احترت بين زوجي وامي وابي رايكم

هلا اخواتي السلام عليكم ورحمه الله وبركاته
حبيت اخذ رايكم عن حاجه محيرتني وهي اني حامل بالشهر التاسع والمولود انشاء الله بقدره الله ثم مثل ماقالت الدكتوره انه البيبي راح يكون ولد المهم ان امي ودها اسمي على اسم اخوي المتوفي وزوجي يقول كيف اسمي عليه وانا ماسميت على اسم ابوي والي موترني ان امي ماصرحت لي وقالت لي مباشره قالت لخواتي وخواتي قالو لازم تسمينه عشان امي وان الاسم راح يفرحهه وزوجي يقول انا ماراح اعطي رايي احين لسى بدري على هالكلام انتي اولدي بالسلامه بعدين يصير خير وبين الحين والاخر يردد لي الاسم الي هو يبيه
واختكم محتاره بين الاثنينمع العلم ان الاسم الي هو يبيه مو اسم ابوه لاني متفقه معه على انا حنا مانسمي على اسم ابوي او ابوه او امي او امه وهذي متفقين عليه
ابي رايكم بسرعه وشاكره لكم:44:

17 تعليق 2,301 مشاهدة

شاركي في النقاش

سجلي الدخول لإضافة تعليق.

التعليقات

17
  1. @ord_alryf

    طيب اذا متفقين خلاص وش المشكله
    قولي له هذا بيفرح امي وراح تدعي لك بالخير
    حاولي تقنعينه
    وادعي ربي يحقق لك ماتتمنين
    والله يولدك بالسلامه وتفرحين فيه

    الا على فكره
    ليش ماتسمونه بالاثنين اللي يبيه زوجك حطوه رسمي والاسم الثاني نادوه فيه
    أو العكس
    الله يوفقك:27: :26:
  2. اذا كان اسم المتوفى رحمه الله حلو ومناسب خلاص طيعي امك واقنعي زوجك ..

    اما اذا كان اسمه قديم وهذا اول مولود لكما فعليكي اقناع امك انك تسميه بأسم حديث وجديد ومناسب للطفل اذا كبر وصار يفهم .. واوعديها بالمرة الثانيه ان شاء الله اذا جاكم ولد تسميه على اسم المتوفى ..
  3. زائرة

    أليست تسمية المولود من حق الأب ؟

    أختي انا أرى بأن أمك تطلب منك ما ليس لها به حق ...

    البركة بإخوانك الشباب لما يتزوجوا وربنا يرزقهم بولد حينها الواحد يسمي على اسم اخوه .
  4. @hdaya_99

    صاحبة الموضوع
    مشكورين خواتي على ردودكم
    لاكن ياختي ورده الريف انا وزوجي متفقين على انا حن مانسمي على ابوي وابوه وامي وامه لاكن على اسم المتوفي هنا الاختلاف وايضا هذا الولد الثاني مو الاول
    اختي افنان ام عمر امي ماجابت غير هالولد الي توفى عليها هو اكبر واحد واحنا بعده خمس بنات
    مع انا خواتي هم قالو وصرحو لها انهم راح يسمونه وهم المرحوم كان له اسمين وحده من خواتي قالت راح اسمي الولد الي بيجي اسمين نفس اسماء المرحوم لاكن انا ماصرحت لها نهائيا لاني ما احب انها تشفي على الاسم وبعدين ما اسمي الله يعيني على رضاها علي اللهم امي نوبنفس الوقت ما احب افرض على زوجي شي هو مايبيه لانه عمره مافرض علي شي انا رافضته
  5. @alaazyzh_2

    أنا رايي أنج تسمين اسم أخوج المتوفي الله يرحمه

    اقنعي زوجج و قوليله انج بتولدين غيره و بتسمون كل الاسامي ان شاء الله

    هالمره بس على اسم أخوج هي مره وحده بس اقنعيه

    لكن اذا كان راااااافض نهائيا لازم تطيعينه لانج اذا كنتي محتاره بين أمج و زوجج

    ترا الزوج هو اللي لازم تطيعينه مب اممج

    الله يوفقج

تابعي تجارب أخرى من هذا القسم.