عزيزاتي بنات حواء سؤال عن الشغاله الاندونيسيه لكم مني جزيل الدعاااااء

ديما وبنت الصحابه وغدوف اشكركم جزييل الشكر والله يوفقكم
قعشوعه ان شاء الله تتوفقين بوحده حنونه الله يرزقني واياكي وباقي البنات

نصيحة لاتجيبي اندنوسية

أنا جبت اندونيسية عشان مسلمة و متحجبة ونظيفات لأني قبل جبت هندية مسيحية خلوقة وحنونة بس تعبتني في الحجاب مش ملتزمة كثيروالنظافة الشخصية مش كثير.....بس هذي اللي عندي من جاوا بس ماأدري من أي قسم بالتحديد و مشتغلة قبل والحمد لله أحسها زينة للحين كثير و مريحة فاهمة كل شي و ماتعبتني في التعليم ..تراهاتوها جديدة بعدها!!!الله يستر إنشالله ماتفاجأنا بمصيبة ... أدري عن بلاويهن و مصايبهن بس موكلة ربي و إنشالله يحفظلي بيتي وعيالي من شرهن.........والمعاملة الحسنة أهم شي....بس مثل ماقالت الأخت إمسكي العصا من النص ........

نصيحتي لك يالغالية:
1) سواء جبتي هندية أو أندونيسية أو فلبينية أو سيرلانكية لا توثقي في أي حد و كوني متحذرة ومحتاطة منهن....
2)و اللي عنها خبرة بتريحك بس الجديدة أفضل إذا عندك وقت تعلميها ...بس أهم شي اللغة ... حتى من الهند يقولوا من بلد جاوا متطورات شوي وعندهن لغة إنجليزية بسيطة!!!!
3) شدي معاها في مسألة شغلها ومسؤولياتها وعوديها أنها تسوي كل شي وحدها وترتب أمورها ماحد يساعدها إلا في أوقات الطوارئ و حسيسيها أنك مراقبتنها زين و تتابعيها في كل شي مش نايمة على وذانك( على قولة حبايبنا المصريين) :)
4)أحسن شي واللي ريحني مع هذي الشغالة أني من قبل أن توصل سويتلها جدول أعمال يغطي كل شي في البيت ونظمته بالوقت و الساعات للأعمال اليومية و الأسبوعية و الشهرية وإنشالله ناوية أنزله في المنتدى في قسم تجارب وحلول شوفيه بيفيدك من جد
5) خلي شغالتك مزحومة طول اليوم وهذي مهمة جدا لأني أعتقد أن الفراغ هو اللي يضيع الشغالات ويخليهن يزيغن خليها مشغولة طول اليوم حتى لو تلاعب الصغار طبعا داخل البيت -المهم تكون طول وقتها و تفكيرها في شغلك و عيالك
6) لا تخليها تختلط بالشغالات أبدا و لا تطلع أبدا إلا بوجودك - وعشان ماتتعقد ويجيها إكتآب من البيت بين فترة وأخرى طلعيها والعيال نزهة برا أو تتمشون ومنها تساعدك بالعيال وممكن تكافإيها بين فترة والثانية بهدية أو زيادة في الراتب بس خبريها أنه بسبب إلتزامها وأنه هديم من عيالك حالها عشان تحبهم أكثر وتهتم فيهم أكثر...


وسلامتكم