يا سعوديات ..شو يعني( نفس) ؟؟؟

بنات شنو العلاج؟ هم انا بعد ابي لصديقتي الظاهر فيها نفس لانها من 4 سنين فجأة تغيرت صارت انسانة لا مبالية و كئيبة وكسولة وطول اليوم خاملة وتتعب بسرعة ولما تقرا القرآن تحس بصعوبة في قراءته تقول بس اقرا صفحتين اتعب احس كاني قارية 10 صفحات وصارت تقصر بالفروض من الوسواس في الوضوء وفي الصلاة ومن السرحان في الصلاة تقول ماقدر اركز بالصلاة كلش ......... وكل مايطرون لها الزواج تقول أحس بضيقة خلق واكتئاب و مرات أبجي وادعي على نفسي وادعي انه يرجعون الناس ويصير اي شي ولا انهم يجون بس عشان ماتتزوج ..... وتنام واجد مرات تعدي ال 12 ساعة وتقوم مو شبعانة نوم ........ وحتى في النظافة الشخصية تقول اسحب نفسي وأجبر نفسي غصب أتنظف وأتكشخ ومرات نجيها نلقاها حتى شعر وجها موشايلته تقول أحس بكسل ولا مبالاة ومافيني رغبة اني اسوي اي شي لا نظافة ولا زينة مع انها كانت في السابق ما شاء الله شديدة الاهتمام من ناحية الزينة والتكشخ واازالة الشعر... وفي شي ثاني تقول حتى لو اتسبح صارت لجسمي ريحة غريبة وخايسة ماكانت فيني بالسابق وصارت بسرعة تعرق مع انه وزنها ماتغير ........ احنا قلنا يمكن عين طيب شلون نفرق بين العين والنفس .......... وعندي سؤال ثاني شلون تعرف منو اللي مسببلها هلشي؟

هذه لازم تروح للشيخ او ترقي نفسها بنفسها

حالمة حاولنا نقنعها تروح لشيخ بس هي مو راضية ماتبي تطلع من البيت وابوها بعد يقول ماودي تروح بنتي لرجال ............ طيب شلون تقرا على روحها ؟؟ امها شاريتلها شريط فيه رقية شرعية يصير بس تسمعه؟

انا ما حاملت الا بعد ما عالجت عند شيخ بس رحت مره قرا علي الرقيه الشرعيه و عطاني محو و قالي شربي فنجال قهوه كال يوم في اليل لاني فيني نفس بعدين عرفة انا وحده في العيله حاطا العين علي زوجي و تبي يخطبها و خطبني من بد بنات العيله الين اليوم حاقده علي 3 سنوات ما حملت و من دكتور الين دكتور ولا في فايده الين ما رحت الشيخ العين و الحسد و مذكور في القران و من شر حاسدا اذا حسد المحو ما ء الود مقري فبه الرقيه الشرعيه

ياكثر اللي يعانون من العين والنفس ربي يشفيهم جميعا
المعيون او المنفوس غالبا مايحب يروح لشيوخ يقرون عليه غصبا عنهم مو بكيفهم
اختي جنات صديقتك والله العالم فيه عين اعراضها نفس اعراض العين اذا عيت تروح لشيخ خليها تسمع الرقيه يوميا ولو امها ترقيها مافيه زي قلب الام على بنتها سبحان الله لانها هي ماراح تقدر ترقي نفسها ماتقدر اصلا تتعب وتتركها
النفس اللي اعرفه انه يكون احد نفسه فيها ومااخذها وتجلس نفسه وتمنع الخطاب او تتضايق من سيرة الزواج بس تروح باذن الله اذا داومت على الرقيه والقران اختي كانت كذا بس الحمدلله بفضل ربي ثم مداومتها على الرقيه شفت منها وتزوجت