الدورة الشهرية ومتاعبها .. ارجو من الجميع المشاركة

هلا اختي

1- يعني ما اهم النظام الذي اتبعتيه قبل الدوره واضطراباته ؟
و لا نظام
2- هل مارستي رياضة معينة ؟
لا
3- هل عند ك حل من خلال الاعشاب المفيدة والمجربة ؟
لا
4- ادوية معينة او مسكنات بدون اثار جانبية ومستقبلية ؟
نعم، بروفين
ملاحظة : " يفضل من الجميع الاستشارة الطبية قبل اخذ اي منتج دواء كيميائي للدورة او لاي مرض آخر "
5- ما هي مدة الدواء الطبيعي " الاعشاب " وكيفية الاستخدام ؟ ومدة الرياضة ؟ وكم مرة اسبوعيا ؟
لا اتناول اعشاب ولا امارس رياضة

- يعني ما اهم النظام الذي اتبعتيه قبل الدوره واضطراباته ؟
هي الدورة اللى تتبع معي نظام قبل ما تنزل (( تعذبني ))


2- هل مارستي رياضة معينة ؟
اصلا المزاج معكر والتعب ما يخلوكي تفكري في اي نوع رياضة


3- هل عند ك حل من خلال الاعشاب المفيدة والمجربة ؟
القرفة ممتازة

4- ادوية معينة او مسكنات بدون اثار جانبية ومستقبلية ؟
كنت وانا بنت استعمل المسكنات وبكثرة لدرجة ان الحبوب ما عادت تأثر في جسمي واللتجأت الى الابر المسكنة لفترة لغاية ما تزوجت واصبح الان تعبها مختلف تماما وكمان كل مرحلة عمرية تأثير تعب الدورة بيختلف من مرحلة الى اخري (( العشرين غير التلاتين غير الاربعين ))

5- ما هي مدة الدواء الطبيعي " الاعشاب " وكيفية الاستخدام ؟
القرفة وانا احاول شربها قبل ميعاد الدورة بيوم واول يوم لغاية ما تتحرك وتنزل

اانا قبل كنت مثلهم ينهد حيلي وابلع من هالمسكنات..

بس لي كم شهر أمارس الرياضة وبالعكس أحس بنشاط

وقطعت المسكنات ماصرت اخذها..

بس وربي الرياضة حلوة وقت الدورة..
لاتقولين تعب ومافيك حيل لأني كنت مثلك..

انتي جربي من أول يوم بالدورة وبتشوفين..

أصلا انا متعودة يوميا امشي من نص ساعة الى ساعة حول البيت حتى والدورة معي..

السلام عليكم و الرحمة...... (الموضوع جدا مهم)
اما عني انا فمأساتي مأساة ....اول ما تيني على طول المستشفى( الطوارى) :( .... اسير و اضرب ابرتين :eek: ..(باسكوبان و فولترين).... و كانوا يقولولي انه بعد ما تعرسين بخف الويع .... و الله انه ما خف بالعكس زاد .... و حليلة ريلي يحسب و قت الدورة لانه يدري بعمره انه عنده طواري ... مع ذلك كنت وااااايد امشى (الله يطول عمر الجامعة)..... بس من بعد ما ربيت ... خف شوي... و مرات يزيد.... انا برايي على حسب الحالة انفسية اللي انا فيها... يوم تكون النفسية اوكي.. ما اتعب وااااايد ..بس يوم تكون النفسية وطي اكون في حالة يرثى لها... حتى اللي في البيت الكل يدري اني تعبانه:09: .....
اشرب شاي بالجرفة تراها وااااااااايد روعة ... و ابتعد عن كل شي بارد....بما فيهم حتى الروب... و يكون المكان اللي انا فيه داااااااافي.. يعني ما تعرض لاي هوا بارد...
ما انصحكم بالبروفين لانه يزود سيوله الدم...هذي عن تجربة شخصية:eek:

اللي يقولون مافينا حيل نسوي رياضه ترا انا كنت اقول كذا

بس اخر مرتين مشيت وصراااحه الام اخف من دايم والدوره تنزل بغزاااره
صراحه مره المشي يريح وخصوصا اول ماتبدا تنزل

واذا مالك خلق تمشين ببيتكم البسي جزمة رياضه وروحي السوووووق وامشي هناك والله يروح الوقت بدون ماتحسين وانتي تتفرجين على الاشياء وعلى الناس ومافي مانع انك تشترين شي اذا عجبك يعني خذيها على انها تمشيه اكثر من ماهي رياضه

اما عن الاعشاب اللي اشربها
اشرب شاهي اخضر, قرفه, نعناع, زنجبيل, كمون

واخذ مسكن طبعا مافيه غنا عنه

وترا ينصحووون بأكل البرررر انا ببدا اكله ان شاءالله