يا ريت اللي من ليبيا اتخش

السلام عليكم
امواج كيف حالك يا غالية وكيف حال عويلتك وصحيتى على الدعاء والله انك طيوبة وعلى نياتك هذا علاش يصير فيك هكى وطبعا نفس اللى صارلى لما روحت خسائر مادية ومعنوية وبشرية خخخخخخخخخخخخخخخخخخ مش موت عضوى شى يدره الكبد حاشاك
وبالنسبة للعزايم شكلها معاش موضة بدت الناس تهيف عندى وفى حوشى وانى لى سنتين ما مشيتش
المهم خلينا نغير الموضوع
انى حبيتك وااااااااااااااجد يا بنت وانت مرة قلتى طولك زى طولى بالسانتى 170 باهى كم وزنك خخخخخخخانى وزنى 85 بالك نطلعوا زى بعض معليشى ما تقوليش خيرها هذه هبلت راهى الغربة تدير احرف من هكى
لا وانقولك حاجة انى عندى وحدة قريبتى من الشرق نحبها وااااااااااااجد وتحبنى بشكل ولله الحمد
وناس الشرق يا زينك ناس
عيونى صحيتى على النشدة سلمك نشادة يا غالية وكيف حالها عمتك وان شاء الله تسمعوا عليها خير
ليبيا قلبى كيف حالك
ولوشا وg ليبيا
الحمد لله نفسيتى اليوم احسن وشكلى بنخش عندكم ديمة نفضفض وخلاص لكن بشرط تتحملونى
سلفية
شكلى رعشتك عالصبح معليش السموحة اصلا حنى ما عندناش صبح خخخخخخخخ
اما عنى والتخفيضات والله ما ندور فى حاجة اصلا فى البرازيل ما فيش شن تشرى كلها بضاعة مش لينا وكلها لبس عارى ومرات ما فيش لبس بكل طرف قماش وخلاص لا والغلا ء والكواة
وانى ما نشريش من هنى نجيب من ليبيا انزك وارخص
وباين عليها كندا حلوة وفيها لبس حلو على حسب ما تحكو وشنى عملتها دولار امريكى؟؟؟

السلام عليكم
كيف حالكن يا غاليات ؟
ومرحبتين بقود لايف ومرام نورتونا ,,,
لوشا عوداً حميداً ومبروك تصليحة الكمبيوتر
عيونى لاباس على اعميمتك ان شاء الله ما عند حالها سو ,,,,
امواج معليش انسى اللى صارلك ,خلى قلبك ابيض وانسى
وامشى على روحك بشواش كان تبى اديرى احويش
ان شاء الله ربى يسخر لكم الخير واديروا قصر مش حوش ,,,
اسمعى زوجى قاعد ينشد فى اكثر من شيخ وكلهم افتوا بالاستفاده من البنك الاسلامى بس هو مازال مش مرتاح ,,,,
وديما ايقول حرام فلوسنا ضيعناهن فى الايجارات عند النصارى
انا مش فارقه عندى ايجار والا ملك فى كندا كله واحد المهم قطره نرتاح فيها وخلاص ,,,,
تعرفى انا كرهت الشراء من بعد مشية ليبيا وحالفه مانى شاريه فيها هتروشه نين ايجى الصيف
خلاص كبدى درهت امغير كل اشوى امدايره عرم شكاير ونعطى فيهن للجامع والجامع ايقولوا ما نبوش ناخذوا دبش ونقعد اندور وين نعزق ,,,,
امغير مش عارفه امتى درته هالدبش هذا كله
تحويلتى هذه شعفت من كثرة الدبوش خلالالالالالالالاص
اكره حاجه عندى توا اخشوش محلات الملابس وعععععع
شورنى انتوحم ,,,,خخخخخخ

ليبيا قلبى مبروك الكاميرا انا شريت سونى 8 بكسل فى الكريسمس من كندا هلى نزلت بيها صور موضوع اللهم صيبا نافعا ب 315 دولار كندى وزيدى عليهن التاكس يعنى قريب 400 كندى
بس هكى الاسعار فى الامارات قريبه من كندا
ونفس الكاميرا فى ليبيا فى شارع اول سبتمبر لقيناها ب 500 ليبيى راهو 8 بكسل مش 6 واكيد توا رخصت لانى شفتها فى الصيف اللى فات .
والله ما شاء الله ليبيا كل حاجه موجوده امغير القناعه بس هى اللى مهناش ربى يهدى الخلق .

سلفيه خيرك ؟
باهى كان غير بردتى على روحك معليش عاذرينك الحامل ليس عليها حرج ههههههه
تعرفى كلنا انحسوا بشعورك لما تحكى ,ربى ان شاء الله يوسع خاطرك ويسهل عليك ولادتك يارب .

مرام انا بنتى عمرها 9 سنين ومرات نقعد امعاها تمام واندلعها لكن كان غلطت تاكل على راسها واللى قاهرنى ان بوها يدلع فيها اكثر من الاولاد وديما هالهق ووين انكشخ عليهم ايقولى خيرك اتغيرى من بنتك ؟
لكن اتحب اتخش امعاى للمطبخ وتحب اتزين الكيكات وترسمهن وانخلى فيها ديما اترتب الطاوله واتلم المواعين بعد ما ناكلوا يعنى انعلم فيها كيف اتعاون بيش تلقى روحها ,,,,
والنظافه الشخصيه يعنى ما حكيناش على الدوره بس انورى فيها كيف تهتم بروحها وتستعمل كريمات والبودرات وبهالشكل يعنى ,,,,
خشى للموضوع هذا ايفيدك
http://forum.hawaaworld.com/showthread.php?t=718196

غاده واريام وامشيمشه ودى ليون وتقربصتى وباقى البنات ان شاء الله حالكن باهى وطيبات .