يا ريت اللي من ليبيا اتخش

عيوني ...
تي شنو هذا يابتي !!! فلاحه "ماشاء الله الله اكبر لاقوة الا بالله" راهو الراجل ينهبل من هالحركات خخخخخخخخخخخخخ ... الله يعطيك الصحة ياحنا وان شاالله تشوفي هلك على خير وسلامة يارب ...


امواج
كيف حالك يا حبيبة
لا فلاحه و لاشئ و راجلي لوكان شن انديرله لازم الانتقادات ما يعجبه العجب
شدي عندك امس الرشتة قال تبي رشة ملح زيادة و الكيكة قال اني ما انحبش الحلو و بعد جهد جهيد قنعته يذوقها و لما ذاقها قال ناشفة شوية
و باهي الي لقيتيها نظارة راجلك , احني زمان بابا كان تريح نظارته الدنيا تنقلب و القيامة تقوم ما يقدرش يعيش من غيرهم
و كلمتك زي كلمتي ديمة انقوله فيها من كثر ما يفدد فيا علي صغاره كأن صغاره بروحه مش صغاري

اريام الحنين
هلا و غلا
كيفك و اش اخبارك
و انشاء الله مبسوطة مع ضيوفك
فعلا ياريتك جارتي كنت بعتلك كل طبخاتي الحار مع الحلو
اني بعت لجارتي الحلو بس لانها ما حبتش الاكل الليبي ما عجبهاش و هيا تحب الحلو
وكان تبي اي مساعدة في اي اكلة انت بس ادللي و امري
:26: :26: :26:

سلفية

كيف حالك و حال البنوتة الكندية قاعدة تتغلى ما تبيش تنزل , بالله علي شن مستعجلة
اليوم انتم مسافرين انشاء الله طريق السلامة و اطلعي و اتفسحي و غيري جو ما تحبسيش روحك في الهوتيل و الحكاية مش بالمشي اني مشيت مشي في عمر اتقولي هادي خلاص بتجيب قبل وقتها لكن ما جبتش الا في موعد ي فاطلعي و ما تخافيش و توكلي علي الله
استمتعي بوقتك علي قولة الكنديين

البنوتات الي غير متزوجات
غادة و حياه حلوه

و ينكم اليوم عطلة عندكم و المفروض مرتاحات
طلوا علينا انتم رشة السكر متاعنا ما تخلوناش من غير سكر

aionisahara
شن حالك اختي ،ووينكم خواتي رحبوا بي .
معاكم ام ءالاء:)

اني يابناويت لي سنتين متزوجة ومن وين تزوجت من يوم المحضر في الليل سافرت لالمانيا
وجبت بنتي عالعام بالزبط وتوة بنتي عمرها سنة ربي خليهلي

واني نحب انكم تسموني ام ءالاء
وعمري توة 21 عام واني مستاحشة اهلي هلبــــــــــــــــــــــــــــة
وفي شهر 4 الي فات روحنا ودرنا الكرامـــــــــــة واني قعدت وزوجي ولي

اني قعدت شهرين وتعرفوا داروني عروسة الي يعزم والي يهدي والي ينحل في بنتي
وهاذي قصتي:09: