هذي قصتي وولدي البعيد عنيّ!!!!!!!!!!!!ياامهات اش رايكم00

لاحول ولاقوة الا بالله العلي العظيم...

وش ذنبه هالطفل عشان يصير له كل ذا!!

خلي ابوك يكلمه ويحاول يقنعه ان اللي يسويه بالطفل حراااام وراح يسأله الله تعالى..

واذا رفض يسمع له...

شوفي منو اقرب شخص لزوجك وتحسون ان فيه خير وممكن يأثر فيه فاتحوه بالموضوع واطلبو منه يرجع لك الولد ويعطيك كرت العائله...

ولا عطي احد من اخوانك مفتاح البيت اذا طلع الدوام وخليه يدور عالكرت ..مع اني اظن لو يدري بيكون ردة فعلة قويه ومو من صالحكم بس حبيت احط لك كل الحلول وشوفي الانسب لك ياعمري....

وطبعا اكثري استغفار ماتدرين لو انحلت كل مشاكلك ويسر الله تعالى امرك .. وهدى زوجك وسخره لك ورجعت حياتكم بشكل طبيعي....

الاهم طفلك ياعمري فكريه فيه... كيف ممكن يرجع لك لاتخلين مثل هالظروف تسبب له عقدة يمكن يصعب مع الوقت حلها...

الله يعينك ويفرجها عليك ويسعدك وين ماكنتِ ...

الله يعينك

ولدك مرده لك بيملون منه اهله ويردونه

انتى اصبرى ولا تحسسونهم انكم مهتمين بالولد
والله يفرجها من عنده

يارب 00يارب رجعلي وليدي000

في البدايه ادعي الله ان يرد طفلك لك
لكن مع احترامي الشديد انتي اخطأت لما خرجتي من بيتك مع اخوك
المفروض ان كلمة بروح بيت اهلي ماتنقال
ولو قلتيها ماتروحين الا اذا هو وداك
ولو كان زوجك مايحبك وما يبيك
كان ماصدق تقولين هالكلمه
والدليل انه واجه ابوك ورفض يجيبك
يعني ماتوقع ابوك يرسل احد ياخذك
واخذ الولد عشان يجبرك على الرجعه
وهذا كله دليل على انه متمسك فيك
ولا ايش اللي يحده على الهم وخاصه ان اهله اذا زعلوا عليه بيرمون ولده
يعني هو عارف تصرفاتهم
وانا لو منك اذا سبوا اهلي ماأعصب
الا اقول لهم الله يجزاكم خير على الحسنات اللي عطيتوها اهلي
وهذا ان دل فهو يدل على محبتكم لهم
وبكذا بيوقفون سب عناد فيك لانهم شافوك مبسوطه
وهم يبغون العكس
ثانيا انا مااحب احكم على موقف سمعت عنه من طرف واحد
صدقيني انا ماأكذبك لكن اشوف زوجة اخوي تسب في اهلي وتمدح في اهلها
وابوها للاسف تصرفاته غريبه
ويتبع كلام الحريم
تراني ماأقصد في هذا الكلام ابوك بس احب ابين لك
ان نظرة البنت لاهلها لازم تكون صادقه من جميع الجهات
وانتي ماتدرين يمكن بنتهم تعاني من اخوك مثل ماتعانين من اخوها
ولا يهمك المظهر ترى البيوت اسرار

اختي ام جود وجمانه تقولين يمكن شافت من اخوي شئ00تخيلي لو يجي زوجك ويقول لك عن اسرار الفراش اللي حصلت بين اخوك وزوجته اش راح يصير لك000تخيلي لو اهل زوجة اخوك من يوم تزوجها وهي عند اهلها وتكذب عليه وتقول اش المدن والمحافظات القريبه من المدينه اللي زوجها فيخا وتكذب عليه ويكتشف بالاخر انها طلبت عند اهلها000
وبعدين مهما حصل ومهما صار انا مالي صلاح ليش كل مازعلوا من اخوي رجعوا علي ويعلقون علي كل شئ زي الشماعه وليش ننسى قول الله (ولاتزر وازرة وزر اخرى)
وش ذنب الطفل ياخذها يعلم الله اني بايعته هو واهله بريال ولا ابي شئ وماابي الا ولدي00
وانا بنظري ان الرجال مايحاول يلف ذراع المراه بولدها وبكرت العائله000
بعدين لو اهله يعرفون الله كان قالوله والله ماراح ناخذ الولد ويكبرون براسه كل ماتذكروا المشكله يدقون عليه ويقولون له تعال ويبدون يسبون وانا اسمع 000
ويعلم الله ان كل كلمه كتبتها هي حقيقه وصارت000حتى امي كلمت امه وانا انتظر اخوي وقالت لها مانبي شئ اعطوا بنتنا ولدها000وهذ اللي نبيه00
الله لايوفقهم 000الله ينتقم منهم ومنه الظالم000
الله يحرق قلوبهم زي ماحرقوا قلبي على ولدي0000
بعدين انا مااشوف اني لما طلبت يوديني لابوي غلطانه الا المفروض يتادب ادمي ماخلا كلمه الاقالها وبالاخير يوصل لابوي000لاوالله مااسكتله هذا جزاء ابوي انه زوجني اياه وياما سوا ابوي وشالني انا وولدي00