل لرجال فهم اهله الا ان كنتي محتاجه انتي وزوجك فانتم ادرى وسيتحمل معك اما ان تشرطي عليه وهو يقبل لانه ماجرب الوضع ويالله شوفي المشاكل لانه مشروط عليه ولايقدر يحل بالشرط طول الوقت يمللها ويمكن يتزوج عليها بعد ما ساعدته بمصروف البيت والعيال وشراء منزل
اعرف زوج يشتكي من زوجته الموظفه يقول بصوت عالي ابي حرمه اميه ماتعرف الف من باء وش نفعنا باللي تعلمن حريمنا تعلمن امور تستقوي على زوجه وتحرمه من حقوقه ابي اميه زي امهاتنا اللي كدو وكافحوا لارضاء ازواجهن والله انهن احسن تربية اولادهن شوفوا جيلهم فيهم الخير والبر والتعاون والمحافظه على امور دينهم وهم طالعين من ابوان اميون هل نفعنا جيلنا بتعلمنا لاوالله بل خسرنا وخلينا اللي يعلمهم خدم منهن المسيحيين والبوذيين والنصارى وقله منهم المسلمين واصبحة المراه خراجه ولاجه لانه تملك مال تجيب سواق تستغني عن زوجهاوماتخلي مكان ولاسوق الاتروحله لو يعاتبها زوجها قالت بلا منتك عندي فلوس يعني ان رضيت ولا طق راسك بالجدار ومن المال تجيب خدامه تربي اعيالها ومن المال تجيب طباخه تطبخ لهم يعني وش بقى لزوجه
انا لااعمم فيهم خير لاكن اللي نشوفه الاكثريه منهن هداهن الله
مره رايحه للمدرسه عشان حفلة اختي تكلمت معي المديره وقالتلي انتي متعلمه قلت نعم ماتوظفتي قلت لا اصلا ماتعلمت للوظيفه قالت احمدي ربك والله انك احسن منا شوفي حالتنا حاله من ازواجنا واهمالنا للبيت والعيال لاكن اللي يذوق الفلوس صعب يترك الوظيفه اهملنا انفسنا وصرنا كننا عجز من الكرف اللي نكرفه والله اننا نغبط اللي ماتعلمت ابدا لانها هي اعلى منا تعلمت من امه وجدته تعلمت وشلون تحافظ على زوجه وتربي اعياله وترضي ربه وتسعد نفسه
تحياتي لكم اختكم الينبوع الصافي انا لااعمم على الجميع
شكوى،،، من الأناني؟؟؟
متابعة النقاش، صفحة 2