شاركي في النقاش

سجلي الدخول لإضافة تعليق.

التعليقات

97
  1. @mdlaa_nfsha

    وعليتس السلام ورحمة الله وبركاته يالله أنك تحييها وتبقيها نورتي يا أبلة جولي بنت عبدالله أقلطي في المنتدى وتقهوي >>>>>>>> تمون الأخت
    تدرين أنا ليش أحبتس ياخيه >>>> الله يعينك على هالحب
    لأنك تشبهيني وأنت قايلته بفمتس قصدي بأصابعتس وإذا ما عرفت وش المقصد تعيني في الصورة :10_8_10:

    هاتي اللي بعده هلي والتسذب خلي


    مسرع ما فصل ماطورتس

    المهلي ما يولي يا كاسرة خشم الأسد

    قلنا المهلي ما يولي أخلصي علينا :30: عطينا الورع وجه وبلشنا

    تعيني في خشته كل يوم الساعه 4.30 بتوقيت السعودية على مجد حقت الشحاتين ( اللي هم حنا وسمينا بها الإسم لأننا ما اشتركنا معهم ونشحذ بثهم شحذه) في برنامج أظهروا من بيوتكم ولاموتوا حره قصدي كشتات ( سبب التسميه بهذا الإسم وهو أنه اتفرج عليهم وهو مستانسين الله يزيدهم وأنا أموت من القهر ومغر مطيحه عند أهلي أنا وأخوي الصغير >مهبول كنه أنا الله يصلحه< أشحذهم الكشته وأظني بيشيب شعر ساقي وهم ما صملوا :06:

    أظن اسم القناة تستري واحتشمي >>>>>> الشاطرة تطلع ترددها

    وش انت شاربه الله يصلحتس وبعدين هو مهب موضوعك أنت موضوعنا حنا لأنا حنا اللي نبا نقراه وعويناتنا حنا اللي تبا تعورنا وأهلنا حنا اللي بيتحملون مصاريف النت ووصيبيعاتنا حنا اللي تبا تورم من الغفص على لوح الأزارير ( الكيبورد) يعني أركدي يا بنت عن الترحيب الزايد ولا تجين خفيفة >>>>>>>> الغيت حقوقها في الموضوع خخخخخخخخ

    الله يسلمتس ويخليتس وأنا بعد مشتاقة لتس ولقرقتس اللي ما يخلص>>> ودكم أنها ما تمدح أحد

    :10_8_11: أجل أنا من الوجيه الطيبة الله يجبر بخاطرتس>>>> ما قد أحد غلط وعطاها وجه

    أحمدي ربتس ولا كان تبتلشين أنا في الاختبارات جاء أخوي الكبير سحب الرسيفر حق أخواني يابلفيت يباهم يذاكرون ويجيبون نسبة ويوم جاء يبا يأخذ حقي وأنا أقول له بكل ثقة أنا ما يحتاج شاطرة >> أيه هين>> ثم بلشت بلشة ما بعدها أخواني مرابطين عندي ودهم لو يسرقون نظرة ( كل ممنوع مرغوب)
    والعذر مرة ودهم أشرح لهم الواحد منهم يباني أشرح له الكتاب من الجلدة للجلدة كله علشان يقعد عندي ومرة لا سمعوا صوتي جو يعدون يبون يتطمنون علي وأنا مغر مطفيته طول اليوم يعني على قولة لا سلمت من الحرام ولا اغتنيت لا أنا اللي تفرجت ولا أنا اللي افتكيت منهم يعني تحمدي ربتس واللي يشوف بلاوي الناس تهون عليه بلوته :angry2: وصلت حدها


    أن تسان وده ترى جدي يدور له على حرمة وتراه شايب بحالة جيدة وعنده حرمة وبيسكنها في أحسن غرفة في بيته وتراه مهب سهل بيوديها تقضي شهر العسل عند غنمه والمهر عليكم والعرس بعد عليكم شاوريها وردي لنا خبر ولا تبطون عليناترى شايبنا مستعجل ( خليها تلحق عمرها ترى كل العجز حاطات عيونهن عليه ) >>>>>>>>> تتنجلد

