عندي رفيجه من أيام المتوسطه وأحنا مع بعض أنا أعتبرها تؤام روحي تشاركنا في كل شي في السراء والضراء ولمن تزوجنا راحت ديره ثانيه بس أستمرينا مع بعض لمده بعدين قطعنا لظروف بس دايما تطرى على بالي وقبل جم أسبوع رحت الديره اللي أهيا ساكنه فيها ودقيت عليها وأستانست حييل فعزمتني على بيتها ورحت عندها فقعدنا نسولف وتقول أنا مو مرتاحه مع ريلي وابي أتطلق ولمن سألتها ليششش مو لهذي الدرجه قالت أنها تحب حماها ومتفقين على الزواج !!!!
وهيا على علاقه مع حماها صار لها سنتين بالذمه هاذي شنو أقول لها ؟
أوح لامها وأعلمها ولاأقطع علاقتي فيها مع أني أحبها أكثر من خواتي ؟
ولله محتاره دلوني خايفه عليها حيل
شاركي في النقاش
سجلي الدخول لإضافة تعليق.
التعليقات
8- انتي لا تقطعين فيها ,, بس لا تكلميها عن حياتها ,, يعني تكلموا في امور عامة ,,
او انصحيها انها تكمل مه زوجها ويمكن حماها يلعب عليها ,,
الله يهديها ,, - برايي في الحال الافضل انج تتركينها و تبتعدين عنها
صراحه هذي السالفه اعتبرها جريمه و اصعب انواع الخيانه
اللي تخون زوجها مع اخوه اعتبره واسمحولي على الكلمه >> نوع من الشذوذ
ما نقول الا الله يهديها ومسكين هذا الزوج المخدوع من اقرب الناس له .. الزوجه والاخ والله قويه
اتركيها يا اختي وطلعي نفسج من هالسالفه .. - والله مشكلة الحمو الموت
- إنصحيها لله
وابتعدي عنها
لأن هذه المسألة بالذات صعبة جدا .. - لا حول ولاقوة الا بالله
يااختي انصحيها والحي عليها ولا تيأسي من هذا الامر وخليك معاها على طول
ترى الشيطان سيطر عليها وماعندها من ينصحها ويرجعها لطريق الصواب
ولك آجر عظيم لو تقدرين تمنعين هالشيء انا عني بحاول فيها واذا مانفع وكانت امها عاقلة وفاهمة
واهل للثقة بقولها بالتفصيل وماانتي الا على خير
يارب يهديها ويهدينا جميعا
دمتي بأفضل حال إن شاء الله
مواضيع مشابهة
تابعي تجارب أخرى من هذا القسم.