شاركي في النقاش

سجلي الدخول لإضافة تعليق.

التعليقات

23
  1. @smraaa_algzyrh

    صاحبة الموضوع
    يسلمو لكل اللي ردوا علي ماقصرتوا والله ..

    الله يوفقكم ويسخر لكم رجالكم ،، كفيتوا ووفيتوا ..
  2. @am_lzam

    مرحبا اختي : سمراء الجزيرة ( خير النساء ايسرهن مؤونه )
    اولا : مبروك والله يوفقك :26:
    2- تاكدي ان فيه اشياء كثير ما لها داعي والله شريناها وركمناها في الدواليب يعني اقتصدييييييييي
    3- والله فيه وصفه مضمونه وهي قشور برتقال او ليمون تيبسينها وتطحنينها وتحطي معها شوي زيت وتدلكي مدة ربع ساعه قبل الحمام
    4- لا تهتمي كثير في الخلطات والتبييض لانك توك والرجال لهم نظرة ثاااااااااااااانيه يعني نصيحه لا تتعبي مرة والطبيعي احلى
  3. الف الف مبروك ...
    الله يتمم لك بخير يارب ...
    حبيبتي انا عندي ملف وكل ماقريت شي في المنتدى نسخته للملف وفتحته وحصلت كذا خلطه من البنات هنا لكن للامانه ماجربت ولا وحده ... عاد بنسخهم لهنا والعذر والسموحه من صاحبات الخلطات لكن عذري انهم كتبوه للفائده للجميع ....
    انا حبيت اعطيكم هالوصفه من اختراعي بس نتيجتها ميه ميه ولا فراخ الجمعيه
    نعومة وازالة للخلايا الميته ونظافه وبياض بس عاد مو تجيني وحدة سمرة تقول ليش ماصرت بيضا!!
    لا يعني يتوحد لون الجسم وتحسين شوي بفرق باللون مع الاستمرار مو من يوم وليله
    انا هالطريقة قبل كنت كل ماشفت روحي فاضية سويتها
    يعني بالاسبوع 3 او 4 مرات ومافي مانع تسوينها كل يوم خصوصا العروس ترى بتستفيد منها حيييييييييييييل


    يالله جهزوا المقادير:

    بطاطا وحدة متوسطه الحجم مسلوقة ومقشرة
    علبة حليب سائل كي دي دي او حليب السعودية او المراعي كيفكم
    يعني تقريبا كأس كبير حليب سائل
    ملعقتين كبار هردة اللي هي الطحينه السائله اللي يسوون منها المتبل ويحطونها بالشاورما عرفتوها؟؟
    ملعقتين كبار عسل
    ملعقة كبيرة شوفان مطحون
    ملعقه كبيرة طحين حمص
    شوية مرة انا اخذ صخرتين صغار من المرة واطحنهم واحطهم
    عصير ليمونه وحدة

    خلطي المقادير كلها بالخلاط
    بس اول شي حطي البطاط مع الحليب بالخلاط بعدين ضيفي الباقي عشان لايصير ماسك وايد ومايتحرك بالخلاط
    واذا بالاخر طلع الخليط ماسك حييييل ضيفي زيادة حليب سائل لين تحصلين المزيج اللي تحسينه مناسب عشان تدهنينه بجسمج
    تاخذين هالخلطه وتقعدين بغرفتج مو الحمام عشان حرام نعمة الله
    تفرشين شرشف او نايلون كيفج
    المهم دهني كل جسمج فيها بما فيها الوجه عادي وقعدي فيها كثر ماتبين انا البس دراعة قديمه واقعد اطالع تلفزيون ساعة كامله واغسل
    يعني الوقت اللي يناسبج بس مو اقل من نص ساعه عشان يمديها تعطي مفعول
    عقبها جيبي فوطه فيها ماي ومسحي جسمج عشان تشيلين الزايد عشان لما تدخلين الحمام ماتدخل نعمة الله حرام
    المهم لامسحتي جسمج دخلي الحمام تسبحي وسوي سنفرة الليمون والملح انا احبها تنعم
    او استخدمي سنفرة المشمش
    او سنفرة لوريال اللي كاتبه عنها الاخت شالسالفة ترى ممتازة وميه ميه جربوها
    اذا ماتبين سنفرة تفركي عدل بليفه تكون تطلع الوسخ مو ليفه ناعمة ماتسوي شي
    ولاخلصتي حطي بدي لوشن اي نوع تبين انا استخدم جونسون باللوز عجييييييييب وريحته حلوه وعندكم بدي لوشن دوف بدي سيلك هم ممتاز ينعم
    وبس متى ماحسيتي لج خلق سوي هالطريقة وهي مثل ماقلتلكم تنفع حتى للوجه لانه كل شي فيها طبيعي وماتضر بالعكس بتوخر الحبوب لانه فيها ليمون ومرة
    وبتوحد اللون وتبيض شويييييييييييه بس اللون اكيد مع الاستمرار يتوحد يروح كل السواد
    وحتى الكوع والركب بتنعم اكثر
    والمنطقه الحساسة اللي لاعبه فيكم ومطلعتلكم قرون بعد بيصير لونها موحد

