ام محمد ...
انستينا ياغالية واللهِ لك وحشة ... والحمدلله ان العويلة كويسين توا ... واللهِ شين الترجيع والاسهال ... تبيلهم كم يوم بيش يتعافو وينشطو ان شاالله ...
وعرفتهن يلى تحكي عليهن شفتهن فى الكاسكو كم مرة مديرين عليهن تخفيض لكن ماعجبنش الصراحة وكوجينتى صغيرة ماتلقي وين نحط الحاجة ... وهذي العلبة اكبر وفمها اوسع ومافيهنش البهارات ... وميزتها اتعلق يعنى ماتخدش مكان ...
وبالنسبة للمكينة انا واخدة عالموس ... وعندي صاحبة واخدة عالحلوي كيفك قالت نحس روحي ابصر كيف بالموس ولا المكينة سبحان الله كل واحد علي ماتعود ... والفتلة ولا مانعرف كيف يديروها وماشاء الله شنابتك بس شكل شعرتك خفيفة لا تعالي شوفينى انا حشاك مليانة شعر خخخخخخخخخ وبعدك راجلي مش مشعر نحس روحي مرات انا الرجل خخخخخخخخخخ ... يالله الله يعين وخلاص ...
ام تقي الدين ...
كيف حالك اليوم ان شاالله طيبة ...
واللهِ انا عندي عملي الصالون واحنا فى الشرق يديرو قعدتين عربية وصالون ... ياخيتى فى ناس مايقدروش يقمعزو عليهن المنادير وبذات الكبار فى السن الوقفة بحسابها ... وبالنسبة لي انا امديرة صالون جلد روعة وعملي للعويلة له توا 5 سنوات اريح فى التنظيف وشكله حلو ...
وربِ يعينك عالعويلة واللهِ كلنا فى الهو سوا ...
مشيمشة ...
الله يبارك فيك ياغالية ... وياحنا اليوم انجرب المكينة ونقوللكن الاخبار بالتفصيل الممل خخخخخخخ ...
سلفية ...
اني قاعدة ياغالية ... عاد بعد هالنشاري يلى نحط فيهن مازال كساد واللهِ ادق عليكن انتن توا ريقى نشف وانا نهدرز ...
وكيف ماقالت حياة لقيتى اسم ولا مازال !!! وكيف امديرة قربت مشيتك لليبيا كملتي شراك ولا مازال واهم حاجة وتيتي شنطة البيبي !!!
حياة ...
الله يبارك فيك ياغالية ... وصار المكينة معاك تمام ياحنا تبيديها بالهناء ...
ها شنو في من اخبار <<< وحدة قصقاصة شنو دوة ادعيلي ادعيلي ماقدرتش انتحمل لازم نعرف خخخخخخخخخخخ !!!
تقربصتي ...
ربِ ينوض مرت خوك طيبة ان شاالله ...
لاحول ولاقوة الا بالله ...
معلش سؤال !!! هي شنو عندها بالضبط !!!
وكيف حال البنيات وبوسيهن ليا ... ماتغيبش علينا ياغالية ...
عيوني ...
كيف حال عمك عالخبر ان شاالله طيب !!! الله يسلمك ياغالية ...
هناء ...
ان شاالله تلاقيها الماكينة فى التخفيض وشنو غالي عندكم فى السويد !!! نحسها بالكي ارخص منا هنا !!!
لوشا ...
تعرفي ياغالية مش منتبهة عليها الماركة هذي !!! باهي انتِ جربتيها ولا لا !!!
قود لايف ...
مشكورة ياغالية ... شنو دوة الموضوع يقعد فى الصفحة الثانية عاد هذي ادارة ولا شنو خخخخخخخخ ...
يا ريت اللي من ليبيا اتخش
متابعة النقاش، صفحة 398