حيـــاتي إنتهت بلحظه وحده...!!!

الله يفرررررررج همك وان شاءالله يرجع لك زوجك بأقرب وقت

والله يا عمري على الرغم من ان مشكلتك بسيطه وكبرها زوجك بس حلها صعب وصدقيني له حق ابوك يقولك كرامه وكبرياء يا اختي يروح المال ويروح كل شي ويبقى للانسان الكرامه والاحترام اصلا الزواج موده ورحمه فكيف بزوج يطرد زوجته قدام اهله ويهينها وهو يقول انه يحبها كل هالحب !!

اختي تقولين زوجك يحبك وانا اقولك يمكن يحبك بس ابغي اسألك انتي شو شعورك تجاه هالحب كيف تعاملتي مع حبه لك ومشاكلك مع اهله ؟؟؟ الظاهر انتي اللي طرتي فيه وحبيتيه اكثر من حبه لك وصرتي تمشين امور وايد عشان خاطره ومنها تدخلات اهله السخيفه في حياتك لين وصلتو لهاي المرحله

السالفه مب سالفة جوال الظاهر والله اعلم ان اخو زوجك او اهله شككو بسلوكك قدام زوجك او بسلوك اي احد يعني مكالمات وغيره فقال اخو زوجك خلي الحريم كلهم وبلا استثناء يطلعون جوالاتهم فلما مارضيتي دخل الشك قلب زوجك ولما رجعتي الموبايل من غير ماتقولين له زاد الشك

هذا تحليلي للي صار والله اعلم يعني السالفه مب سالفة جوال وبس السالفه سالفة شك وكلام سمعه زوجك

اختي بقولك شي انتي تحبين زوجك اذا نعم ولك رغبه بمواصلة حياتك معاه لااااااااازم يكون لك موقف حازم وشخصيه وحياة مستقله بعيد عن اهله حاولي تتفاهمين معاه دخلي طرف كبير في السالفه او طرف مقرب منك ومنه يفهم ليش هو سو اللي سواه ويكلمه بصراحه وبعدين اذا كان كلامي صح وان في حد دخل براس زوجك كلام عنك بالباطل عندك جوالك وفواتيره والمكالمات الصادره والوارده واثبتي برائتك وبعدين اذا صدق زوجك خليه يجي يتفاهم مع ابوك ويطلعك في بيت بروحك اما اذا اصر على شكوكه مالك غير الدعاء وترك هالشي بيد رب العالمين ثم بيده يقرر مصير علاقتكم لانه اذا كانت عشرة سنه كامله بمجرد شك يطردك لبيت اهله ولا حتى يتبين منك فصدقيني هذا انسان مايستحق كل حبك له لانه مسلوب الاراده وماعنده شخصيه

اتوكلي على الله وادعي بقيامك وبصلاتك وبكل وقتك ان ربي ينصرك ويرجع لك زوجك وحاولي تكلمين ابوك مثلا او حد مقرب منكم انتو الاثنين عشان تعرفين شو السالفه لان موقفه جدا غامض والسالفه اكبر من مجرد جوال وابوك حاس بهالشي !!!

السلام عليكم ورحمة الله وبركاته
حبيبتي لاااااااا تضيقين صدرك بس هو حاس بجرح لانه قدام اهله طلع كأنك مستغفلته
ولا هو يحبك :) والسبب بسيط واذا تبين الحل نصيحه مني اول شي تصدقي للايتام او الفقراء اي محتاج تصدقي وخليك متاكده انك ربي راح ييسر امرك وتنحل كل العقد والمشاكل اللي بينك
( حبيبتي انا مره قالت لي داعيه ان الصدقه اجرها حسب نيتك يعني مثلا تتصدقين لرب العالمين طبعا لانه سبحانه عالم بحالك وقادر يحل مشكلتك .. سبحان الله تنحل وتتيسر وقالت بمعنى كلامها ان اللي لها نية دنيويه -مثل مشكلتك- تاخذ اجر الصدقه في الدنيا واللي نيتها اخرويه تاخذها في الاخره فهمتيني وصدقيني ربي كريم <<لاتنسين هالشي)
ووووادعي ربنا الكريم انه يرحمك من اللي انت فيه ويفرج همك ويرجع لك زوجك ويحبك اكثر من الاول واهم شي خليك معتقده ومتاكده ان ربي قادر على كل شي ...
وان شاء الله ربي يستجيب دعائك
وفي سالفة الكرامه اذا بتاخذين بـ رايي ما عليك من الكرامه وما كرامه هذا زوجك وانت زوجته ما بينكم كرامه والحقي ارسلي له لو مسج راضي زوجك فيه اكتبي يكفي انا تعبت بدونك او ما اقدر استحمل اكثر وبيني له انك صابره عشانه وعدك انه فتره ويرجع لك وانو هذا اللي مصبرك بس اكثر من كذا ما تقدرين<< طبعا هالحكي تقولينه له بس انتي خليك اقوى من كذا واصبري وان شاء الله ربي ما راح يخليك انت مظلومه وما كنت تقصدين تكبر السالفه وقتها ونيتك صافيه واكييييييييد بإذن الله راح يرجعلك وترجعين له وتحبون بعض اكثر من الاول .......... :)
وزي ما قلت لك تصدقي وآمني ان ربي سبحانه قادر يحل مشكلتك عاجلا غير آجل وووو كلميه او ارسلي لو مسج

وان شاء الله ربي يفرج همك ويصلح بينكم عااااااااجلا غير آجل وجميع المسلمين آمين

أختي الكريمة مشكلتك ليست صعبة الحل ولكن يظهر لي أنك ومن دون زعل سلبية في حياتك وقليلة الخبرة
عمومآ تقول الحكمة المشهورة"اذا أنت أكرمت الكريم ملكته وان أنت أكرمت اللئيم تمردا"
فأنتي تعاملتي مع زوجك بخلق رفيع وقابلتي كرم أخلاقه معك بالحب والاخلاص وحسن الخلق مع أخواته الغيورات ولا تزعلين الدنيا سلف ودين بكره كل واحده منهن بتتزوج انشاء الله وبتحس فيكي وعلى رأي المثل"مايتحسف الا راعي العلم الردي"
نأتي للحل المطلوب منكي أن تفعليه:
#الاستخــــــارة الصادقة وتكون سبع مرات وتطلبين فيها الله عز وجل أن يخيركي في رجوعكي لزوجكي أم لا."مع يقيني التام بأنه سيرجع ويحمله قلبه قبل رجليه انشاء الله".
#تطلبين منه بتأييد من والديكي أن يكون لكي بيت مستقل كما ذكرت أحدى المشاركات لكي من قبل.
#عــــــــدم تذكيره بما حصل بينكي وبين أخواته في السابق حتى لا تجرحينه الا اذا سألك عن شيء
فردي على قدر السؤال فقط تدون تجريح.
#لا تكوني سلبيه في حياتكي وكوني ايجابيه.
#اعلمي أن رب ضارة تكون نافعه فهاذه المشكلة الصغيرة ستجعله يعرف قدركي أكثر ويتمسك بكي أكثر ولا يسمع فيكي وتحققين من خلالها هدفكي وهو الاستقلالية مع زوجكي الذي تحبينه انشاء الله.