حريم ونموت في العلوم والاخبار <خطـــــــــــــــــــه هجووووووووووووم تعالن بقولكن سر

طنشيه طنشيه طنشيه وطنشي احساسج وقلبج وغيري من اسلوبج ابدي صفحه يديده بعد ماتراجعين كل حساباتج بعد ماتغيبون عن بعض فترة طويله شوفي حياتج من نواحيها
عيشي هالفترة تصلحين اللي فات فيها موب له! لاااا لج بالاول والاخير وأهم شي قربج من ربج وانصحج تبدين تحفظين القرآن وتدرسينه والله تلقين حلاوة الدنيا كلها وانشراح الصدر فيه وتنسين كل همومج
حبيبتي توكلي على الله وابتسمي دوم

ونصيحه من مجرب لاتطيعين قلبج أبد قسّي قلبج قسّييييه حاسه فيج وأدري هالإحساس أقسى من القساوة نفسها ولاتقرين مواضيع المسجات أبد خخخ بتودينا في داهيه والله انا قلوبنا رهيفه ماتحمل
بس كل شي ياحبيبتي واااضح واذا استمريتي على هالشي انتي الخسرانه الاولى والأخيره
بتخسرين وايد صدقيني ،،، يمكن الحين خسرتي وايد بس استوووب لاتكملين ع نفس الطريج يودينا بألف داهيه وتهل علينا مصايب مانقدر لها خلاص الا بصعوبه

انتي الحين تفكرين كيف ترجعين لقلبه
صدقيني قبل أي شي لازم تعرفين كيف تخلين قلبج وقلبه معلقين برب العالمين ادعيله وللكل
الفراغ أكبر هم ومشكله والأمر والأدهى انج ولو كنتي مشغوله تصطنعين الفرااغ حقه وتهملين التزاماتج عشانه!!

والله انه هالأسلوب يطفش ويكرههم والله

ولي عوده معاج ع الخاص قريب اعذريني مشغوله وعندي دراسه بس لفت انتباهي موضوعج اللي قطع قلبي وقلت أمر عليه ولنا عوده إن شاء الله

وادعيلج واقول والأذان يأذن
الله يفرج لج همج يا رب وهم كل مهموم ويلهمج حسن التصرف يا رب ويصلح لج شأنج كله

انتظريني ع الخاص بالويك اند إن شاء الله

ونصيحه اذا تبين تهدينه روحي مع اهلج وخلي الكلام رسمي بس مو مرة ولاتتأخرين عنده
كيف ترضين تقابلينه بذيج الابتسامه واهو يدري بانج تعرفين انه له علاقات الله يفكه منها
بيقول هذي عنها عادي؟؟!!

حاولي تقطعينه فترة طويله تراجعين فيها حساباتج كلها بعدها لما يصطلح الحال إن شاء الله ترجعون لبعض وكأنكم توكم تتعرفون ع بعض ابدووو صفحه يديده لانه هالصفحه سادها السواد كله وماترد بيضا إلا بإذن الله
وصيتي من قلب داومي ع الإستغفار بان ربي يفرج لج همج ويكفيج كل أمورج يا رب ويبعد زوجج عن الحرام ولايشوف حرمه غيرج

وادعيلي معاج بأن الله يجمعني مع خطيبي على خير ولايفرق بينا شي سوى الموت وان الله يصلح لي شأني كله ويفرج هم كل مهموم

مستعده أكون معاج بهالرحله ^_^

محبتكم
هموسه
:)

اختى هذا وانتى لسه ماتزوجتم استفذتوا كل الزعل والهواش اجل بعد كذا ايش رايح يصير
اختى كل شىء يزيد عن حده ينقلب ضده التغلى كثير ماهو بصالحك وكمان الجفاف والثقل الزايد ايضا ماهو بصالحك

