السلام عليكم ورحمة الله وبركاته
وبعده
فاصل ونواصل
هلا هلا هلا هـــــــــــــــــــلا
هلا هلا هلا هـــــــــــــــــــلا
هلا باللي لفونا لفونا نونا نونا
لفونا نونا نونا
هلا هلا هلا هـــــــــــــــــــلا
هلا هلا هلا هـــــــــــــــــــلا
هلا باللي لفونا لفونا نونا نونا
لفونا نونا نونا
ايييييييييييييييييه الله يذكرك بالخير ياسهيل من شفروا المجد وأنا مالي بخشته علم
الله يهديكم يالمجد مالكم خاتمه مير أنتم الخسرانين لو ماشفرتوه كان كاسبين أجور هالعالم اللي من شفرت وهم مايردهم إلا ((افصخي)) وطقته <<<إذا جبتي عكس كلمة افصخي سوف تحصلين على اسم قناة فاجره محاها الله وألغاها من الوجود هي وأخواتها المثيلات
إيه والله حيا اللي لفونا لفونا نونا نونا<<<<موضوعي وأنا حررررره
بس من جد عاد والله ثم والله ثم والله اني مشتااااااااااااقة لكم ومشتاقه للقرق عليكم <<<ايه هذي نصدقه
الله يسامحكم ياهلي يوم إنكم حرمتونا من هالوجيه الطيبه <<<<ترى ذي وجيهكم
قال أيش قال ماحناب مجددين الإشتراك لين تقضي الإختبارات طيب أنا وختي العاطله وش كارنا بالإختبارات
إلا على طاري اختي أخبر قد وصيتكم تدورون له رجل مالقيتوا له!!!!!؟؟؟
تدرون اليوم وش المفروض أكتب!!!!!؟؟؟؟؟؟؟
المفروض أنسخ موضوع الفطمه وجيبه هنا بس بدون شِــعِــرهالمره خلاص ماعاد تنفع مع أهلي<<<<اللي ماتدري وش الهرجه لايرده إلا ملفي الخاص
مره قلت لأمي يمه هالحين بتجددون الإشتراك والا اكتب قصيده ثانيه!!!؟؟<<<<على باله تهدد
قالت أمي والله لو تكتبين معلقه ماهناش يعني ماهناش<<<<صدق أن أهلي مايقدرون المواهب اللي عند عيالهم
وينكم يارعاية الموهوبين ترا فيه بيت بالروابي الموهوبين ينكبون منه كب<<<<والله الموهبه من هنا وانتم من هناك
مير اللي ودها تتبنان أنا وموهبتي ترى العرض مستمر
وترى بتحصلين على بنتين مجانا(( أختي اللي نبي له رجل وأختي اللي مانبي له رجل ))<<<توه تدرس <<<والا تدرون خنزوجه وش تبي بالدراسه مرده تمتر البيت من الفضاوه
معليش تحملون انا واخياتي زي منتوب خابرين المعلقه قطـِّـيِّه بيننا
ياحبي لكم تصدقون نسيت الموضوع اللي أنا قلطتن هنا عشانه بس والله من الشوق اللي ذبحن <<<<عاد انخسن ماتقدرن تقولن شي
ابشركم بدخل بالموضوع
بس وش رايكم بالمقدمه ميب حلوه<<<يــــــا مـــــصلك
شوفوا ياوخياتي انا جايه ومنبطتن تسبدي من شي
ترى الموضوع من جد يقهرررررر وعلى قولة إقبال قهررررررررررررررررررر
أيييييييييييييييييييه يا إقبال مدري وش الدنيا بك
مير اللي عندهم المجد علمونا وش أخبار مجد الأطفال؟؟؟؟
إلى الحين يجي (أهلا أهلا) و ( بيت وبيوت) و ( وصغار كتير)!!!! آآآآآآآآآآآآآآآه بس<<<من قلبي والله ادري بتقولون بزر بس أهم شي الأخلاق
نرجع للموضوع اللي ماقرن سبتدي <<<<< تراي قبل كنت كاتبه منبطتن سبتدي ركزوا لو سمحتوا
أقولكم اأنا كل مارحت للسوق أتعجب وتطير بوهتي من هالحريم الله يعافيهن ولا يبلانا
وش هالعبايات اللي طايحينن به والله إن الوضع ماينسكت عليه بس ياربي وش السواة!!!!
أجل ذيك عبايات!!!!
