يا ريت اللي من ليبيا اتخش

السلام عليكم ..جميعا ..حياة حلوة انا نستعمل في العدسات اليومية كل 6 شهور انغيرهن والصورة حلوة..غادة صار فرحك موش السنة قبل نبي نحضره..ان شاء الله تسهل امورك ..امويجة شفتي هل الغلا اللي عايشين فيه وين ليبيا رخيصة ..الحليب موش العلبة اللي 10 كرونة الحليب فريش 1 لتر حتى في بريطانيا القلوني كنتناخذ فيه رخيص موش السويد ..سلفيةان شاء الله تقومي بالسلامة وخوذي بالك من نفسك ..تقربصتي يسلمو يديك علي الخلية ان شاء الله انجربها وكان عندك اكلات جديدة حطيهن لنا وما ريت بالصور اذ مفش غلبة ..وطمنيناعلي مراة خوك ربي يكون في عونها ..وسلامي للجميع

عيوني ..يانسك زوجك وربي يحفضكم البعضكم

السلام عليكم ورحمة الله وبركاته
وخياتى الليبيات كيف حالكم
بارك الله فى كل من دعالى بالدعاء الطيب وهذا من طيب اصلكم تسلموا وربى يوفقكم دنيا وآخرة
الحمد لله انى توة احسن
وانى والصغار حالنا باهى والحمد لله وامس كلمت امى وشفنا بعض بالماسنجر وحسيت براحة
واهو نمشوا فى الايام وانا اكثر ضيقى من هالبلاد من نهار جيت وانى مش خاشتلى راس
يلا ربى يسهلنا وسهل للجميع ويهون علينا غربتنا
معليش يا بناويت
انى بنسألكم سؤال عندى ولدى عمره قريب يسكر شهرين ووجهه فيه قشور ونحس فيه ملمسه
احرش يعنى مش ناعم وديمة نلقى فى طبقة وراء ودانه وننظف فيها نحط فى زيت جونسون وبعدين نغسله المهم عادى نديرله فازلين ولا ما زال صغير
وما نبيش نعاينه لأنهم هنى يكبروا فيها وبرى وتعالى وديرى تحليل مش عارف شنى المهم يدوخوك السبع دوخات وفى الاخير يقولوا ما فييش بروبليما" يعنى مشكلة "
فقلت نسال وخياتى الليبيات احسن لى
تقربصتى
تسلم ايدك على الخلية باين عليها حلوة نبى نسأل على الدورات الكحلة شنى هيا اللى مرشوشة عليها
مع سلامى للجميع