شاركي في النقاش

سجلي الدخول لإضافة تعليق.

التعليقات

23
  1. الله يفرج همك ويسر امرك ويصلح شانك والله ياختي لاتخلي مثل هذي الامور البسيطه تأثر على
    نفسيتك وصحتك صارحي الوالده بأنك تكنين كل احترام وتقدير لزوجة اخيك واتوقع ان الوالده الله
    يحفظها تريد ان تكون اسرتها مترابطه ومتحابه لان الزوجه اذا كانت راضيه رضي زوجها والعكس
    الله يديم الرضى على الجميع
  2. حبيبتي واختي سااااره:)
    انت ماسويتي شي غلط حبيبتي بلعكس ماشاء الله
    عاقل وحكيمه نادر وحده من اخوات ازواجنا تفهم هذا الاسلوب
    هذا وهم متزوجات ببعض العوائل ولا تعلمو حسن المعامله وين وحده تراعي
    وين وحده بهالرقه وهالعقل ماشاء الله
    حبيبتي المشكله بينك وبين امك بسيطه مررره شوفي الام اهي الوحيده بهالدنيا
    اللي تبيك احسن منها افهميها الوحييييييييييده اللي تبيك احسن منها وتصرفها هذا
    اكبر دليل على ذلك وحتى لو تزوجتي مابتحصلين بحنان امك احد ابد
    فافهمي امك امك طبعها كذا بتجين تغيرين طباعها صعب جدا جدا انتي اللي لازم
    تتغيرين كيييف؟مثلا اذا قالت سالفه عن زوجة اخوك انسجمي قد ماتقدرين
    ومن بكره حاولي تتقربين لامك اكثر واكثر تجنبي كل ملاحظات امك وغيريها
    لان هي اللي تربيك وتغيرك موانتي:( حبيبتي اتمنى تطمنينا عليك
    استودعك الله:26:
  3. فهمت احساسك :(
    الله يعينك .. قوي قلبك
    ترا هذي امك .. لاتشكين بحبها ابد .. امك مررره طيبه هذا الي اتضح لي
    من خوفها انها تظلم بنت الناس .. مع انه بنت الناس مالها ولا عليها حقوق لاهل الزوج شرعا هذا الي اعرفه !
    ويمكن هي تبين لك انه منك الغلط عشان ما تشرهين على زوجة اخوك ولا تصير بينكم مشاكل
    بس في قرارة نفسها شي مختلف .. كل هذا من حبها لك ترا
    وربي وصى بالوالدين .. ومايحتاج اذكرك بعظم هالشي ..
    اول شي ياعمري حاولي تكسبين رضى امك وقناعتها التااااااااااامه بأنك تحبين زوجة اخوك
    جاملي قدام امك على شوي شوي .. لازم تقتنع انك تحترمينها
    اذا صار لك فتره ماشفتيها اسألي امك عنها
    اذا عندك مناسبه قولي لامك بعزمها لانها زوجة اخوي وام عياله
    واذا كانت زوجة اخوك تستحق امدحيها مثلا قدام امك واخوك .. طبخها شغلها لبسها اي شي
    يوضح انه مافي قلبك شي عليها
    لازم تبينين حبك الين ما تثق فيه امك تماااما
    ادري انه شي صعب لو البنت كانت ما تستاهل او غثيثه .. بس هالشي لمصلحتك
    ولو سبحان الله فسرت اي تصرف لك انه غيره .. برري وجهة نظرك ووضحي
    لها سبب تصرفك في اي موقف
    وقولي لها اتمنى يعاملوني اهل زوجي مثل مااعاملها .. اقدرها واحترم وجودها
    وشي ثاني .. بيني لأمك انه مالك غيرها بالدنيا
    وانك مستعده تخلصين عمرك لها .. وانه محد بغلاتها
    لانها يمكن من الي يعتقدون انه البنت لزوجها .. ومحد بيبقى لها الا زوجة ولدها
    بعد فتره .. امك راح تتفاهم ان شاءالله
    الله يسعدك يارب .. ويسخر لك خلقه في الارض والسماااء
  4. @saronh_222

    صاحبة الموضوع
    منال7966
    هلا حبيتي ..ياقلبي قلب أختك بعد..هي كيف تكون ردة فعلها بهالموقف..؟

    حرم معاليه
    هلا حبيبتي ..ليت المشكلة بين أمي وزوجة اخي ولا أمي وأبنتها .. ليتها عمتك ..بس ترا كذا بتجنين على أخت زوجك ..

    **أم عبد الرحمن **
    هلافيك ياقلبي حتى انتي ... بس شكلك متزوجه ..أعتقد بعد الزواج يتغير تفكير أمك بالنسبه لك صح أوغلط..؟
    طيب لاحضتي معاملة خوات زوجك لك نفس معاملتك لزوجة أخوك >>>> بشوف النتائج.

    ام تبوله الدلوعه
    شكلك أندفعتي على أساس أني أختك زوجك ..لاتخافين مو أنا المقصوده..
    إذا فسرتي تصرفي بالغيره ..فأنتي أخطأتي التشخيص من بدايته وأعتقد بتخفقين بالعلاج معاي ..
    حياك حبيتي ..مازعلت ولاشي..

    الساااهرة
    الله يجزاك خير ..بس غصب عن الواحد يتأثر بمشاكلة ياقلبي ..الله يعطيك العافيه ..

    وعد حسن
    الله يسعد ايامك .. طيب ايش تصرف اختك ..يمكن يفيدني..

    3thoob
    تسلمين ياقلبي على الكلام الجميل...أنا حاولت أطنش الموضوع ولا أركز كثير لأن مصير الأيام تبين المستور ..بس موقادره وربي أنا حساسه جدا جدا ...وهذا اللي متعبني أكثر..
    اشكرك يالغاليه..

    سلطانه
    هلا فيك يالغاليه ..اشكر لك مرورك ..
    أحساس صعب جدا ..:( نصائحك راح أحاول تطبيقها والله يعوضني بخير أنشالله..
    تسلمين سلطانه ..

تابعي تجارب أخرى من هذا القسم.