حد يرد عليه الصوت قبل لاختنق :( الحقوني :( احس بموت والله الريايل دمهم بارد بكل برود الحين مايبا تليفون مايبانا نتكلم وكيف بتواصل معاه وهو ريلي بنات انقهرت والله العظيم انقهرت شو يعني ان شا ءالله باجر اذا عرسنا بيقولي لا تتصليلي تحسونه طبيعي ولا يريد يادبني انزين يادبني على شوه وشو الجريمه الي بيأدبني عليها لاني حبيته من كل قلبي لاني سامحته من كل قلبي على كل شي سواه لو انا من اول مشكله كنت حازمه ماصار الي صار اخر شي ركب راسه عليه
سؤاااال على السريع... أنتي تبينه و لا ما تبينه؟؟؟؟ جاوبي بهيه أو لآ اتخيلي عمرج في هالموقف و أنتي متزوجة و عندج منه عيال، هذيك الساعة بتفكرين مليووون مرة قبل ما ايي بالج في الطلاق تبين أقولج شو بسوي لو كنت مكانج؟ و الله لاحقره و بطنشه و أعطيه أكبر طنااااش و اروح ادلع نفسي و اكشخ ما بخلي صالون و لا بخلي سوق ، بزيد من الزيارات، و بطلع مع ربيعاتي، و لما خواتي بيتيمعون عندنا في البيت بطبخ و بكشخ على الآآآآآآآآآآآآخر شوفي عزيزتي، أحنا إلي نخلق السعادة، و أحنا المسؤولين عنها، لا تترين زوجج هو يكون مصدر هالسعادة، سعادتج مصدرها (أنتي) مش (هو).... و بعدين هالطريقة إلي الوحدة اتفر عمرها على الريال و اتحارب البنات إلي يعرفهن علشان يلتفت لها طريقة فاااااااااشلة في هالوقت، لو قبل عشر سنين... عشرين سنة، ممكن... لكن ألحين لا.... انتي انسانة نظيفة و إلي يعرفنهن ......................... ما اقول إلا الله يهديهم كلهم خلج قوية، و لا تركزين على هالموضوع، اطلعي من البيت و روحي عند اختج في المستشفى، لا تيلسين في البيت علشان لما تكونين في غرفتج بتحسين بالضيج و الكآبة.... و نصيحة مفيدة ثانية، اشتريلج كم كتاب عن التفكير الإجابي و عن الأمور النفسية إلي اتساعدج على التفكير بشكل صحيح، أو اشتري روايات و اشغلي نفسج بها........ خليه هو إلي يركض ورااااج
ليدي تصدقين وانا اقرا الحين عرفة شو ابا اباه :( هيه والله اباه احبه النذل وهو ما حس ابيه والحين بس قررت اني اخليه هوه الي يركض ورايه بس كيف :( اصلن هوه قال خلاص ماشي تليفون يعني هوه بدا انه يطنشني وفي المسن انا ضاربتنه بلوووك من قلت طلقني يعني كيف اخليه يركض ورايه وتنصحين اروح بيتهم لان متعووده دائما اسير اقعد عند خواته لان ابصراحه اخته صديقة الطفوله وهيه معايه ضده ومنقهره منه وتصيح اكثر عني بعد اقطع بيتهم ولا ؟؟ عمي وعمتي امه وابوه كيف اعاملهم دلوني اعتبروني اختكم ارجوكم وانا اليوم بسير المكتبه وبشتريلي كتب وبحاول اشغل عمري قد مااقدر تنصحوني مااتصله خلاص ما اطرشله مسج خلاص اخليه لين هوه يبدا ؟