-----------------------------------------------------
يامرحبا ترحيبتن كلها لش .. تكسيش من راسش لياحد ماطاش >> وش عندها!!
جبتيها عالجرح ياجوليا .. وربي ينتك خلقي كل ماجيت باطلع من بوابه الجامعه
نعنبوكم كني في قصر افراح؟؟!!
المشكله خليها بس تشيل العبايه قسم انواع الخياس ..
والي يذبح صدق انهم صايرين كثر التراب!! وصاير فيه زي المجاكر على العبايات !!
وحده اعرفها كانت اول مادخلت الجامعه واول ترم لها عبايتها وش حليلها على راسها ومتستره البنت ..الترم الثاني تعالي شوفيها!!
العبايه دحدرت من الراس للكتف وتخصرت على الجسم ولا مانع من بعض الفصوص والحركات الي تبرق!! والطرحه من خفها تقولين شاش تجدعها على خشتها وتمشي كنها مهبوله!! سبحان الله يبان ضعف الوازع الديني لا زادت المغريات عند الواحد وانجرف وراها تقل مسحور اللهم ياكافيبس الشرهه موب عليها بس على اهلها هالي سمحوا لها بهالشي
هي وقفت على الوطواط بس!! الا عباير على قوله جدتي ساعه فراشه وساعه سمكه وساعه وطواط واشيا ماانزل الله بها من سلطان
مره اجل امشي في امان الله طالعه من الجامعه باركب السياره والتفت الا هالي جنبي لابسه عبايه حرير اسود يلمع وفيها زي المسكه كذا على الرقبه همن كللللل العبايه تكسير بلاسيه .. للحظه حسيت اني في زواج موب بشارع
الله يعافيها ولا يبلانا يارب
ومره بعد كنت في كارفور .. وحنا بنحاسب ولا ذا الي ورانا عليها منظر يالله لا تقلب عقولنا ... للحظه بغيت اروح اقولها ترانا في سوبر ماركت ياام الشباب من الي لاعبن عليتس وقايلتس ان كارفور قصر افراح؟؟؟
بعذري والله بلاها لابسه عبايه ضيقه ثمن تبدا توسع من تحت وحاطه عند صدرها بروش فضي .. يعني إلا ناظروني!!
اضافه الى المهرجان الي في العبايه اختنا في الله لابسه جزمه الله يكرمكم فضيه يمكن بدون مبالغه طول كعها 15 سم !! طبعا وشنطه فضيه تشوفينها على بعد كيلو من قوه ذا الخرابيط الي فيها ..
وختمت الحفله بميك اب فضي وحواجب ملحطه واصله نص الجبهه .. وطقي اللثمه وقضينا
باللهي باللهي ذي يطلق عليها مسمى عبايه؟؟؟ لا وسوق بعد!! يالله ياربي عافهن ولا تبلانا
كنك داريه بمعانتهم ياجوليا .. انا اشك صراحه ان لهم عبايات للصيف واخرى للشتاء
الله لا يلومهم عباياتهم على القدّ.. يعني بتزيدين قطعه ملابس لازم توسعين منها والا انطرت!!
اسألوني انا اشوف معاناتهم عند البوابه
شكلها مضيعه الدرب!!
ياكم وحده ووحده شفتها رازه السيفين والنخله على ظهرها يعنني تراي سعوديه!! مدري من الي لاعبن عليهم وقايلهم طلعوا وطنيتكم بالعبايات!!
دبه ومطلعه سرها!!!!
احدن قايلها انه وده يمارس السباحه في كرشتها جعلها الفضخ استغفر الله!!
لا عاد ذي قويه الصراحه!! وساكتين عليها للحين؟؟؟ لوني منكم ادخله عليها بالغصب وهي ماتدري >> اشوى انك منتب حفيدتها
آآآآه هنا قطعه القلب والله !! مدري ماخذ مسمى رجال على وشو جعل الله ياخذه >> عصبت وخروا عني
من جد وين غيرتهم ذولي؟؟!
طيب تصدقون ان فيه بعضهم يغصب زوجته انها تلبس من ذا العبايات قال ايش مابي مرتي تصير قرويه ابيها متطوره!! طار بعقلك جني قل امين يالخبل
لا وفيه منظر يخلي الضغط عندي يأتش
لا شفت رجال ماسك يد مرته ويمشي بالسوق .. ووالله ان بعضهم يحط ايده على خصرها ويمشون قدام الله وخلقه بهالمنظر!!
مدري سهرانين على فلم هندي البارح والا وش القصه!! ياخوي عندكم بيت الله يعافيك انت واياها لا تمارس رومانسيتك قدام هالخلق خل عندك شوي غيره ياخي ومايحتاج تورينا انك زوج مثالي وخايف على حرمته ولا يستغنى عنها .. ترى مصدقين
جوليا من وين حصلتي على ذا الكتكات؟؟ قسم يوم شفت ذا القرطاسه البيضاء والقصدير طقتني الشهوه!!
المشكله الحين لا الي فوق يستر والي تحت اللهم ياكافي!!
تلقينه ياقصير وسيقانها طالعه والا بنطلون وضيق بعد!! اشك احيانا انهم يخلصون علبه فازلين عشان يطيع يدخل!!
الي فوق الكتكات الجديد والاصبع الي تحت كتكات من اول الجديد مخرق والقديم مدغبج وس ملحه :biggrin:
ابي الجائزه كرتون كتكات منول تكفين اشتقت لطعمه>> حرام عليك صار تحتي بحر سعابيل
وآمين على كل كلمه دعيتي بها .. والله يحفظنا ويهديهم آمين ..
ليه الدعوه حلا تبينا نقراه عشر مرات؟؟ انا قريته مرتين وحده اشوف وش سالفته والثانيه للرد
حتى الغداء ماتغديت .. مسكت خط وعجزت اوقف خخخخخخ
الله يبارك بايامك يارب .. عاد انا اخر وحده ناجحه ظني خخخخ
كفيتي ووفيتي ياجوليا جعل يدين كتبت تحرم على النار
ومن الحين اقولك الموضوع مميز حتى لو ماتميز >> حليها عاد
آسفين على الاطاله وفتوكو بعافيه