صدقوا او لا تصدقوا

سلام يالربعات
اسمعن عندي سالفه صارت لخويتي ياحليلها وربي هي ميته من القهر وانا بعد بموت من القهر:42: :42: :42:
المهم ما اطول عليكم
هذي خويتي عمرها19 بنوته يازينها حلوه وجميله وجسم وبياض يعني على بعضها تهبل
المهم جاء واحد خطبها وجاب اهله طبعا
عاد امه انجنت يوم شافتها وعجبتها وبغيت تطير من الفرح حتى خواته انهبلوا عليها وخلاص قرروا يوم يشوفها فيه الولد وتشوفه
المهم يوم شافها وشافته اليوم الثاني ردوا خبر لاهلها وكانت الصاعقه
تخيلوا الولد عيا منها وعذره انها قصيره عاد خويتي مسكينه تحطمت نفسيتها ياويله من ربي
بالله ما يقهر هالشاب عشانها قصيره يرفضها طيب طولها حلو ومزيونه بس انه لعاب دايم يطامر عند الخلق ويرفض البنات باعذار تافهه مالت عليه عاد من زينهم الشباب اليا قاموا يتشرطون
طيب حتى حنا يالبنات نبي الوسيم الزين والا حنا مالنا رب
ما اقول غير مالت على هالشباب وبس
بالله وش رايكن باللي سواه فيها بالله مايقهر:30: :30:

20 تعليق 1,546 مشاهدة

شاركي في النقاش

سجلي الدخول لإضافة تعليق.

التعليقات

18
  1. @am_god_ogmanh

    ليش ياختي يقهر
    اهم شي يتزوجها بقناعه
    الزواج مافيه مجاملات
    اهم شي الرضا من الطرفين
    والله يرزقها باللي اصلح منه
    يمكن رفضه خيره لها



  2. كل رجل ولة المواصفات اللي يبيها بشريكتة حياتة
    وصديقتك صغيرة وان شاء الله راح يجيها اللي احسن منة ..
    ويمكن يااختي امة وخواتة وصفوها لة وامدحوووها مرة
    يعني وصولها السماء ورسمها بذهنة انة حور عين واتفاجأ لما شافة
    انة عادية من من وصفهم اتوقعها ويييين
    وتعذر بقصرة ؟؟
    ترى هذي كثثثير تحصل ..
  3. @amptlfon_khrban_amp

    شوفي يالغاليه

    اذا كان فعلا لعاب وعلى قولتك يطامر بين البيوت لابد يوم بيطيح وبيعاقبه ربه طبعا اذا كانت الاسباب واهيه

    ومن هنا اقول تحمد ربها انها ما اخذته ثم يعايرها او يطلقها مثل قصة من شهر هنا في المنتدى في النهايه طلقها برسالة جوال وهي حامل !!

    اما اذا كان فعلا ما ارتاح لها

    بعد احسن من انه يتزوجها يعييشون بتعاسه
    وهي الخيره لها
    والله يعوضها باحسن منه

    اما عن الوسامه

    فبكيفك دوري الوسامه مع ان الرجل الوسيم صاروا وش كثرهم بس مافيهم اي رجوله
    وعلشان كذا دائما ننصح بالاخلاق

تابعي تجارب أخرى من هذا القسم.