    يفضل انج مع الخلطة تسوين مرة بالاسبوع حمام مغربي
    لانه يشيل الخلايا الميته وينظف ويفتح المسام
    وهالشي بيساعد المكونات بالخلطة انها تتغلغل بالبشرة

    انصح العرايس انهم يلتزمون بهالوصفع قبل العرس بشهر 3 مرات بالاسبوع واوعدكم انكم ماراح تعانون باذن الله لامن حبوب ولا سواد ولا شي
    اذا التزمتوا

    يالله جربوا وقولولي النتايج شيصير معاكم

    الثانيه :
    اول شي سوي حلاوة للركبة .. لان الحلاوة بتنظف المنطقه وتشل الجلد الجاف
    بعدين اخلطي فنجان قهوة زيت زيتون , عصير ليمون ملعقة كبيره ملح و نص فنجان سكر خشن .. افكري الركبه عدل عقب اتركيها لمدة 10 دقايق ,
    بعدين اغسلي المنطقه بالماي الدافي

    عقب ماتخلصين اخذي كريم جليسوليد وحطي كميه مناسبه وادهني الركبه
    عدل بهالكريم , بعدين اخذي كيس بلاستيك ولفي ركبتج فيه , طبعا لكل ركبه كيس
    وتحملي تربطين الكيس بالقوة مب زين .. المهم بعدين اتخلين الكيس على
    الركبه لين اتحسين انها عرقت , يعني ساعتين بالكثير ( انا احطه الظهريه
    لاني انام ساعتين فاخليه ولما اقوم اشله )


    عقب ماتشلين الكيس , اخذي ليفه خشنه شوي وافركي فيها المنطقه عدل
    وانتي في الحمام ( وانتوا بكرامه ) .. انا الصراحه ماستخدمت الليفه , استخدمت القطعه البلاستيكيه اللي اتجي مع كريم ايماك , قعدت شوي شوي افرك المنطقه
    ونظفها .. المهم بعد ماتخلصين غسلي المنطقه بماي دافي , وعقب ادهني المنطقه بزيت اللوز المر او ممكن الجلسرين ( انا كل مره انوع ) .. وبسسسسسس

    موفقه ..
  4. @aalk_mstk

    ديـــــم
    الف الف مبروك ... الله يتمم لك بخير يارب ... حبيبتي انا عندي ملف وكل ماقريت شي في المنتدى نسخته للملف وفتحته وحصلت كذا خلطه من البنات هنا لكن للامانه ماجربت ولا وحده ... عاد بنسخهم لهنا والعذر والسموحه من صاحبات الخلطات لكن عذري انهم كتبوه…
    الله يوفقك
  5. @tfoh

    هلا اختي,,
    فيه كوافيرة تركية شغلها حلو وتشتغل في مشاغل العليا ,, وتجي للبيت و حبووووبة تراعي في السعر ,, وهي نفسها مصور وسعرها على عدد الصور الي تبين ,,شيكي على الخاص اختي ,,

تابعي تجارب أخرى من هذا القسم.