يا ريت اللي من ليبيا اتخش

السلام عليكم

كيف حالكم يابنات

عيوني
سامحيني كنت نكتب لك العشية قبل العصر ماباش يمشي الرد وبعدها جاءت عندنا حناي وعماتي ماعاد قدرت نرجع
المهم نحكي لك عالسريع
شفتي الفطائر اللي في توقيعي هذي تطلع خفيفة
وتقدري تحشيها الحشوات اللي تحبيها : اتطيبي لحم مفروم وتحشيها بيه او دجاج او تن انا نحب نحشيها جبنة وهريسة وزيتون

تقدري اتديري كروكيت الدجاج او كروكيت اللحم
دجاج تسلقيه وديري له ملح وبهارات وبعدها تنحيه من العظام و تفرميه ناعم وتحطي له بهارات وتعجنيه ببيضة وتمسسكيه بخبزة مطحونة ناعمة
شكليه اصابع ومرريه في بيض مخفوق وبعدها خبزة ناعة واقليه يطلع كويس
تقدري المية اللي سلقتي فيها اللحم او الدجاج اتديري بيها رز

تقدري اتديري لحم مشوي ومعاه بطاطا (اسمها بطاطا بولونيز ) عبارة عن بصل وبطاطا ومرقة لحم
طريقتها :
تقطعي البطاطا دوئر ولكن مش عريضة هلبا وتقليها
والبصل قطعيه طويل (جوانح ) وحطيه في طنجرة وصبي له شوية امية وخليه على نار خفيفة لوين ايطيب انتبهي له ولو احتاج زيدي له مية المهم لوين ايطيب
بعدها في طاجين (غريق ومش عريض ) يعني كيف متاع التوست ديري طبقة بطاطا وطبقة بصل وبعدها طبقة بطاطا وصبي عليها المرقة لوين تغطيها تقريبا وحطيها في الكوشة لوين تجف
تطلع كويسة مع اللحم المشوي او حتى مع الرز الابيض

عندي طريقة خبزة بالخضرة وزيت الزيتون تطلع خفيفة توا مش حافظة طريقتها بكرة نكتبها لك

كان تذكرت نكتب لك توا نسيت

امواج
اهلا يا غالية
تعرفي حتى انا كان عندي قُصر نظر ودرت سوبر ليزك عند دكتور في الاردن من تقريبا سنتين ونص
هذا الموقع متاعه وفيه معلومات حلوة
http://www.geocities.com/HotSprings/Spa/8079/resumea.htm

حياه
كيف حال الماما توا ان شاء الله كويسة

سلفية
ربي يكون في عونك كل يوم برعشة
وان شاء الله ماعندك شر

وسلامي ليكم كلكم مانيش كاتبة اسماء بيش ماننسى حد