حريم ونموت في العلوم والاخبار <خطـــــــــــــــــــه هجووووووووووووم تعالن بقولكن سر

متابعة النقاش، صفحة 24

شاركي في النقاش

سجلي الدخول لإضافة تعليق.

التعليقات

235
  1. @ghlaalroh

    المعذرة اختي اذا شكيت فيك بس والله هالدنيا ما لها امان وانا مستغربة اشويه من وضعك خخخخخ بس شكلي تعودت عليه هههه .. وبقول لك على شئ ممكن يفيدك عندك في وحده اسمها الكتورة ناعمة الهواشمي ؟؟ كأن اسمها جذي .. وحده نزلت لها قصة هني لزبونه عندها كانت تستشيرها في العلاقات الزوجية .. وكان زوجها متزوج عليها وساعدتها لما خلت زوجها يعشقها ويحبها .. لدرجة طلق الثانية ..
    وهي الدكتورة في الامارات .. وشوفي موقع لك او لها لها موضوع كامل هناك,,, وعندها استشارات للحياة الزوجية ..

    طيب رقم 4. ما اقول لك افصخي الحيا .. ولاانك تكوني قاسية عيون وما فيكي حيا .. بس بعد اقول لك هذا اللحين زوجك ما ادري اشلون عندكم العلاقة بين المخطوبة وخطيبها .. وخصوصا انها تختلف من دولة لاخرى على حسب العادات والتقاليد .. يعني مثلا عندنا بالبحرين .. الخطيب مع خطيبته يوديها لاهله تتغذى وياهم يوم الجمعة .. يطلع وياها مطاعم مجمعات كوفي شوبات سينما .. اي مكاااان .. ويروح مثلا يوم يتغذى ببيتهم .. واهي تروح وياه حتى حجرته وتقعد وياه .. ويقعد وياها وهكذا حتى بدون محرم ..بس بدون دخله طبعا .. يعني دام ان عقد القران والملجة والشيخ كتب عليهم تعتبر حلال له .. وهو حلال لها ..ومو كل العوائل جذي عندنا بس الاغلبية .. ما ادري الوضع اشلون عندكم في الامارات ؟؟ واشلون انتو عادات عوايلكم ؟؟
    بس المفروض على الاقل تخلون لكم روتين لإجتماعكم مع بعض ؟؟ عيل اشلون هي تصير خطوبة ؟؟ مو عشان تعرفينه يعرفك يمكن ما تناسبون بعض لا سمح الله يكون الافنصال خالي من الأولاد .. لا سمح الله .. بس دام انتو على البر ؟؟
    اقول لك اشلون روتين لاجتماعكم ؟؟ يوم الجمعة مثلا اتفقي وياه انكم تخصصونه لكم لوحدكم فقط .. في البداية بتقولين صعب ؟؟ صح لانك تستحين ؟؟ بس خلك جريئة وشجاعة طلبي منه مثلا يوم الجمعة يجي يتغذى عندكم عزميه ؟؟ او انتي عزمي روحك عن اهله وتغذي وياه في غرفته ..
    بعد الغذا والقعده بتكون اول مرة عائلية وبعدها خلها خاصة فيكم .. مثلا ؟.. بعد الغذا تكونين مجهزة حلى ولا ايسكريم شئ من الحلويات اللي يحبها مع الشاي والقهوة .. او حتى كوفي .. ويكون بطريقة حلوة تقديمك .. واذا ما تعرفين اتطبخين شغلي روحك بالطباخ احسن لك تعلمي دام انك في بيت اهلك ..
    بعد التحلية والسوالف على الغذا .. وطبعا الكشخه .. ممكن تقعدون مع بعض سوالف وضحك وخلك من النقاشااااااااااات والمشاكل ابدا لا تفتحين اي شئ ؟؟ ولا شئ ؟؟؟ خليه يكلمك عن شغله عن ربعه عن طلعاته عن سفراته عن مشاويره .. تفهمي تفكيره بمعنى تمعني في كلامه عشان تتعرفين عليه اكثر واكثر .. بعد القعده قول يله اشرايك نروح سينما اشرايك نروح مجمع نتسوق ودي اروح اتسوق عاد انتي مو تشوفين السوق وتنسين عمرك ..؟؟ لا بس تجولي وياه بيتن المحلات كفاية انك تطلعين وياه بالسيارة .. اذا اللي ذكرته غير مسموح عندكم في عاداتكم وتقاليدكم من الممكن ان تكون عزيمة الغذا في بيتكم وفي عائلتكم او عائلته .. وتجهزي الحلويات انتي .. وبعدها اذا ودك تطلعين استأذني من اهلك وأخذي اخته وياكم ..

