شاركي في النقاش

سجلي الدخول لإضافة تعليق.

التعليقات

3,000
  1. @slfy_1_1

    G Libya
    السلام عليكم كيف حالكم يا غاليات دي ليون ياغالية الايميل القديم ماعاد نستعمل فيه غيرت على ايميل ثاني قولي لمدام علي تعطيه لك اريام الحنين ننتظروا في العصبان والرشدة من ايديك الحلوين مدام علي المفارش اللي قلت لك عليهم نزلتهم في…
    السلام عليكم

    صباح الخير ومساء الخير (كل واحد ياخد اللى تمشى معه )

    كيف حالكم وكيف حال صغويرتكم ربى ادوم عليكم الحال الباهى اهو كلكم اللى خشيتوا قلتوا احوالكم باهيه وعيونى بعيد السو على عمر وحمودى لاباس عليهم

    ماشاء الله كتبتوا هلبه معاد نعرف على منو بالرد المهم بارك الله فى كل من سال عليا ولى مسالش عليا مرة ثانيه معاش اعاودها ويسال عليا خيرله
    واهلا وسهلا باللى انسونا الجدد فى هدا التجمع
    كلمتنى امس امواج ياربى سلمها وسلم هدكا الصوت وهديكا اللهجه اللى تهبل ماشاء الله لا قوة الا بالله عليها وريتوا هديكا المراه الفالحه عرم مبطن خيرك ما نزلتى الصور وخليتينا نتفرجو يابتى ياعطيك عصيده

    وسعدودكم ياللى روحتوا ربى اهنيكم

    وينكم ياللى غايبين عندكم خصم ثلاثه ايام اللى ميجيش اليوم
  2. @slfy_1_1

    سلفية 1
    السلام عليكم صباح الخير ومساء الخير (كل واحد ياخد اللى تمشى معه ) كيف حالكم وكيف حال صغويرتكم ربى ادوم عليكم الحال الباهى اهو كلكم اللى خشيتوا قلتوا احوالكم باهيه وعيونى بعيد السو على عمر وحمودى لاباس عليهم ماشاء الله كتبتوا هلبه معاد…
    غاده سلمك نشاده وسلامه
    برى ياحنه طريقك زينه :hahaha:
  3. @hyah_hloh

    امواج البحار
    السلام عليكم ... واللهِ لقيت الموضوع فى الصفحة الثانية وقريب يطلع للصفحة الثالثة !!! خيركم ان شاالله !!! شكلها عيونة باهية !!! اللهم صلي وسلم على سيدنا محمد وسلم ... يااااااااااااااااااااااهو ويناااااااااااااااااااااااااكم !!!!!!!!!!!!!…
    السلام عليكم
    كيف حالكم
    Gليبيا
    اليوم من صبح ربي اتصلت بي اتصالت والحمد الله توه نفتح غير ياربي
    اميسكرش مره تانيه
    هو انت طالعه واني من بكري فاتحه الماسنجر نرجي
    مرت رجلها ليبيا قلبي
    اتصلوا بي الاتصالت حتي يعطيكم الخطوات الانه يختلف من شامل والخط
    عيوني
    بعيد سوء علي صغارك
    ان شاء الله ما يشوفو اشر
    امواج
    وووووووين ريجيم وين
    شوفتي كيف صارت الغيره

    هذي طريقه الصلصه الي عجبتني
    علبه طماطم معجون 135غ او 4 ملاعق طعام كبيره
    2 فصوص ثوم
    1كوب ماء
    2 ملعقه زيت زيتون الي يحب طعمه زيتنون في البيتزا او عادي
    2 ملعقه كبيره جبنه كاسات
    1ملعقه زعتر
    ملح وفلفل اسود
    علي نار هادئه حتي تختر
    وبعدين توضع علي العجينه ملعقه صلصه
    واني نحب نحط عليه
    فلفل رومي جميع الوان بصل طماطم نقانق يقطع مربعات صغيره ويرش علي البيتزا
    وبعدين تن وزيتون وفطر ويرش الجبنه وبعدين قليل من رشه زعتر
    وحطيه في الفرن
    توه نجوعكم شويه تخيلوا بيتزا ساخنه وجبنه مع بيبسي
    توه نعطيكم صلصه الاولي عينك مزانك
    بس اني نحول نعطيك مقادير
    4 حبات طماطم
    2 بصل
    1فلفل
    2 ثوم
    واني نحب نحط الحرارات شبه كله
    معاده كمون الحوت
    علي نار هادئه حتي تختر
    سلفيه رهو يقعد خاطرك فيه اتصلي بي اقرب مطعم وصي عليه عشان البيبي
    اهلا وسهلا بجمع الاخوات الجديد
    وين البقيه غياب
    سلامي للجميع
  4. @lybya_klby

    ليبيا قلبي
    السلام عليكم ورحمة الله وبركاتة كيف حالكم شنو اخباركم ما شاء الله امواج والله شكل المبطن اسهف عطك خير سلفيه لاباس عليكي ان غير ما اضيقيش روحك وان شاء الله اتوضي بسلامه انتي والبيبي
    خيرات حياة
    شنو قصة النت
    تعرفي حتى انا مره صارتلي كلمت الاتصالات
    بس على طول صلحوا
    انا عندي الشامل

تابعي تجارب أخرى من هذا القسم.