أحدث نظام للتمليس "اليـــوكــــــــو"

مساكم الله بالخير يابنات...

ومساء خاص جدا.. للي شعرهم تاعبهم مثلي:23:

مساء خاص جدا.. لذوات الشعر المجعد:(

مساء خاص جدا.. للي شعرهم مهبل فيهم:30:

مساء خاص جدا.. للي عقدة حياتها شعرها:28:

ومساء رااااااااااااايق لمدمنات الاستشوار



( هههههههههه شكلي بصير هالة سرحان )


بدخل بالموضوع

من 3 شهور تقريبا.. سمعت عن " اليــــوكــــو"

اليــــوكـــو ( علاج يقوي ويملس الشعر المتجعد أو المتموج طبيعيا أو صناعيا. يمكن أن يستخدم هذا العلاج لكل أنواع الشعر ، علما أنه يعمل على إصلاح الشعر المعطوب بشكل خاص وينتج عن هذا العلاج شعر صحي وناعم ذو لمعة)

بصراحة.. كان هالكلام صحيح.. ونااااااااااااااسة مابعدها وناسة

يعني معقولة هالنظام يفرد ويصلح بنفس الوقت.. لا وبيخلي هالكشة تصير ناعمة وبلمعة؟؟:32:

معقولة بيجي اليوم اللي بدخل اتحمم فيه واطلع من الحمام وشعري يهفهف مثل الحرير:o

لالالالالالالالالالالالا مااصدق:42:



طبعا انا حاولت استفسر عنه.. وكل اللي عرفته ان

تكلفته عالية.. تقريبا 2000 ريال ( بس لخاطر النعومة كل شي يهون)

ياخذ تقريبا 4 إلى 5 ساعات

وصايرة عليه زحمة


ها يابنات.. شدو حيلكم معاي.. واللي تعرف احد صلح اليوكو- مع ان مافي وحدة بتعترف- تقول لنا تجربتها .. شلون صار شعرها.. ووين صلحته.. وكم تكلفت.. و....

32 تعليق 3,962 مشاهدة

شاركي في النقاش

سجلي الدخول لإضافة تعليق.

التعليقات

29
  1. @shhoood

    هلا حبيبتي ام مشاعل
    ايه والله اضم صوتي لصوتج واقول مو معقولة يجي يوم واطلع من الحمام وشعري يهفهف على وجهي من النعومة والله انه امسبب لي ازمه ما بعدها ازمة انا الحين من فترة متزوجة ولين اليوم زوجي حاطة في بالة بان الشعر الي ييشوفه كل يوم شعري الطبيعي مايعرف اني اتعذب لين اوصله مثل ماهو يشوفه والله انها بهدلة رجاء مابعده رجاء لو كان مب 2000 درهم لو كان 20000 الف والله لادفعهم بس يصير شعري ناعم (( على فكرة شعري مب خشن لهدرجة بس متموج وايد ويتلفف على بعضه )) دخيلكم انقذوا صاحبات الكشيش امثالنا قبل لا ننجن 0000000000 هههههههههههههههههههه 0
  2. @am_mshaaal_1

    صاحبة الموضوع
    ضحكتيني ياشهووووووووووودة والله

    انا بعد شعري مثل شعرك.. موب خشن مرة..

    الامورة الحلوة اسألي بالصالونات الكبيرة عندكم بالامارات.. اكيد وصل عندكم
  3. @snoaah

    هلا بنات
    والله ضحكتيني يا ام مشاعل
    انا أقول لكم توكلوا على الله وسوووووووووه
    انا تكلمت من فتره عنه وباعيد كلامي عشانكم وانا انشاءالله اذا جيت اعرس باصلحه
    بنت عمي صلحته هي وثنتين من اخواتها بس هي ضبط واخواتها لا ....ليه ماادري على انهم نفس طبيعة الشعر(ملمس ناعم بس مجعد )
    انا توقعت انه ماضبط عليهم لان البنت الي نفع لها صغيره وصلحها رجال(متعلمه متدرب عليه ) اما الثانيات محجبات وصلحولهم حريم
    ويقولون شكل الحريم ماتدربوا عليه بس خمونا عشان يستفيدون

    المهمم
    بنت عمي صار شعرها يجننننننن ناااااااااااااعم والله يابنات مثل الصينيات والفلبينيات
    هي تنام عندنا كثير اشوفها بعيويني كانت من اول تتروش وتطلع وتمعيط بهالشوشه استشوار الحين ماتمشطه حتى من النعومه
    بصراحه رائع
    وترا جينيفر انيستون الي بفريندز تصلحه وحتى كاتبين عنه في مجلة الجميلة

    موجود في الرياض والبحرين والكويت ولبنان ولندن (هذولا اكييييييد)
    الرياض في مشغل جاردينيا (من فتره كتبت وحده لمجلة الجميله ان امها صلحت عندهم وطلع شعرها يجنن)
    البحرين اظن بالهيلتون مانيب متأكده

    بنت عمي مصلحته في لبنان ب300 دولار وشعرها الين كتفها
    طولت عليكم بس اتمنى افدتكم
  4. @hao_osho

    والله انا صرت اخاف من هذي الاشياء اللي جديده الطالعه
    لان العالم صجتنا بالفرد المائي والريلاكس ويقولون يطلع يهبل وخيالي ونعومه,,,,<<<<<<هذا كلام بنات الجامعه انا مالي دخل


    المهم والله واروح احووس ادور وين يسوونه فيه
    ناويه بخلي اختي الصغيره تسويه<<<<<<اصلا اختها ذي حقل تجارب خخخخخخخخخخ


    المهم والله ولقيت اللي يسوونه واطير طيران واطير بوخيتي الصغيره معي كضحيه


    طبعا اختي يوم درت اني بنسويلها افرد الريلاكس
    قامت تتبرع باستشواراتها
    ولفافاتها وعدتها على بيتنا ا<<<<<على اساس انها بتودع الشوشه


    والله وصلنا المحل واختي فاقه خشتها من الوناسه محد قدها بتسوي الريلاكس
    وياغافل لك الله

    المهم وسوناه وطلع الشعر اسلاك
    ماحلفوتوني كنه اسيام كانكم تعرفونها

    وتكسر شعرها وقام يتساقط

    واختي مازالت تعاني من بقايا هذا الفرد<<<<<طلعت قصه



    فانا ماادري بصراحه يمكن زي ماقالوا ان هذا الفرد شيء

    اللي جربته تقول


    بليز لحد يزعل مني بايييي

تابعي تجارب أخرى من هذا القسم.