خليكى متوازنه مرة كذا ومرة كذا ولاتخلى كل همك زوجك تذكرى دائما انا هناك امور كثيرة فى الحياة تريد مننا الاهتمام واولها صلة الانسان بربه
والله عن تجربة من تعلق بالله وجعل همه رضى الله خفف الله عنه كل مصاب واشغل تفكيره عن كل هم وايضا لنفسك حق ولاهلك واصدقائك حق
اختى لاتجعلى نفسك تمرض بسبب انسان لان ولا انسان يستحق ان تذهب صحتك لاجله لان الصحة ان ذهبت بالهم تخلى الناس عنك وملوا منك سريعا
انا براىء ان الابناء هم من يستحقون التضحية والاهتمام الكبير فقط ورضى الوالدين وطبعا ارضاء الزوج مهم ولكن من غير ان يؤثر هذا على صحتك ومتعتك بالحياة
وفقك الله لما تحب وترضى

للحفظ ولي عوده بعد قرائته

أنا متابعه ولا ابغي ارد عليكم وحده وحده لين ما اقرا اكثر واكثر والله اني استفيد بشكل ما تتصورونه وربي يجزيكم بالجنه بنات الي قالن ليش طرشتي مسج انا الي طرشته صباح الخير ان شا ءالله تكون افضل اليوم يعني مسج عادي مب من المسجات الي فوق لان يا بنات اذا ماطرشتله بالمره اخاف ينسى وجودي يعني مثل ما قالت وحده امسك العصا من النص لا اني اثقل وايد ولا اني اخلي عمري زبده وسايحه وهو رد علي بمسج يطمني عليه وردت عليه بمسج ثالث ما تشوف شر يعني الموضوع صار رسمي وبالغص امسك نفسي ولا اتصله بالمره اذا حب يتصل حياه الله حسيته خذ حريته جيه اكثر وصار يتصلي يوم انا ماصرت اتصل قبل انا الي اتصل واتصل وهو مايرد علي !!! شو الفايده خلوه كل ما حب يسمع صوتي يتصل وفي بنات وايد لموني انه شخص صاحب علاقات بنات بقولكم الصدق انا احبه وربي ابتلاه وانا واقفه معاه بالدعاء تعرفون شو اعظم حب حب الشخص في الله ويوم تحبه لدرجة تتمناه معاك في الجنه وما تبغيه يتعذر انا والله ما همني الحين الي قاله ولا خيانته قد ما همني اني اجحل عيوي باذن الله بشوفه في الجنه وهو سالم غانم وعلى فكره انا وايد ادعي وفي سجودي والقايم بطريقه ما تصدقونها انسى نفسي وادعيله والحمدلله و الله صار احسن حتى تقولي اخته رجع وترك الاغاني وتقولي بس انتي ثقلي شوي ولا تنسينه في دعائج واذا على الورد الي ايه والهدايه اسكتوا انا قررت اني مااسيرله ولا اطرشله لا هديه ولا ورد تقولي اخته الورد الحين برى الغرفه تخيلوا من كثر الي ياه والهدايه عطوووووووووووووووووووووووووووووووووووور وعلب كبيييييييييييييييييييييييره واضطروا ايبونهن البيت في غرفته لا تقولولي لا تروحين بيتهم ولا واثقلي هالبيت مثل بيت اهلي وزيارتي الهم ما يخصه فيهم واهله يحبون بشكل ما تتخيلونه حتى امه يوم صار الطلاق الاول كانت تصييييييييييييييييييح وتحضني وتقولي طولي بالج بترجعون باذن الله وكانت تقوم اليل وتتدعي ان الله يسخرنا لبعض وهيه كانت سبب سري في انه يرجعلي تقول اخته لي ان امه تقول وهو قاعد ما شاء الله فروله اليوم يا ينهم ناس يخطبون ما صدقم الناس تطلق الله وكبر عليهم واصلن ما كان حد ياي يخطب وكانت امه تلعب في اعصابه لين ردي اليوم انا يوم كنت في بيتهم الصبح هههههههه مااتوب رايحه بس ابطل الهدايه واشوف كيف الناس تطرش هدايه هههههههههههههه قالتلي اخته اشيء حلوووووه والله وقالتلي امي تقول لبوي انا مستعده اخسر ولدي بس فروله لا ما اخسرها انا ما صدقت تكون حرمة ولدي عشان اعرف ان قلبها علي وبتكون مثل بنتي وبتقعد عندنا في البيت وووووووووووو
المهم انا بنات رحت اشوف الهدايه منظرهن شي مب طبييييييعي شي خيال يعني كيف مغلفين ولافين وابصراحه انا تميت ابطل بهدوء واشوف الناس شو تطرش عشان اذا في مناسبه ابا اطرشله هديه وحده طرشه ساعه كارتيه بنات قيمتها لا تقل عن 12 الف درهم ومطرشين له ولت الي هوه البوك اشكال والوان وماركات ومطرشين له كفرات ولحف مركات وتاخذ العقل ومطرشين روبات للحمام مع فوطهن ومطرشين عطور وست كامل مالهن ومطرشين ميدليات واشيء تذكاريه بس لفت انتباهي وحده الي يكلمها الحين تقول اخته بس يكلم اثنين وانا مسويه نفسي مااعرف على اساس قالي خلاص على الطلاق مااروح في حرام يعني بس مكالمات هاتفيه !! تحرق القلب بس اعرف نساء ومزوجات وباطفالهن ريايلهم جيه مطرشه رساله بنات كلام حلو وااااااااااااااايد انا عجبني يعني يجب ومرتب وغير هذا فيه كلمات تحرك القلب واخر الرساله ختمتها اسأل الله يجمعني بك في الدنيا والاخره زوجا المحبه المخلصه ..... وكاتبه ام اعيالك يعني انا مااكتب جيه شو ام اعياله يعل عيونها الفقع يارب :(
عاد انا قلت لخته وين انا ووين هن كيف ابوصل لمستواهن رقي في الكلام دلع ثقل غنج اسلوب يسحر شي خيالي مااقدر اوصفه يعني انا يبالي كورسات عشان اكون بهذا الحنك والدهاء بنات انا ما بخبي عليكم انا سمعتله مكالامات مسجله والله ان كلامهم يكون غير هالبنات انا كبنت يخلوني اسمع كيف الريال ومثقفات يعني يتكلمن في الرياضه في الطب !! في الغذاء وينكتن ويضحكن وكل شي فول الفول انقذوني عطوني دروس كيف اكون جذيه اختكم بالله :(

