ميزانية المنزل ماهي راضيه تضبط معاي

انا انصحك تروح كارفور اذا كنتي بالرياض او اي مكان ثاني للجمله وتشترين الشياء اللي ماتخرب مثل الزيت السكر الملح حليب بودره صابون كلوركس باغات لحم اكياس زباله قصدير نايلون صحون ورق قشطه بسكوت شاعي جبه كيري تشدر مثلثات وحتى لوتشترين خضروات طازجه كوسه بطاطس باميه فاصوليا...... الى أخره وتجيبين علب بلاستيك وتقطعين كل نوع حسب الشكل المطلوب وبعدين خضروات الأيدام مع بعض الفاصوليا لوحدها الباميا الملوخيه وكمان الدجاج اشتري تقلريبا 10 حبات اقطع بعضها انصاص وبعضها قطع صغير للأيدام والمكرونه والمكبوس واوزعهل بكذا توفرون بشكل رهييييب وكمان يصير عندك وقت للأمورك الأخرى وتصيرين تشترين بس حجات بسيطه اغراض السلطه عصاير فواكه لبن زبادي حتى الخبز تقدرين تشترين كميه ولازم يكون عندك فريزر منفص صراحه فادني مرهمره مره
هذي تجربتي ان شاء الله تعجبكم وبعدين راح تحسين ان 2000كثيره عليكم وسلامتكم ولاتنسوني من دعواتكم

ألفين مرررة ممتازة وتكفي بالراحه وتزيد بعد للشهر إلي بعده
إحنا 7 أنفار في البيت وحاطة 2500ريال للمواد الغذائية والغاز والموية وبتكفي بس من غير مفطحات قصدي عزااايم خخخخخ
بس أهم شئ القناعه ومو كل شئ يجي خاطرك في تشتريه ....

اختي وين محل الكارفور لاني ان شاء الله بروح الرياض اتقضى الله يجزاهاخير الي تعلمني

كارفور ياعيوني بالشمال قريب من ساكوا و(هو للمواد الغدائيه وبعض الحجات يعني مثل المخازن الكبري)وهو في مجمع لي مول وفيه ستي ماكس اتصلي على ألأستعلامات وتجدين رقمهم

نحن 7 انفار ولا تكفينا 3 الاف حق الاكل والمواد الاستهلاكية
ليه كل واحد بالبيت له اكله غير الثاني حتى لو اجبرتهم على اكلة معينةيضل طوال اليووم ما ياكل
من غير البسكوتات كل واحد له سلة كاملة منها
من غيرر اغراض الحلى لاني دايم اعمل حلى والله مستلزمات الحلى غالية مرة

ومستلزمات المدرسة كثيرة الي طايحين فيها البنات اليومييين هذه

نسيت اقولكم عائلتي ما تحب الاكل البايت حتى لو خبز

الله يحفظهم هذا كله من الدلع الزايد
ياليت تعطونا ميزانية اقتصادية تنفع للكل