تحملي أمه وشليها فوق راسج وتأكدي انج بتكبرين في عيون ريلج
أكثر وبتكونين مأجورة وعيالج بيبرون بج يوم بيكبرون بإذن الله..
وسالفة مصاريفها وإذا اهله ياخذون من أغراض البيت لا تهمج
مدام ان هو اللي يدفع خلاص وعموما مبين أهله ياخذون أشيا تافهه
موجوده في المطبخ وبعلمج.....حاولي تتقبلين هالاشيا برحابة صدر
لكن سالفة غرفة النوم سالفة كايده ،،،،بصراحه عيب على ريلج يدخل
حتى اخوه في غرفة نومج....اظني عشان التيلفزيون؟؟ انقلوه في الصالة
أريح لكم أصلا والحمدلله ان اخوانه لقوا شغل واستقروا
أما بالنسبه للزيارات، غيري النظام وياهم،، اتفقي انتي وحريم اخوانه ان اليمعه تكون في بيت حد منكم كل أسبوع وأكيد هم بيحبون زياراتج
لهم,,,,
أهم شي انج تقللين من الشكوى منهم لأنج ممكن تكونين الطرف الغلطان في
نظر زوجج وممكن لا سمح الله لو هم غلطوا عليج غلط كبير ما يصدقج ساعتها
الله يوفقج اختي
زوجي الكويتي واهله المصريين
متابعة النقاش، صفحة 8