ساعدوني الله يخليكم عايشه بحزن مادري شفيني

مراحب بناااااات شلونكم انشاالله بخير
بنات مادري شفيني ياني عوار و انا مسافره برجلي و راح و بعدين من رديت من السفر جم يوم و صار فيني خمول بجسمي احس رجولي الاثنين ثقيله و عوار يروح و يرد و زاد من مات خالي الله يرحمه الاسبوع الي فات قلت يمكن نفسيا و قعدت اوسوس و رحت مستشفى عضام سوولي اشعه قالو حمدالله سليم كل شي بس فيج شد عضلي ضاغط على رجولج و عطوني ابره راح الخمول و جم يوم العوار رجع و احسه بيديني و اصابعي ما تصدقون حالتي بس ابكي و اوسوس و راسي قام بس يصدع و الحين صارلي سبوعين على هالحال نفسيا تعبانه خايفه على عمري و قبل 3 ايام رحت مستشفى و سوولي تحليل دم شامل قال الدكتور كل شي الحمدالله سليم يمكن فيج برد مس معقوله يا بنات البرد جذي يسوي ريولي و ايديني عوار يروح و يرد احس بس احتاج مساج و على فكره انا توني والده من 3 اشهر و توني صغيره بس 19 سنه شفيني و زوجي مل مني يقولي مل مني بس توسوسين و انا مادري شفيني متحطمه و احس الدكاتره ما يعرفون شي شنو توقعون فيني شسوي و من يومين فيني عوار براسي و صداع ما يروح و لوعه والله بنات ماكو شي ما يعورني احس انحسدت م السبت ببدي كليه دراسه يعني لازم اجهز نفسي و اشد حيلي لان كنت موقفه كورس عشان ولادتي و لازم اعوض و انجح عسشان اتخرج بروحي متااخره
اشكي حق زوجي يقولي وسواس نفسيا تعبانه من الوفاه و مرض وسواسي الوسواس ما عليه من العضام يا بنات ابي ارد طبيعيه شسوي اروح المستشفى مره ثانيه ولا شسوي
ادعولي الله يجزاكم الجنه

21 تعليق 1,559 مشاهدة

شاركي في النقاش

سجلي الدخول لإضافة تعليق.

التعليقات

21
  1. @lylas_mhmd

    حياك الله ياقلبي
    سمي بالرحمان ياعمري وتعوذي من ابليس
    يمكن كلها عوارض نفسيه وحبتين وسواس ويمكن علشان وفاة خالك
    والحمدلله انتي رحتي للمستشفى وطمنوك
    واقري فديت عمرك سورة البقرة والله تريح النفس وتهدي
    وارقي على نفسك كل صباح وفي المساء وطمني نفسك انك مافيك شيء ماغير عوارض بسيطه وتعدي بأذن الله
    والله يوفقك ياقلبي ويسهل كل امورك ومن جد ياعمري مافيك الا كل خير ان شاء الله
  2. @lyaly_29

    ليلاس محمد
    حياك الله ياقلبي سمي بالرحمان ياعمري وتعوذي من ابليس يمكن كلها عوارض نفسيه وحبتين وسواس ويمكن علشان وفاة خالك والحمدلله انتي رحتي للمستشفى وطمنوك واقري فديت عمرك سورة البقرة والله تريح النفس وتهدي وارقي على نفسك كل صباح وفي المساء وطمني …
    وبعد للرفع ..
  3. اختى الى تتكلمين عنة يجى كل الناس وانا قد جربته
    والله ما خليت انسان ولادكتور ما شكيت له وكل شي سليم
    المهم نصيحتي لك
    القران
    عليك بقرأة القران كامل اقرئي كل يوم قد ما تقدرين لين تختمينة
    وبعدين واصلى بسورة البقرة يومياً جربي ها الشي و ان شاء الله بتدعين لى ..

تابعي تجارب أخرى من هذا القسم.