طلقنى لانه حاقد على اهلى

1استخيري
2استشيري
3لاترجعي
بما ان ماعندك اطفااال لاترجعي وانت حره
خلاااص طلقك ليه ترجعيله مافيه ضحايا ولاشي
وانت استرجعي الله وداومي ع الاستغفاار والله
مابيضيعك ابدا

يوه ياعيون سعودية واضح ياقلبي ان مالك خاطر فيه واحمدى ربك مابينكم عيال يااختى ايش يصبرك على ظلمه وظلم اهله
واذا كنتى تبغين الرجعه استخيري وبشرط هو يعتذر ويصفى النيه وبحضور شيخ العقد الجديد وبحضور شخص كبير من عائلته يشهدون عليه وكبير من اهلك بعد عشان اذا لعب بذيله واشرطى عليه انه يطلعك بروحك في بيت ولازم مؤخر وانه اذا بغي يلف ويدور يسرحك باحسان
بس صراحه منيب شايفه رجعتك له زينه وانتى و رايك

الله يكون بعونك

اختي الكريمة عيون سعودية ..
انا كتبت موضوع خاص بهذا الشان تحت عنوان... بين السندان والمطرقة هكذا تعيش المطلقة..
واعتقد ان الطلاق بحد ذاته هو ((نعمة)) احيانا والدين الاسلامي ماوضع الطلاق الا حلا لمشكله قائمة لا حل لها الا بالطلاق... وبما اننا لانعرف زوجك وانتي فقط من يعرف سلوكة ونواياه وتفكيرة ومدي جديته في تنفيذ افعالة واقواله من خلال عشرتك السابقة معة...فهل هو مجرد كلام وردة فعل ؟ وهل يحبك وبينك وبينه ود وتفاهم..؟ ام مجرد انتقام واذلال من جديد كما هدد وذكر بكلامة لك وبشروطة الجديدة للعودة.... فممكن مثل هذة العودة قد يحرمك من فرصة الزواج من جديد من شخص اخر افضل منه ومؤهل اكثر منة وبذلك تروح عليك الفرصة.. او يؤخر فرصك من زوج جديد وانتي شابه ...وقد يقيد حريتك ولا يتركك الا بعد ان يذهب شبابك..خاصة اذا كان رجلا بلا شخصية والاخرون يتحكمون به او به شئ من الحقد عليك او رغبة الانتقام منك ومن اهلك.. وهنا تركه لك افضل من العودة
اما اذا كان تصرفة مجرد ردة فعل لااكثر فان العودة له افضل وانتي من يحدد سلوكة ونيته اتجاهك..
وبحالة العودة فمن حقك ان تطلبي الشروط التي تسمح لك بالانفصال عنه بسهولة بحالة رغبته بالانتقام والاذلال منك..
وفقك الله وايضا اللجئي الى الله لانه هو حسيبك وهو الذي لايضيعك ولا تضيع ودائعه سبحانه تعالي

اذا كنتِ تشوفينــــــــه ماعنده شخصيه ( إمعه ) يسمع كلام أهله
وتشوفينه غبي ...ويهدد ويتوعد ....
بالله كيف راح تكون حياتك معه ؟؟؟

وانتِ تناظرين له بإستخفاف ....واستحقار

الله سبحانه شرع الطلاق ...ولولا أنه حل لما شرعه الله

وعسى الله يعوضك بزوج شخصيته مستقله ويستحق الامانه ,,

وانسي تشرطين عليه لان هذي النوعيه مايهمه شرط ولاغيره