    كسحه كسحه :booo:

    فضيتي راسي وأنا أقرا موضوعتس وشلون لو أسمعه حيا على الهوا

    أن تسان ودها بعد ترى فيه شايب بس مشكلته ما يبا يعرس يقول يبا يكون نفسه إذا هي ملزمة قطينا لهم وجوزناهم >>>>>> :icon28: اشتغلت الخطابه

    ليه أنت ما دخلت فيه لهالحين الله يخلف على أهلتس

    ألا تهول من زينها مار أنت أخلصي علينا

    دوبتس تدرين خخخخخخخخخ

    منهو اللي بط تسبدك علميني عليه والله لا أوريه هو صح أنتس تبطين التسبد بكثر هرجتس مار تراتس غاليه وما أرضى عليتس يا بعدي:33:

    أي والله صدقتي مهيب عبايات ولو أبا لبستها بالعروس من طرز فيها

    ذكرتيني بصديقتي الله يذكرها بالخير تقول يوم نزلت عباية الدبور قصدي الفراشة كل جماعتهن طاحن فيها يلبسنها في العروس يعني الوحده ما لها خلق تلبس تقوم تلبسها وتقعد بها طول الحفلة أصلا ما يحتاج كنها ثوب حفلة مار الله يهديهن يطلعن بها في الشارع عاد صديقتي تبا تسوي مثلهن وفي نفس الوقت ما تبا تخالف ربها لبست هي وخواتها عبايتين الفراشة وفوقها عباية الراس عباية الفراشة للحفلة وعباية الراس للشارع >>>>>> الحريم لا بغن شي ما يعجزهن
    لا وتقول أمي تعلق وتقول لأخوي شغل المكيف البنات ثلاث والعبايات ست >>>> لكاعة

    الله يصلحها لازم تبين التضاريس الضلعان والأودية >>>> وإذا بليتم فاستتروا

    تلقين سرها صاير كنه خنفس جاحر >>>>>> علشان تحوم تسبدتس زيادة

    أنا أقول لتس معناها يعني أسفنجة رقم عشرة والفاء سقط سهوا ومعناها أنها تروشت بعشرة أسفنجات الين صارت تلق وسبب أنها عشرة لأن أثبتوا علميا أن الجلد مع طبقات الوسخ اللي تكون عليه من البطا عشرة فصار لزوم يغسلونها بعشر أسفنجات أدون من ذلك ما ينفع وأكثر يتفتفت الجلد>>>> استوعبتي يا تنكه

    انتبهي يا بنت ترى هاذي فيها قبايل وعلى طاري الرجولة أنا عندي واحد ودي أنه طلع بنت هذه سلمتس الله أخوي الوسط رقم 2اللي أدون من الكبير رقم 1 وأكبر من اللي بعده رقم 3<< تحسب كل العرب دلوخ مثلها ترقم لهم
    لا طلعت معه وصار الشارع خالي فتشت عيوني ( والله أنها بس عيوني) قال غطي الكبوس خخخ >>> نعنبوا عدوه أجل عيوني كبوس ليه أنا جني

    سعابيلي قوطرت:33:

    القطراسه = القرطاسه خطأ مصبعي ولا عاد تعودينه >>>>>> مهب أنت اللي تعرفين تدرسين وبس حتى حنا

    أنا داخله عليتس يا شيخة جولي أن تعلميني منين لقيته ذبحتني الشهوة عليه يذكرني بأيام الطفولة
    ولا تدرين أبا أجاوب على السؤال وأنت عطينياه جائزة الجواب هو الأصبع اللي تحت هو المحتشم واللي فوق هو العاهر صح أن أدري أنه صح وأبغا الجايزة حالا وهالحين

