ماتت فيني كل الاشيا الجميله ....

شوفي حبيبتي انا ماراح اسردلك كلام يمكن ماتتقتنعين فيه بس بقولك حكمه وانتى راح تيقنينها ان شالله
(من كان مع الله فمن يخشى ومن كان مع غير الله فمن يرجى)

بالعكس حبيبتي انتي مفروض تفرحين ان الله انقذك من هالانسان

الله انقذك من هالانسان لان الله يحبك

خلاص ابداي حياتك من جديد وانسي الماضي عيشي حياتك الجديده برضا ربك وطاعته ولاتفتحين الصفحه هذي في حياتك ابدا الماضي انتهى وراح لاتقولينه لحد ولا تناقشينه حتى مع نفسك وانتي الآن انسانه جديده مستكثره على نفسك تعيشين من جديد؟؟؟؟

وبعدين مين اللي ماغلط ولا اخطا الله المستعان

ابداي حياه جديده واستعيني بالله والله ينور دربك ولاتنسين التائب من الذنب كمن لا ذنب له

فديتكم والله يا بنات .. ماعرف كيف اشكركم ..

والله يا بنات ..

انا اللحين من خمس شهور على هالحال في ولا لحظه وربي شاهد علي فكرت ارجعله خلاص يابنات ماعدت ابا الحرام ...

لا تتحرون الموضوع يتعلق بحبي له لاوالف لا ..

تدرون ..... تمر فيني لحظات قوة لكن ارجع انكسر ..اللي يذبحني ..كيف صدقته ..كيف ائئتمنته على كل شي بحياتي..كيف كنت ادلعه واحاتيه ..مستخسره كل وقتي وهمسي اللي ضيعته عشانه وعشان الحرام ككل .. واغضيت ربي عشان علاقة لاراحت ولايت ..وفي نفس الوقت ..مب قادرة انش من مكاني ..خاطري اتحرك ليدام .. لأن اللي راح .. راح ..

بإذن الله بقوي علاقتي بربي .. وبتقرب منه .. ابا الراحه النفسية .. ابا الافكار والعواطف ونار الحزن اللي فيني تنطفي ..

ساعدوني قولولي شوروعلي .. كيف اقوي علاقتي بربي كيف اسلك الخطوات الاولى للتقرب من ربي ...خاطري اكون سعيدة يابنات ... والله مليت الحزن ..

حبيبتي والله يا شمس وقمر .. في ميزان حسناتج يارب ..

من عيوني يالغاليه بطبق خطواتج بالحرف الواحد .. بس انتي ادعيلي يالغلا ..

وصدقيني انا ما اسمع اغاني ولا افكر اسمعها .. بس تسلمين والله وخطوات اكيد بتكون مفيدة ولها الاثر الكبير ..

فرحت بإهتمامج .. يزاج الله كل خير ..



اختج ..
ألم ..

يووووه البنت مرررره رقيقه .. من جد








شوفي انا حاسه فيك والله .. وفاهمه معاناتك .. بس مو معناها انك تداوين هالمعناه بمثل الداء اللي سببها لك <<<--- افهميه صح
انت لازم تشغلين نفسك عشان تنسين ..
مرات انا اسويها .. وراح تشوفين فيها متعه مافيها متعه .. زمان يوم كنا بنات فاضيات
كنت انا وبنات خالي .. نتصل على جمعيه الايتام او نروح لهم .. ونقول لهم نبي نسوي عزيمه باستراحتنا .. ( عندنا استراحه للعايله ) للاطفال الايتام .. مع اطفال العايله ..
هم يفرحون .. يبون اي احد يحسسهم انهم طبيعين
عاد يجبونهم لنا مع المشرفه حقتهم .. طبعا نكون مفهمين الوضع لاطفال العايله عشان مايجرحونهم ويكونون طبيعين .. تروح وحده منا قبلها لمحل ابوريالين وتضف العاب الدنيا منها .. ونقعد نغلفها .. ونسوي مسابقات .. ومن هالكلام ..
ونبدا نلعبهم .. ونعطيهم هدايا .. ونعشيهم .. يكفي ضحكتهم تخليك تحسين ان الدنيا حلوه وتقبلين على الخير اكثر واكثر ..
شوفي صديقاتك بنات عمك او خالك المقربات او حتى خواتك .. استأجروا استراحه او بيتكم اذا كان كبير ...
المهم اشغلي حالك ...

حليمه وهي حليمه بولند صاجتنا تقول كل سنه تزور دار العجزه وتهديهم هدايا ..
لا تصير حليموووه احسن منك خخخخخخ


الله يوفقك ياقلبي