خواتي محتاجو لدعائكم لي بظهر الغيب

حبيبتي الله يكتبلك اللي فيه الخير و ينصرك على من ظلمك و يفرج همك و يرزقك بأولاد الحلال اللي يساعدوك ...................
اقرئي سورة النصر وسبحي ربك واستغفريه وسينصرك الله ان شاء الله

الله يفرج همك وينصرك على من ظلمك يارب

الله يوفقج حبيبتي

مشكورين خواتي جزاكن الله خير بس حابة اقولكم نصيحة اياكم اياكم اياكم والثقة المطلقة في اهل الزوج ولا الزوج نفسه مهما كانوا حبايب معاك مهما تخانقوا مع ولدهم عشانك مهما بينوا حسن النية لا تكونين مفتوحة وايد لهم خصوصا اذا كانوا من أصل رديئ ولا تقولين معقولة بوقفون ضدي بعد ما كنت اتخانق مع زوجي عشانهم؟؟؟معقوله يغدرون فيني بعد ما كنت اطلعهم وافسحهم معاي واشوفهم واشوف طلباتهم أكثر من اهلي ؟؟؟معقولة بعد ما كانو واقفين معاي يقلبون ضدي.؟؟؟؟ ايه اخواتي معقولة وكل شي يصير في هالدنيا اذا الزوج اللي تعيشين معاه وتأمنينه على حياتك ونفسك وحلالك يغدر فيك ما تبين اهله يغدرون فيك؟؟؟؟

انا قلت قصتي وايد على النت بس حابة اقول اني تزوجت عن حب وعطيته كل اللي يتمناه من غير ما يطلب وانا ما أتكلم معايرة ولا منة لا حشا لله وربي يشهد علي لكن اتكلم من حرقة قلبي واللي هو واهله سووه فيني بس تخيلوا اهله كانوا جدام القاضي كل همهم ان يبينون للقاضي اني تزوجته عن حب يعني يبون يبينن اني بنت مو مضبوطة تخيلوا ويجي الزوج المحترم واهله جدام القاضي يقولنون احنا نبيها ترجع ونحبها بالله عليكم اللي يحب يفضح شي ربنا ستر عليه ؟؟؟اللي يحب يطعن باللي يحبه ؟؟؟ ويا ليت قالوا جذيه وبس لا فوق هذا نكروا طق ولدهم لي وانا حامل ونكروا علاقته بالبنت اللي طقني وسبني وسب اهلي وديرتي عشانها واتهموني وقالوا ان زوجي المحترم كان يشتري كل ملابس البيبي وكان يعطيني الفواتير عشان ابدل الهدوم لو كانت صغيرة او كبيرة واني خذيت هالفواتير وادعيت اني انا اللي شاريتها تخيلوا؟؟؟ تخيلوا بعد ما الزوج التقي المحترم قفل باب شقتي على اغراضي وهدومي واثاثي اللي انا ادفع اقساطه قام ورجع غير المفتاح ورجع القديم وجبرني اجي الشقة اخذ اغراضي في وجوده وانا بعد خفت اروح وهو مو موجود ويقعد يتبلى علي اني بقت اغراضه مثل ما سوى اول مرة المهم اني بعد ما ولدت كنت اروح واخذ البيبي معاي عشان يشوفه واخذ اغراضي وكان هو يصورني من غير حجاب على اساس اني في بيتي وكان يقولي انا اصوركم عشان البيبي ذكرى فكنت اسكت بس قلبي كان قارصني المهم تخيلوا في جلسة الشهود قام وحط صوري جدام القاضي وقاله شوف هذي اهي عندي في البيت وكل شي عادي وانا اصلا تفاجأت لما تركت البيت فجأة في شهر 8 |2006 مع اني تاركة البيت من شهر 12 | 2005 لكن بحكم الصور الي عنده كان يصورني بعد ما ولدت يعني في 2006 من بعد شهر 5 تخيلوا شلون كان يخطط طول هالمدة بعد ما كنا منتفقين على الطلاق يقوم ويحط صورة زوجته بدون حجاب جدام رجل قاضي غريب ولما اخوي عصب وقاله ما يجوز شيل الصورة مرتك من غير حجاب قال كيفي هذي زوجتي نقوله حرام يثقول زوجتي كيفي يعني يكشفني جدام الناس ويقول كيفي زوجتي ويطقني ويقول كيفي زوجتي ماحد يتلكم والله لو اني جارية عنده ماسوى جذيه وين الزوج الغيور اللي الفمروض يراعي حرمة زوجته ويغار عليها حسبي الله ونعم الوكيل فيه وفي اهله اللي شهدوا زور ضدي مع انهم يدرون باللي سواه ولدهم منه هو مياشرة والله خواتي قلبي يرقع من أمس ولا ذقت الأكل وورمت عيوني من البكي اللهم انتقم منهم آمين واكشف اكاذيبهم يا الله.