    اللهم آمين

    ما فيها كلام من يوم أقرا اسمتس أحتسب الأجر

    ونعم والسبعة أنعام ومعتس دلوعة من جدة بس أني ما سافرت محلي لكن أصلنا من الطايف >> وأنت وش دخلتس

    الله يبارك فيتس <<<<<< يعننها ناجحة

    بعذرتس يوم تحلفين ما بغيتي تطلعين وتمسي على خير وأنا أختس والله يجزاتس خير على هالنصيحة المصرقعة ومبروك التميز والتثبيت والله أن جيتي للجد أني لا قريت اسمتس يقوم قلبي يقول طربق طربق شكله الحب من أول نظرة >>>>>>> بديت أخور
    مع السلامة أن كان حصل لكم سلامة بعد قراية ردي اللي يبا له موضوع لحاله من طوله مار وش تبوني أسوي اختصرت فيه اختصرت فيه وما طاع يقصر هذه وأنا ما رديت على علامات الاستفهام والتعجب >>>>>>>> ماله حيله يوم يطول
    بس تدرون أحسن علشان تصدقون أنه أنا نفسي مدلعة نفسها مهب مدلعه نفسها يعني بالتاء المربوطة مهب بالهاء لأن فيه عضوة بهالإسم في نفس المنتدى
    باختصار لا شفتو العلوم كثرت أدروا أنها أنا >>>>>>>> أمحق مارية:hahaha:
    يالله على المحبة نتقلع وعلى الخير نتراوس >>>>>>>>> أزين خاتمة
  2. @klby_maaakm

    وعليكم السلام ورحمه الله وبركاته

    هلااااا والله بجووليــــــا ومواضيعهـا المتميــــزة

    وهم مايردهم إلا ((افصخي)) وطقته <<<إذا جبتي عكس كلمة افصخي سوف تحصلين على اسم قناة فاجره محاها الله وألغاها من الوجود هي وأخواتها المثيلات

    888888888888888888888888888

    وووصف خطيييييييير وين معلماااااات العربي عنك نبغاك تعطينهم دورة في فن شررح الدرس

    عشان مايجوبون الملل لنـــــــــا وقت الدرررس

    إلى الحين يجي (أهلا أهلا) و ( بيت وبيوت) و ( وصغار كتير)!!!! آآآآآآآآآآآآآآآه بس<<<من قلبي والله ادري بتقولون بزر بس أهم شي الأخلاق

    888888888888888888888888

    بس صغار كتير يجيء اهلا اهلا وبيت بيوت لنقطع يوم درو ان المجد عندكم تشفرت

    ومايبغون يرجعونه الا بعد ماترد الاشارة عندكم .>>> اللي يشوفيني يقول جالسة اشتغل بالمجد خخخخ


    أقولكم اأنا كل مارحت للسوق أتعجب وتطير بوهتي من هالحريم الله يعافيهن ولا يبلانا
    وش هالعبايات اللي طايحينن به والله إن الوضع ماينسكت عليه بس ياربي وش السواة!!!!
    أجل ذيك عبايات!!!!

    888888888888888

    اي والله الشكوووى لله صرت مااروح السوق الا الصبح والعصر اهوون من الليل وبلاويهم


    والله انك صادقه ياوخيتي ان بنات اليوم زي الكتكااااااات مير كتكات ايام اول اكثر حشمه وحلا من كتكات اليوم

    جوااااااب سؤال الحلقــــة :

    الكتكات الاول لان اسمه مهوب باين من كثر ماهو محتشم عكس اللي تحته >>> يالله انتظر هديتي

    ويعطيك الف الف عااااااااافية على الموضوووع الحلو واللي يستحق التميززز

    ولاتحرمينـــــــــا جديدك

    اختس قلبي معاكم

تابعي تجارب أخرى من هذا القسم.