هلا أختي الغاليه
وربي يجزيج خير على معلوماتج وتجربتج الراااائعه
سبحان الله أنا داشه بالصدفه أدور حل وعلاج لشعري وشعر بنتي اللي عمرها 10 سنين والله ساقني بالصدفه لموضوعج وارتحت له وااايد ما تتصورين
مشكلة شعري انه الصبغات دمرته وشب فيه الشيب بشكل الله لا يبلي فيه مسلم وخاصه مقدمة الراس والله هداني اني اقطع الصبغه واداوم على الحنه ومن بعد الحنه بثلاث ساعات احط خلطة كتم مع زبادي والحمدلله مرتاحه على نتيجة اختفاء الشيب لكن بقت عندي مشكلة الجفاف ، وبإذن الله راح أغير لخلطتج وان شاء الله استفيدمنها وتروح مشكلة الجفاف
أجي الحين لمشكلة بنتي واللي عمرها 10 سنين ، هي شعرها ماشاء الله طويل ولونه كستنائي طبيعي وكان كثيف لحد ما جى اليوم اللي بدا يتساقط فيه ويكثر فيه الشعر الابيض :( تخيلي بنت عمرها 10 سنين وفيها فوق العشرين شعرة بيضا في شعرها :( وصارت تعاني من القشرة المزعجة والتقصف الفظيع وربي انه قلبي تقطع عليها وهي تقول لي امي البنات في الصف يقولون لي شعرج كله أبيض :(
ما ادري شصار بس يمكن عين ولحقتها لأني كنت عادي افتح لها شعرها واخليه منسدل في المناسبات من أعياد وغيره
اسمحيلي طولت عليج بس حبيت اسألج اذا كانت الخلطة مناسبة لحالة شعر بنتي ؟ وإذا كان عندج حل ثاني خبريني ويارب يسعدج في الدارين ويفرح قلبج ويمنيج اللي في خاطرج
أختج
night candles
والله اللذي لااله الاهو انها احسن خلطه للشعر بلامنافس وياكثر اللي دعوا لي بسبتها..
متابعة النقاش، صفحة 52