دلوني..محتارة مع زوجي...

حبيبتي هنا يجي دورك اوقفي معاه لا تكوني انت والزمن عليه..واكيد ماراح ينسى وقفتك معاه.. لاني مريت بتجربه شبيهه بتجربتك وبالعكس والله ماعمري حسسته بالنقص وكنت دايما اشجعه وكمل دراسته والحين راتبه لايعلى عليه ومبسوطين ودايما يقولي اعيش واموت مااوفي لك ..وش احسن من هالكلمه والله انها بالدنيا..حبيبتي اكيد بتحسي بالم وخصوصا ان اللي حولك مبسوطين مع ازواجهم لكن لا احد يعلم مافي الغيب ...خلي عندك يقين وثقه بان ربي رحيم وراح يرحم حالكم...وخلي دايما قول الله تعالى((وانكحوا الأيامى منكم والصالحين من عبادكم وامائكم ان يكونوا فقراء يغنيهم الله من فضله والله واسع عليم))..
اسأل الله العظيم رب العرش العظيم ان ييسر لكم رزقكم ويرزقكم من واسع فضله ويجمع شملكم في اقرب وقت

الآن بدل ما توقفين معاه تزيدين من همومه ؟
وش ينفعك لو زوجك معطيك قصور الدنيا ولكن ما يحبك ولا تسوين في عينه شي

عموماً مين قال أن ما يقدر يجيب وظيفة؟ أو شغلة يشتغل بيها؟
راسليني على الخاص
والله ييسر أموركم إن شاء الله

اختي فيه ناس تموت وهي ما حبت وانحبت
وفيه حريم بحاله ماديه ممتازه مع ازواجهم بس تعامل سئ
ربي عطاك السعاده الي اكثر الناس مفتقدينها بس اخذ منك بالمقابل الامان المادي بس ان شاء الله انه وضع مؤقت

انتي تحبين زوجك المفروض تشيلون الحواجز والحدود بينكم
اذا انت معك شهاده اعلى انتي اشتغلي واصرفي على البيت وهو في نفس الوقت يكمل ثانوي وياخذ له دبلوم ولغه
وصدقيني وقتها بيلقى له شغله راتبها يكفيكم كلها 3 سنين سنه ثانوي و2 دبلوم
ولا يفكر له بمشروع بسيط ويقدم على تمويل العبداللطيف
ولا يكمل بس ثانوي ويقدم على البعثات ولله فيه ناس مكملين الثانوي متأخر اعمارهم على 24 وزياده ونسبهم 74 % وانقبلوا

وبالنسبه لقسوتك عليه بتفيد بس في حاله انه هو فعلا متهاون بالموضوع بس لو كان مسوي الي عليه كله بس ما بعد توفق بيزيده احباط وبتضرينه كثير ويمكن تأثرين على علاقتكم فانتبهي

والله ان شاء الله يفرج ازمتكم

هو ممكن يشتغل توصيل للمدارس وإلخ مع محرم وتطلعين أنتِ معاه...

ممكن يوصل من الرياض للخرج أو المدن الثانية...
شغلانة مربحة علي فكرة ويطلع منها خير... ويكمل الثانوي بنفس الوقت... وبعدها الله بيفتحها!

^
^^
^^^
^^^^
نفس الكلام اللي كنت ابقوله
يعني حاولي انتي وهو اذا عندك باقي ذهب بيعيه واشتري انتي واياه سيارة نقل مدرسات او طالبات صدقيني اعرف واحد كان محطم مثل زوجك ونصحناه انه يشتري له باص صغير يعني تقريبا بـ 10000 ريال ويوصل طالبات الكليه
وحط رقمه عند الكليه وجته اتصالات كثيره وصار يوصل الطالبات ترم كامل وبعدين تطور المشروع معه وشرى سيارة ثانيه وسلمها لواحد يثق فيه ويعطيه راتب وتطورت الشغله الحين ماشاء الله عليه عنده اكثر من خمس سيارات توصيل واحواله الماديه صارت عال العال احسن منا حنا يالي نصحناه
جربي وشوفي
والله يجمع بينكم بالخير ان شاء الله