يا ريت اللي من ليبيا اتخش

شكل مافيش حد كالعادة

بارك الله فيكم علي الرد عليا وطلب الشفاء لابني
وشكلي نخش في اوقت غير ملائمه للجميع

المهم شكرا يامواج علي الادعيه والقصه جدا مؤثره

وتو باي شكل ولدي ناض نبي نغدي

السلام عليكم

كيف حالكم اليوم

لوشا
ان شاء الله لاباس عليه ولدك
وماتزعليش لان وقتك يختلف عن وقت البنات الثانيات
ان شاء الله نتلاقوا في اقرب فرصة

امواج
شكرا لكِ يا غالية عالاذكار والنصائح
وربي يكون في عونك
لكن بنقول لك نقصي من استعمال البوتاس (نحن نقولوا له وراكينا ) وردي بالك على روحك
تعرفي انا مرة قريب اغمى عليا لكن مش من البوتاس من مادة تنظيف للسيراميك تعرفي تنظف يا سلام ولكن ريحتها (كيف ماانتم تقولوا بنّتها ) تموت قوية بكّل قعدت توا نستخدم فيها شوة مانكترش منها

تقربصتي
ان شاء الله لاباس عليها مراة خوك وربي يصبرها ويشفيها

عيوني
شنو اخبارك اليوم
وان شاء الله راجلك يرجع لكم وهو بصحة وسلامة

سلفية
البنات كلهم نزلوا فيك مش اموتية شنطتك
ان شاء الله غير وتيتيها اليوم

حياه
عدّي مربوحة اليوم عندك اجازة وطمنينا عليك وعلى امك وان شاء الله لاباس عليها

ليبيا قلبي
اهلا .. تعرفي لما انا نقعد بلا نت نحس في روحي بنهبل

هناء
ان شاء الله لاباس عليك وربي يشفيك

مرام
كيف حالك وشنو اخبارك واخبار الصغار
بلا ماتكون عندك عزيمة مش حتقدري تنقصي
شنو رايك جربي قبل ماتاكلي (قبل الوجبات ) بعشرة دقائق تشربي كوبين او 3 اكواب امية
لما بتاكلي تحسي روحك شبعانة

مشيمشة . ام محمد . قود لايف .
شنو اخباركم اليوم ان شاء الله تمام

مرت راجلها . ام تقي الدين . فراشة . دي ليون . اريام الحنين
وينكم

سلامااااااااااااااات