شاركي في النقاش

سجلي الدخول لإضافة تعليق.

التعليقات

578
  1. @kdaaa_okdr

    يوووووه ويني عن هالموضوع التوحفه...
    فضلا عن الضحك الي ضحكته على المواقف عرفت اني حكيمه يوم اني بوادي وحسن التبعل

    بوادي ..مريحه راسي من الفشايل والتهزئ والخساير خصوصا اني من الفئه الي اذا اجتهدت تخرب ابو

    السالفه.!!
  2. @saly555

    الله يونسكم يا بنات والله ضحكتوني
    ودي اقول موقف صار لي بس مدري هو حسن تبعل والا حسن تبغل
    هذا الله يطول اعماركن مره كنا عند اهل زوجي ومن رحنا عندهم نسيته واهملته شوي
    المووووهم عطاني ذاك اليوم محاضرة طويلة عريضة عن حسن التبعل
    فالبداية زعلت ومديت بوزي وبعدين قمت من الحماسة واروح المجلس اللي ينام فيه هو واخوانه
    واخذ كل الملابس اللي معلقينها في المعلاق
    واغسلها مع بعضها وبعد ما جفت قشيتها كل ابوها في شنطة زوجي واليوم الثاني سافرنا
    يوم زوجي جا يفتح الشنطة تفاجأ باعداد هائلة من سراويل السنة

    وتعالوا شوفوا التهزيء انواع واشكال>>>>والله من زود البقارة يوم تحمست قشيت كل اللي قدامي
  3. هههههههههههههههههه والله موتوني ضحك مشالله عليكم
    يالله انا بقولكم سالفه بس لاتضحكو على :hahaha:
    كان يامكان في سالف العصر والاوان بالصيف صارت القصه أ فهمو يعني
    جاء ابو الشباب من برى طفشان ومتضايق ويأف أف تفسيرهايعني يقوووووووووول (اوووووووووووف) فهمتو ولا لا المهم جيته اتميلح قلت وشفيك عسى ماشر وسوي نفسى ذيك الفاهمه الخبيره :bkh: المهم حكالي عن المشكله مع ذاك الحر تعرفون حر الرياض كيفي يصيربالصيف يطلع ريحت اللي ماله ريحه ,,,,,!!!!!
    المهم قلت له الحل عندي وانا ام هندي...؟؟
    تراي الصدق ولدي اسمه محمد موهندي
    المهم ناضر لي بعيونه قال صدق قلت ايييييه يالحبيب فيه اختراع اخترعووووووووووه مره يهبل
    قال والله قلت اي بالله قال وشو قلت الحلاوة قال من جدك قلت اجل امزح يالله جهز نفسسك بجيب العده
    وانا اقول بقلبي اقول جهزنفسك للعمليه ,,,,,,,,
    المهم ابو الشباب ماصدق نطل الثياب جيت وجبت معي العدة والمستلزمات
    المهم قلت له ياله ارفع يديك استسلم المهم هو على نياته استسلم مرغم
    وهوشاك بقدراتي وانا امدح له النتائج اللي بتصير بعدها المهم اخذت قطعه من الحلاوه ولازقه هههههههه بإبطه وهو يصيح من الالم وانا اشد :22:
    المهم انا استأنست :30: اخذت حقي منه من زمان وهو قاهرني والحين طاح بيدي حشي ذي مو زوجه ذي عدو ومره اضحك ومره ابين له اني متعذبه زيه و باحاول اخلصه
    المهم يالحبيبات الحلاوة تقول امعصي اطلع خلاص اعجبني المكان وانا امططططططططططط:mad2: وهو يصايح خخخخ المهم النتيجه ساحت ههههههه وانا شوي ماتلاقيني قلت له اصبر الحلاوه ساحت شفت كيف كله بسسبك لانك محتر ياخي برد اعصابك لووووول عليك كيف لو تجرب الطلق بس هههههههه ناويه عليه !!!!!!!
    بعد عدة محاولات ومداولات يائسه دفني بغيت اطيح من قو الدفه قال وخري بس ماعندك سالفه شوي وانصلخ واقعد بدون جلد وتقولين صبر وش ناويه عليه انتي قوليلي
    اروح اغسلها ابرك لي من تجاربك وانا لا اصبر شوي بس شوي تكفى:07:
    حطمني يابنات ماخلاني اكمل وراح غسلها وهزئني ذاك اليوم لين قال بس :06:
    وابطه ورم المسكين وانتفخ وماغير رافع يده طول اليوم من آثار العمليه وبس يدهنه فازلييين
    خلص الفازلين عليه:hahaha:
    واناكاتمة ضحكتي بقلبي كلم ماشفته ....
    تواني عرفت اني مجرمه وشفيت غليلي منه لانه كان مزعلني قبلها بكم ليله ومانسيت:30:
    وتراني طيبة من جد بس كان قاهرني وارتحت بعدها ....!!!!!!!!!

تابعي تجارب أخرى من هذا القسم.