هههههه انا بعد صارلي موقف وانا عمري 9 سنوات كنت نايمه وصحيت من النوم والا الكهرباء منقطعه عن بيتنا واتسمع والا امي وخواتي يسولفون ويضحكون وصرت اتمسك بلجدران من غرفتي للصاله واصارخ يمه يمه الحقوني جو يتراكضون شفيك اصيح الحقوني مااشوف شي انعميت قاموا يضحكون وانا اصارخ والله ما اشوفكم انعميت وهم ميتين من الضحك بلاخر قالوا لي الكهرباء منقطعه
انا هذا الموقف ماصار له سنه كنا راح نقطع شارع عام فيه سيارات <<<< أجل وش فيه يعني حيوانات المهم أنا كنت لابسه تنورة وكانت ضيقه أمي وأختي مشوا عادي لكن لم جيت بمشي يوووه الله لايجيب هذا الموقف مره ثانيه والله والله السياره قربت خلاص شوي وتصدمني وأنا أقول بنفسي خلاص بوقف ماراح أمشي السيارة بتصقعني بتصقعني أستسلمت بس السياره هدت من سرعتها وأنا أستغل الفرصه وارفع التنورة وأركض ..عاد شوفوا شكلي خخخخخخخخخخخخ عبايه وتركض ههههههه .. وبعدها حرررمت أقطع شارع عام ولا غيره
والله ان مواقفكم مخيفه بقولكم عن موقف صار لولد إختي وعمره 2 (سنتين).. وهم طالعين من بيت أهلي رايحين لبيتهم والمشكله انها هي الي كانت تسوق السياره.. وولدها في المقعد الخلفي (وهو كثير شيطان) المهم وهي ساهيه عنه.. والا ويفتح باب السياره ويطيح منها ..والحمد الله انها انتبهت ووقفت السياره بسرعه ونزلت وهي مخترعه ..و هي اتشوفه تحت السياره وما بين التاير وبينه شئ ومن كثر ما هي مفجوعه شلت ولدها وخلت السياره وتمت تركض لين بيت اهلي وهي اتصيح وتفاجأو فيها وهي بهالحاله بس الحمد الله .. الله ستر ما حصله شئ بس خدوش بسيطه ومن هاك الحين حرمت إنها اتسوق الا ومعاها الخدامه... الله لايورينا هالمواقف.. والله يحفظ عيالنا