شاركي في النقاش

سجلي الدخول لإضافة تعليق.

التعليقات

10,866

  1. @rtooosh

    صغر الفرح فعلا كلام صاحب المحل سليم بخصوص البورسلان ..وهذه ميزته انه قالب واحد زي الرخام
    اما السيراميك لو انقشرت القشرة الخارجيه لاي سبب يتشوه منظره ويبان الفخار

  2. صاحبة الموضوع
    ام سعود :
    بالنسبه للرخام اخذته من العقيل اللي على طريق الخرج اذا انتي من الرياض ولهم فرع اسمه المدى
    ...........................
    رفروفتي
    اهلين وسهلين فيك ومبروك عليكم الحفر والله يتمم لكم على خير
    وياليت ماتقاطعيننا
    ..........................
    حلاو مصاص
    عجيب حال هالمهندس مو على كيفه يحط اللي يبي هو اللي بيسكن ولا انتم غصب عليه يكسر اللي حط ويجيب مكانه اللي تبونه لان انا صار لي في حمام الاولاد نفس الحركه الحزام فيه ثلاث حبات لونها مختلف والخطأ مو خطأ المبلطين خليناهم يكسرون ويحطون غيرها
    الله يكون في عونكم
    ..............................
    نبضة صادقة
    والله انك صادقه في كلامك بس لما افكر فيها اقول هذا بيت العمر وكم مره بعمر بيت
    والله يتجاوز عنا ويسامحنا وهو سبحانه اعلم بالنيات
    كنت اقول لزوجي نبي نحط واجهتنا بروفايل ارخص او صبغ لكنه رفض تعرفون الرجال تهمهم الواجهه
    قال الحجر شيخ ووووو في الاخير اقنعني
    والله يجزاك خير ويعطيك على قد نيتك ..........ومشكوره عالرابط بس ياخساره زوجي مصر على الخشب لدورات المياه .
    ................................................
    omamoory
    تصدقين اللي عجبني في الخزف السعودي الترويبه حقتهم الوانها حلوه وفيه مسافات بين البلاطات تقريبا 2 ملم او اكثر بس شكلها مع الترويبه حلو مره
    اما البورسلان هوصحيح انه قص ليزر بس اكيد بيبان شوي من الترويبه البيضاء اللي راح يبان فيها الوسخ بالنسبه لمطبخي هو سيراميك ايطالي بس انا اشتريت له البلاطات الصغيره قلت حركه وبسوي ترويبته غامقه عشان افتك من التنظيف وبرضو شكلها احلى من الفاتح
    ................................................
    بوح المشاعر
    ياهلا وسهلا فيك وإن شاء الله تستفيدين
    .............................
    ياصغر الفرح
    الله يعطيك العافيه ماقصرتي بس الحقيني بمحل للزجاج المعشق اذا تعرفين احد شيك وسعره معقول
    ......................................
    جلنـــــــــار
    الله يسلمك انتي احلى
    .........

  3. صاحبة الموضوع
    الاخوات اللي مايعرفون البروفايل ترى هو كذا عباره عن عجينه لونها مثلا ابيض بس مو ابيض الناصع لا وفيه منها الوان بس محدوده وماعجبتني الوانه المهم هو عجينه تنحط على الجدار وتتواسى وتمخش ومن مميزاته انه مايتأثر بالعوامل الخارجيه ويعمر وممكن لو مليتوا من لونه تضربونه لون ثاني اما مساوئه انه ماينشال الا بالدريل وبصعوبه ينشال
    اما الحجر خصوصا النوعيه اللي إن شاء الله بنحطها هو بالمسامير يثبتونه ومتى ماخرب شيء منه شلنا الخربان وبدلناه بغيره جديد ومن حسناته ايضا انه يشكل عازل عن الحراره والبروده وممكن نبدع في ديكوره واللي عجبني فيه ان فيه انواع منه لونه ابيض ناصع اللي احب لاني ماحب البيوت الملونه وخصوصا اللي لونها كريمي مدري وش عجبهم في هاللون يقولون يتحمل الوسخ ؟
    ومن عيوب الحجر انه غالي بس مو اغلى من الرخام طبعا وفي نوعيات منه تجمع تراب وخصوصا جونا معروف بالاتربه الدائمه بس احنا اخترنا اللي مايشيل تراب ولا عناكب والله ييسرها علينا وعليكم

  5. @rtooosh

    هلا والله بجلنار و غمزة عين

    ام عموري الصراحة انا مو متأكدة من كلام المبلط بخصوص الاسمنت
    وحتى زوجي ماعنده خلفيه
    بس اتوقع انه ترويبه مو سمنت او ان الاسمنت بالاول من تحت وبعدين يتغطى بالترويه

    ان شاء الله الامامير يفيدوك اكثر... فينكم يا هوانم ديوانيه سيتي ؟؟ اكيييييد بالمطبخ ..انا شامة الريحة

تابعي تجارب أخرى من هذا القسم.