والله محتاجه حد يرتبلي الموضوع من اوله لاخره عشان اشوف الموضوع بصوره اعمق واتخذ قراري

السلام عليكم ورحمة الله وبركاته اخواتي في الله انا بستشيركم واريدكم تحللون الموضوع بما انكم مزوجات مااعرف انا من الي صنف مزوجه ولا بنت ولا عانس ولا مطلقه ولا شوه انا انسانه الله راد لي اني احب قريبي ويحبني والحمدلله تمت الخطوبه والملكه وكنا حلوين وكنت عايشه في عالم اخر صارت امور كثيره لاني اكتشفت سوء خلقه بعدين وارتكابه محرمات كثيره هذا مب موضوعنا بس الي انا مستغربه مني تغير طبعه بالمره كان يكلمني في الهاتف( فترة الملكه ) دائما مشتاق لصوتي وكلامه عذب اول مشكله صارت للاسف مب بايدي شك فيني بقوه وانا كنت برئه من الي صار وكنت عند اختي في تلك الحظه الي هوه وجد وحده على النت تحدثه باسلوبي ويقول انتي انتي اسلوبج وكنت تكلمين اكثر من شاب في النت وربي رحمني ان اني كنت عند اختي الي اكبر مني دراقه في الستشفى وعندنا اخته وامي واول ماواجهني كنت ابكي واحلفله اني مب انا واقوله كيف بدخل النت وانا في مكان مافيه نت واسال اختك كانت عندي طول الوقت وهو قال عادي اختي تغطي عليج ياناس حسيت راسي بينفجر وصدقوني حلفتله وحاولت وقلتله اذا شاك فيني للحين نفترق خلاص مايصير حياه زوجيه بدون ثقه هذي اول مشكله بينا ومن بعدها تغير علي حتى في كلامه يعني ماصار يدق وصار يتعرف على بنات :( وماصار يقول كلام حلو بالمره تعرفون انتم في الفتره الاولى كان دوم يقولي عطيني بوسه اتمنع :09: استحي وطبعا حلو يطلب وانا ارفض وكان اسلوبنا جميل ومااكنت اقول لاي شخص عشان ماتقولون عين يتكم :( وكان دائما يسمعني كلمة احبك وكنت يوم اكلمه احس ان صوتي يثيره ويبين في صوته ومن بعد الشك صار حديد ولا ياثر ولا يكلمني الا نادر ولا يطلب مني اي شي بالمره ويوم اقوله الموضوع اثر فيك يقول لا خلاص انتهى الموضوع وبعدين حزت في نفسي معاملته وايد صار جاف جاف جاف حتى مايكلمني ليش بخونه وانا احبه :( ومابيصدقني لو احلف على القران اذا قال عادي اختي تغطي علج :( المهم بعدها بدت المشاكل بقوه وصار طلاق مره وردينا والحين صارت مشاكل وكل المشاكل لاني خلاص مااتحمل معاملته لي جاف جاف جاف ماكان جذيه كلام حلو مافي تقولون يكلم ربيعه وكل يوم تصير مشاكل ولا يتصل مثل الناس وتوجه للبنات وصار يغازل كل هذا لانه شك فيني لو انا صدق غلطانه شو بيسوي مابيسامحني وهو دكتور ومثقف ماشاءالله :( يعني المفروض يكون واعي خاصه انه كان يحبني وايد والحين احسه مايحبني والدليل ما ياب طاري العرس اخر فتره صارت مشكله وخلاص انا طلبت الطلاق وكلمة ابوه وابوي والكل رفض الطلاق وهو ولا اصلن مهتم بس يطرشلي مسجات مابطلق وانا اريدج بس كلام كلام ولا حاسه انه يريدني و لا شي كثر ماحبيته كرهته ليش مايتصلي ليش ما يعزمني في يوم من الايام ليش ماصار ايبلي ورد وجوكليت ليش ما صرت اسمع كلمة احبج اختي الكبيره مع انها تعبانه دراقه ادعولها اخر مره رحتلها كلمتها قالتلي لا تتطلقين انتم تحبون بعض وبناجل العرس سنه وشوفي يمكن اول ما يرجع يثق فيج يرجع مثل قبل انا ما غلطت ولا افكر اخونه انسانه اخاف الله وشو بيدخلني اماكن غلط ليش يفكر فيني جذيه بنات شو رايكم في سلوكه لا تحلون المشكله بس قولولي هل التغير الي طرء عليه لانه شاك فيني معقول من عاشق ولهان محب يصير حجر حديد ويوم يكلمني شوي ويسكر كانه واجب عسكري طبعا الحين لا اكلمه ولا يكلمني وانا كنت مصره على الطلاق لين اختي قالتلي لا اصبري وقلت لبوي الي تشوفه على اساس اني سمعة كلامهم مع اني انا اضعف جدا يوم يبعد اريد ارجعله مع ان والله الشي الوحيد الي كنت احبه فيه حنانه وحبه لي ولا لا خلق ولا شكله حلو خسف :( ماعرف شو اسوي انا متلخبطه ممكن وحده تعيد افكاري وترتبها اثق فيكم انكم مابتخيبون ضني والله يكون في عون العبد مادام العبد في عون اخوه هوه تغير من الحظه الي صار فيها انه يقول انتي الي سويتي جذيه انا اشتاق لهذيج الايام اشتاق لكلامه وصوته وضحكته واشتاق للهفته علي ممكن ترجع هذيج اليام ولا خلاص انسى ممكن يصفح عني وانا ماغلطت ولالا انا اصلي وادعي واستغفر ومتوكله على الله واصلي الاستخاره دائما وابدا بس ابا المشوره منكم

وشكرا مقدما الحزينه فروله :(