والله محتاجه حد يرتبلي الموضوع من اوله لاخره عشان اشوف الموضوع بصوره اعمق واتخذ قراري

انا مستغربة من شي واحد
انه زعل لانه شك انج بنت كلمته بالنت ( شك )
وانتي ما زعلتي انه كلم بنت مع انه اعترف وصرح بهالشي بكل وقاحه ؟ (غريبه)

صراحه اختي موقفج غريب
والتعقيد في الموضوع هي صلة القرابة
لان اي طلاق ممكن يسبب حساسيات بالعائلة
بس انتي تعرفين انه يكلم بنات وصاحب علاقات وشكاك
ويعاملج ببرود وجفاء
عفوا شو وجه الحيره هنا؟
انا ما احب اقولج قرار مني
لان الموضوع اعمق من كلمات تنكتب بمنتدى
بس دايما في حركه حلوه
انصحج تجربينها
وخليها هي الحكم
ارسمي جدول
سلبيات و ايجابيات
واكتبي كل سلبية وايجابية فيه
وحاولي تكوني موضوعيه
يعني بعيده عن المشاعر
كانج تكتبين تقرير عن شخص اخر
وشوفى القائمه
واحكمى بنفسج
تذكري اختيارج لهالرجل مب بس كزوج
وانما كأب لعيالج
ومهما كان قرارج
صممي عليه قدام اهلك واهله
لان بالاخير هاى حياتج انتي

سلام عليكم

اشكركم من كل قلبي يا بنات على الردود وانتظر منكم المزيد والله ان الود ودي انهي كل شي الحين وخاصه انه مايستاهلني بس يا جماعه الموضوع مب علاقه غراميه لا سمح الله بينا زواج يعني عقد وهل منحقي فعلا اطلب الطلاق انا قالتلي اختي دراقه الله يشفيها كل الريايل جيه لو كل وحده خانها ريلها بتتطلق ولا غير معاملته بتتطلق ما تم حد مزوج عشان جيه كنت اترفع عن الامور الصغيره وما اواجه لين يت على راسي تصدقون اني احبه على شوه ماعرف والله اني غبيه فعلا تعرفون بعد مابعثناله ولا عبر ولا جني موجوده وفي الاخير انا اتصلت على اساس نتفاهم للمره الاخيره ما رد طرشة مسجات مارد !! شو يعني هذا مايباني احس اني عاقه عمري عليه وهل من حقي مااضعف ولا اتركه للبنات الي مايخافن من الله وبما اني حرمته لازم اني اكون اقوى واسترجعه هذا كلام وحده من الاخوات قالت استرجعيه وخليج انتي الاقوى كيف استرجعه :(

كم عمرك ياقلبي؟؟؟

اذا كان زوجك ابتلي بمكالمات البنات واكتشفتي قبلها سوء اخلاقه مالك غير الدعاء اخر الليل

انه ربي يعصمه من الفتن ماظهر ومابطن منها ومن فتنه البنات


وبعدين حتى لو شك فيك هذا مايحق له انه يخونك ويتعرف ويتعامل بجفاء معاك

وهو عارف في قرارة نفسه انك بريئة خصوصا وعشان كذا يرسل يقول ماراح اطلق

عموما اسلوب الجفاء مع الرجال ماينفع معاه غير الطناش وانك تكونين قوية

يعني يتصل لا تردين بسرعه... لاتتصلين عليه مثلا باوقات تعودها...لاتسمعينه كلام حلو بشكل متواصل

خلي حديثك معاه جاد شوية..لاتظهرين زعلك ولا دموعك دايما ...حسسيه شوي انه مو نهاية العالم

يعني كثيرة الزن على الرجال ليش ماتكلمني ليش معاملتك جافة ليش ماصرت تقول لي كلام حلو

انت كنت اول حنون رومنسي انت كنت اول ........
يخلي الرجال يثق بنفسه وينفخ نفسه وانه هذا الاسلوب جاب نتيجه معاك

الله يعينك كيف راح يكون الزواج والعيشة مع انسان لقي انه اسلوب الجفا مناسب ومع انسان

حلل لنفسه يكلم غيرك ويستهون بالموضوع خصوصا اذا بدأ ملل الحياة الزوجيه او مسؤولياتها مع الاطفال ودخول معركة الحياة الواقعية

لازم تتدخلين الزواج على اساس صلب...وبصراحه حسيت انه يبغى يمسك عليكي شي وبس لغرض بنفسه والله اعلم (اسفة على صراحتي)

بس الرجال عادة يتبلون عالحريم اذا كانو يعملون شي غلط..

عموما الجئي لربك واستخيري فيه مره عاشرة

لانه صعب صعب تعيشين مع انسان مثل كذا

قوي موقفك وشخصيتك قبل مايتمكن منه هذا الاسلوب ويصير طبعه حاولي تثقلين عليه والجئي لربك بنفس الوقت

الله يوفقك

العامريه بخلص ال23 قريب :( والله احس نفسي 100 سنه
اشكركم يا بنات انا صحيح ماارد عليكم وحده وحده بس اقرا كلامك وحاول استفيد منه انا مالي حد اكلمه هذي مشكلتي خواتي الله يعلم بحالهم وحده مريضه والثانيه في عالم ثاني وامي مريضه شو اسوي والله ماعرف شو اسوي انتظر يرد علي بمسج ولا اتصال انا الي قاهرني ليش نحن يعاملونا جذيه والبنات الوسخات الي مايخافن من الله يعاملونهن بكل حب واحترام بقولكم شو قالتلي وحده قالت انتي اولى منهن ولازم احارب واكون اقوا كيف كيف وهو في الفتره الاخيره انا الي اتصل انا الي اسال
واخر شي سمعته منه ما يريدني احبه بهذي القوه ليش ان شا ءالله مب انته ريلي منوه تباني احب وكل ما حسيت انه البعد خلاص ينحرق قلبي ماعرف ليش احبه جذيه :(