تبين تصيرين مثلهن,,مثل ماقلت لك التفتي لنفسك يابنت الحلال

والله وانا اقرا الكلام جاني صداع اجل شلون هو

عايشين بحوسه ودوامه الله يعين..

ليش تسوين كذا؟؟

قلت يابنت الناس عيشي حياتك ربي وش قال (( وما خلقت الجن والأنس إلا ليعبدون))

مو عشان نقعد ننشب بحلق الرجال وكأنه هو سبب وجودنا بهالحياة لا وألف لا

بتعيشين معاه وبدونه بتعيشين فبطلي هبال والتفتي لروحك

وسالفة انه يكلم واحده ولا 10 النتيجة واحده لاترضين بالحرام ترا المكالمات حرام

وهو وش ينتظر يعني مستانس انهم يرسلون له هدايا؟؟

تذلين روحك وتهينين نفسك عشان ايش؟؟

لا حول ولا قوة الا بالله..اوقفي بالله عليك قدام المرايه شوفي نفسك وش استفدتي

وش سويتي بحياتك .. توك صغيره وكلك مشاكل وهموم ..

ياختي خليك واثقه من روحك.. حطي لك جدول تقربي لربك اعتني ببشرتك اقرأي

ادخلي انترنت مو عشان تكتبين مشاكل لا عشان تزيدين ثقافتك شوفي الجرايد المجلات

روحي اطلعي سيري على الناس اقعدي مع الحريم الكبار والصغار اسمعي لكلامهم نقاشهم

خذي خبره منهم عشان تعرفين تردين وتعرفين شلون تتصرفين بأي موقف

مو تقعدين همك زوجك وجوالك وبس حاصره نفسك بوسط الدائره..

انطلقي ارحمي روحك ترا ربي بيسألك على اللي أنتِ قاعده تسوينه بروحك,,

معليش كلامي مو مرتب لكن لأنك فعلا يبيلك علاج والله ماامزح لازم تشوفين اخصائية اجتماعية

واسمح لي على قسوتي معاك,, لأنك مثل أختي ولا ارضى اختي تكون ذليله ومهانه,,