قال ايش قال الوطواط مطغيتس زين ذا الإسم عاد((مطغيتس يعني: ..................صراحه مالقيت لها مرادف))<<<<وَرَطَ الخِـبْـلُ
المهم نرجع لعباة الوطواط من زينها عاد يعني لا اسم ولا شكل الله يخلف عليهن أجل الوحده لامرت من قدامتس تقل علبة ألوان منكبه ماهنا لون موب به والله إني صرت لارحت للسوق منيب أناظر الخلاقين اللي بالمحلات تطير بوهتي بهالعبي ((جمع عباة)) ويضيق صدري وانتك وارجع للبيت ماشريت ولا عود و عشان أكون صادقه معكم صرت تقل رايحة للسوق عشان اتعشى وأرجع <<<<<منيب مفلتن بالعشا حتى لو التكه واصلتن الغما<<<الغما السقف
والا عاد لاجتس الوحده لابسة لتس ذيك العباة اللي كنه مخيطه على جسمه والله إني لا ناظرته افكر وقول كم قعدت من ساعة وهي تتصارع هي وياه عشان تلبسه تقل مخيطه على جسمه الله العالم كل يوم له عباة لأني متأكده لاجت تفصخه طررررررررط تتنشق (( الله يعافيهن ولا يبلانا))
من جد ياوخياتي ذا الموضوع مرررررره حاز بخاطري وش ذا العبايات اللي يبي لهن عبايات<<<<<مقولة خطيره
بالأول قالوا عباة فرنسيه ومشيناه مع العلم لو فكرنا زين وش دخل الفرنسيين الله ياخذهم هم وأمريكا وبريطانيا<<<<تقل أسلوب بزران بس عادي مشوها
أجل هالكفار الفجار وش كارهم بعباياتنا مير وين العقل اللي يفكر إلا الله يخلف على ابنينا اللي قبل تطب العباة بالسوق يطلبونه طلبيه من برا!!!
والا عاد عباة الفراشه تصدقون قبل أشوفه سمعت به كثييييييير ووصفوها لي ناس وفرحت بها صحيح قالوا عباة كتف بس انها وسييييييييييييعه وماتبين معالم الجسم قلت مير أشوا غدي ابنينا لاصارن ميب تاركات الكتف على الأقل يخفن مفاتنهن ومير أني يوم شفته قلت صدق لاتصدق بذنك لين تشوف بعينك<<<<أخبر مثل يشبه ذا بس عجزت اذكره بس عدوه اهم شي المعنى
اقولكم يوم شفت هالفراشة اللي يقولون عنه والاه الله لايوريكم اكيد ماتخفاكم
أكمامها ماسكه من عند مفصل الكف إلى العضود وكللللله قيطان وليته اسود لا صافين لك علبة الألوان كله تقل حصة فنيه والدرس قوس الرحمن <<<مهنة التعليم بدمي لازم أثبت مهنتي
لا ومره شفت وحده الله يصلحه ويعفوا عنا وعنه شكله تشجع الهلال القيطان أزرق أبيض أزرق أبيض أزرق أبيض <<<<لو ببتل ماقضي من كثر القيطان
وعلى جوانب العباة قيطان بعد أزرق أبيض أزرق أبيض أزرق أبيض <<<<سبق التعليق
والله ياوخياتي إني ماكذب إنه شلة شباب وراه يمشون <<<أكيد كلهم هلاليين
والأدهى والأمر كل واحد فاتح كميرة الجوال ويصورونه وهي عادي ولا كأن فيه شي حاصل(( الله يعافيه ولا يبلانا))
والا مره وحده شفته جسمه مليان يعني دبببببه ولابسه عباة مخصصصصره بقوووووووه <<<<من زين ذا الجسم ياوخيتي استري على روحك محد مناظرك
المهم عاد هالدبببببه عباته من عند البطن مفتوحه لين الأخير ولابستن بنطلون على قولتهم ((لو وست)) يعني خصر نازل ويوم ناظرته وإلى وش أشوف أثر سره يويتز الله يحوم تسبده مطغيتس زينه مطلعته
<<<من جد والله إني محتاره بهالقضيه ذي وش عندهم ذا العالم باديتن أسرتهم تويتز ماشين سوق السر والا وش السالفه!!!!!
مير انا مالي بسري علم ماذكر متى آخر مره شفته!!!
