السكن مع اهل الزوج.....تكفوووووون نصحوني

يا ستي مبروووووووووووووك
الله يوفقك ويسعدك دوم ماعليه اصبروا كمان شويه :42:
ربي يسهل لكم اموركم

عزيزتي نونه...اولا الله يبارك لك بزوجك ويتمم لكم على خير ان شاءالله
اختي بنصحك نصيحه لوجه الله..انا ساكنه مع اهل زوجي بس مستقله بملحق خاص فيني ملحق باب المدخل على يسار باب مدخل بيت اهله لكن والله مو مرتاحه وامه الله يسامحها من النوع اللي تحب تتملك كل شي حق نفسها وخصوصا الشي اللي ملكها اصلا..يعني انا ماعندي شغاله لحد الحين والله انها لو شافتني اطلب حاجه من الخدامه تهاوش وتقط كلام وتهين الخدامه!!!!! يعني والله جاتني اوقات مرضت فيها وماقدر اتحرك فيها ماهان عليها تخلي الشغاله تنظف البيت!!! صرت اجيب خدامة بيت ابوي عشان تنظف مع العلم ان المسافه بين منطقتي ومنطقه ابوي تبعد 60 كيلو!!
وانا ماعندي مطبخ بالملحق وكثير متضايقه من هالشغله والله تدرين انها لو عرفت اني بالمطبخ شتسوي؟؟ تجي ركض ع المطبخ وتوقف ع راسي ومن دون سبب ترفع صوتها وتهاوش الشغاله وتسوي حركات اتضايق منها واكره نفسي اني فكرت ادخل مطبخها...لا وصارت تقفل الثلاجه بقفل وتقفل الدروج بعد وحتى باب المطبخ تقفله...مش عني بس تقفله حتى عن باقي زوجات عيالها...يعني جد ماتنطاق وراح انفجر من هالمعامله...وزوجي عارف بتصرفاتها ومتضايق كثير بس مايقدر يقول لها شي لانها امه...الحين صار لنا فتره ما ناكل من اكل البيت دايم غدانا اجيبه من بيت اهلي وعشانا من المطاعم وبسبب الاحراج حتى الغدا صرنا ناخذه من المطاعم...انا جد ماني عارفه وشلون طريقة تفكيرها..حنا شايفين خير وبدل الشغاله عندنا 2 و3 وعندنا مطابخ في بيوت اهالينا محنا جاييين من غابه مانعرف شنو شغاله والا شنو مطبخ!!! انا جد انقرفت منها ومن تصرفاتها اللي تدل على قلة العقل

والله انصحك اختي اشتري راحتك وابعدي عن اهل زوجك ولا تقولي ان علاقتك معهم زينه والله انهم راح يتغيرون وخصوصا ام زوجك مثل ماحصل لي ولو تضطرين انك تاجلين زفافك اجليه والله لين ما تلقون شقه بعي عنهم