اختي انا عن تجربه تساقط شعري بشده ومن الجذور لاستعمالي احد الزيوت واختي نصحتني بشي جربته فعلا مفيد وخلال ايام وقف واتحسن الشعر وهو الصبار نبات الصبار خذي ذراع الصبار نفسه وقشريه من ناحيه واحده عشان تعرفي تتمالكيه من الناحيه الاخرى وقطعيها صغار مربعات وادلكيها بالراس بالفروه وكل مانشف سوي ثاني وبكثافه الين تنتهي المشكله يعني لو كل يوم ذراع عادي بيفيدك باذن الله وكمان مايحتاج تغسليه يشامبو الماء يكفي حاولي تقللي شامبو بهالفتره انتي خلي الماء اخر اليوم وطول النهار خليكي بالعلاج كل مانشف سويه ومافي احراج لانه ريحته حلوه الصبار عادي وهذي فترة علاج لكن كمان يكثف الشعر ويفيده جدا والله يوفقك
شوفي حبيبتي أنا عانيت من التساقط لمدة سنة يعني من بعد ما ولدت وشعري يتساقط بشكل مخيف مع اني الحمد لله ماعانيت قبل كده من التساقط و شعري ناعم وغزير والكل يمدح فيه ....عين ما صلت عالنبي.. المهم قريت هنا في المنتدى عن امبولات اكرينال ورحت على طول اشتريتها واستعملتها لمدة شهر والحمد لله وقف التساقط وكنت استعملها يوم بعد يوم والامبوله الوحدة استعملها مرتين لأنها تكفي بس صراحه نشفت شعري مره بس المهم وقف التساقط وبعد ما كملت شهر وقفت وبديت اعمل خلطات زيوت عشان ارطب شعري والحمد لله دحين شعري زي الفل قولو ما شاء الله... وهي تلاقيها في قزاز بس لأنه هو الوكيل وسعرها ميتين وشويه ماني فاكره ومعاها شامبو وبلسم وبخاخ لوشن والطريقة مكتوبة عليها واصلا اللي في المحل حيشرحلك بالضبط الطريقة وان شاء الله تستفيدي منها زي ما أنا استفدت ...