المشكله مابه من الجمال ولا عود إلا استغفر الله يقزز ويلوع الكبد(( الله يعافيهن ولا يبلانا))
آآآآآآآآآآآآآآآآآآآه يقلبي والله إني من جد شي يقهر بنات المسلين وصلن لهالمواصيل
لا عاد غير عن العبايات اللي مدري وش اسمائهن <<<الله يزيدن بهن جهاله
هذا بس من ناحية العباة ولو جينا للغطوه <<<هذا إن كان فيه شي اسمه غطا
مير من تالي الغطوه بس اسم تشوفين خشته من ورا الغطوه لو رمش يطيح على خدوده جعلهن للقبص شفتيه من زود رهف الغطا ((( الله يعافيهن ولا يبلانا)))
واللي متبرقعه واللي طاقتن اللثمه لا وتراهم فاهمين اللثام خطا أخبر اللثام مايطلع بالواحد إلا عيونه
تصدقون إن عيالنا أستر منهم تخبرون العيال اول مايطيحون بالشماغ الصبح لاقاموا والنفس شيييييييينه طق اللطمه بشماغه
وراح للمدرسه تدلين ماتشوفين إلا عيونهوذولي هن ولثامهن ماتغبى شي الجبهه والعيون والخدود والخشم طالعات مابقى إلا افمه وأحيانا بعد تسوي عرض على وجهه ويبدا يويتز الأفم وبالنسبة للصدر هديه مجانيه مع الوجه مير قــُـبل يويتز<<<وش قصة الويتزان لاتصير هالسنه سنة الويتزان وانا ماوتزت بشين ولا احد واتزبي(( الله لايقوله بسم الله علي )) و ((الله يعافيهن ولا يبلانا))
وغير عن اللي ماتغطت أبد ولا كأن فيه نص شرعي على وجوب الغطاء
ومايقهرني شي كثر لاشفت الأم محتشمه ومتستره وجنبه بنته على سنجة عشره
<<<<مير وش معنى سنجه؟؟؟وليش قالوا عشره ليش ماقالوا تسعه والا ثمانيه والا عشرين!!!!!وكله كوم وبعض الحريم كوم من جد عاد ذولي يرفعن الضغط والله إنهن يشككنن بأنوثتي<<<مالومتس لاشكيتي
أجل بالمحل فاتشه وتهمق على الرجال ويوم إني دخلت تغطت عمىً يعمي العدو من الرجال أنا والا ذاللي تهمقين معه
تصدقون مره من المرارير اللي مرت علي من زمان يوم اني كنت بريئه وعلى نياتي<<<< (( وجه طايره بوهته))
كنت بالسوق ومتجهه لمحل بدخله وشوف وحده واقفه عند اللي يبيع وفاتشه وتحكي ويوم شافتن تغطت تدرون وش فهمته!!!!!!!؟؟
قلت اكيد هذا أخوه وعااااادي ماستوعبت القضيه إلا عقب كم سنه<<<قلت لكم كنت على نياتي
أثر الدنيا منقلبه وصاير الغطا عن الحريم موب عن الرجال الله لايقلب حجلنا
صراحه ماشره على احد كثر ماشره على الأمهات إذا بنتك ماقدرتي تحكمينه من تحكمين أجل!!!!
ياعالم ياهووه خافوا الله في بناتكم
أجل الأم تشوفينه ماطلع منه ولا عود وبنته جنبه عمره يجي 12، 13سنه علامات البلوغ ظاهرة عليه ومالبست عباة قال ايش قال صغيره شيطان طر بالعدو كل الخوف على هالصغيرات اللي مايفقهن وإذا ماربيتيه وهي صغيره متى تتربينه إذا تفرعنت وصارت تمشي كلمته عليك
الله يالدنيا الغريب أن العجز اللي معرعرات وقاضيات ومحد لمهن مايطلع منهن شي تشوفينهن لا مرن من عتبه والا درجه طاحن زود على انهن مايشوفن متلغلمات بالغطا حتى نقاب مايلبسن
تصدقون جدتي أم أمي(( ياحبي له الله يحفظه ويخليه )) أنه مافتشت عن رجال بناته من زود الحياء والله ياوخياتي نتطلبه تفتش عن ابوي وعيت تقول ماسطي ياحبي له وينه عن بنات هالحين الفاهرات العاهرات ((الله يعافيهن ولا يبلانا))
وأكثر شي يعل القلب ويمرض الكبد ويقرح المعده لاصارت الحرمه فاتشه وجهه وحاطتن الروج اللي يلق اللي تشوفين لمعته وانتي بالبر <<<عاد الكشاته لاشافوه يحسبونه نجم سهيل طايح بالسوق
وحاطتن أحمر الخدود جعل خدوده للمصع
ولاطستن جفونه من هالظل اللي تقل شارع مزفلت
وكله هذا عادي مايمرض تعودنا على هالمناظر
لكن اللي يمرض ويجيب البلا لاصار رجله جنبه
شطيان طربك طرطور ماتحس !!!!!!!!!!
وين الغيره على محارمك جعلك للطبيله <<<<الطبيله مرض يصيب الدجاج يخلي رقبته تدودل همن تموت
أحيانا أحس ودي اقوله لرجال ذولي الله يخلف عادين أرواحكم رجال!!!!<<<<أجل وشو؟؟
بس والله اني صادقه ماهنا خوف من الله كان الوحده لابغت الشي سوته وبس وين مراقبة الله قي السر والعلن مير ذولي لاسر ولا علن(( الله يعافيهن ولا يبلانا))
االي بعده
شووووووووي وقضي




!!!!!!!<<<<خلاص بقلب وجهي
بالموضوع