    طبعا بعد الجمعات كم جمعه .. وكم طلعه مع بعض .. خبريه ان ودك تجتمعين وياه بروحكم في مكان عام بدون ما يكون احد وياكم .. في كوفي شوب مثلا او في مطعم .. او حتى في حديقة او على الكورنيش .. اهم شئ مكان عام طبعا اذا كان غير مسموح لكم بالاجتماع معا في غرفته او غرفتك او مجلسكم .. او مجلسهم ..

    قعدي وياه افتحي موضوع الزواج .. لازم تفتحينه وياه وتتناقشين وياه عنه عشان تعرفين مصيرك وياه وين ؟؟؟؟؟ طبعا انا ما قلت لك روحي له باجر قول يله ابيك اللحين اناقشك ؟؟ لا لازم تجتمعين فيه عدة مرات وتقعدين وياه قبل على رواق وبدون مناقشات وبعدها تفتحين الموضوع .. بس يكون في جلسة خاصة عشان يعرف ان الموضوع مهم عندك ..
    لما تناقشينه .. افتحي وياه موضوع الزواج قولي له يا فلا ويا ابو فلان انا اشوف اني اعزك واحبك ومهتمة فيك حيل .. لكن ودي اعرف شعورك اتجاهي كيف ؟؟ انت تحب اني ابادلك هذا الشعور تحب اني اهتم فيك ؟؟ ........... بس انا مو عارفه هل حياتي وياك بتستمر لو لا ؟؟ ما ابي اكون مثل المعلقة مو عارفة اذا كنا بنكمل مع بعض او لا ؟؟ لاني اللحين بحكم الناس والمجتمع مخطوبة ومحجوزة لك .. تبغيني انتظرك ..؟؟ لمتى ؟؟ اذا حسيتيه يتهرب من موضوع الزواج افتحي الموضوع خبط لزق في وجهه ؟؟ قوليها له بالصريح المباشر ؟؟ متى بيكون زواجنا ؟؟ هل تحب نحدده من اللحين ؟؟ قال لك ايه وودي احدد الموعد واليوم .. كان بها .. بس اذا حسيتيه يلف ويدور ..؟؟ ويدور ويلف .. حاولي تكوني شديدة في موقفك .. واعطيها اياه بالمختصر .. يا انك تبيني او ما تبيني ؟؟ اذا ما تبيني .. وتبغي كل واحد يروح لحال سبيله ترانا بعدنا عل البر كل من يشوف نصيبه ؟. واخلي اهلي يتفاهمون وياك .. وبعدها تخبري ابوك انه مو حاب يكمل وتعطيه المهر وكل شئ .. ونصيبك ان شاء الله يكون احسن منه .. هذا في حال لا سمح الله مو حاب يكمل وياك ومو حاب يتزوجك ..؟؟ وصدقيني الخيرة فيما اختاره لك رب العالمين .. صدق انتي تحبينه وتموتي عليه لكن سبحان الله يمكن يكون فراقك عنه شفاء لك بدل ما يكون القرب منه مذله ومرض ... وانا ما اقول لك طلبي منه الطلاق .. لا بس اقول لك اذا ما كان وده يكمل وياج ما راح تقدرين تغصبينه عليج .. ودام هذا اوله ينعاف تاليه .. بس اذا كان رده يبي بعد مهلة .. عشان يتعرف عليك اكثر و....ووووو .. حددي وياه المهلة .. شهر شهرين مو اكثر من 3 شهور بالكثيييييير وبعدها يحدد موعد الزواج ؟؟ لان هاذي مو حاله وياه معلقة ما تدرين ساسك من كرياسك ؟؟ وما اقول لك كوني عصبية وصارخي وياه ؟؟ لا بس تكلمي وياه بهدوء وبعقلانية .. وخلك حكيمة في موقفك .. بدون ما تكونين عاطفية .

    اما ذا حدد وياك الموعد قولي له بس انا لي شروط ...
    1.2.3.4. 5. ... وهكذا .. وذكريها له .. يعني انتي بتحددين وياه موعد الزواج وبتحضرين له بس اول تبغين تتأكدين من عدة اشياء ...
    1. اخلاصه لك .. طبعا انتي بس عشان تضمنين انه ما يسوي علاقات محرمة مع بنات غير .. لانوالله انها حراااااااااااااااااام عليه وعليك اذا كنتي راضيه بهالشئ وعادي عندك ؟؟ وبعد نفس الشئ خلك شديدة في هالموضوع .. قولي له ترضى اختك تكلم صبيان تطلع وياهم ما تخاف ان انت اللي تسويه في بنات الناس يسوونه في خواتك او في احد من عرضك ؟؟ بعدين اذا اختك زوجها جذي يلعب مع البنات بترضى عليها ؟؟ اعتبرني اختك اذا مو حبيبتك اذا مو زوجتك .. ترضى علي انك تخوني ..؟؟
    هاذي اول شرط .......

    الشرط الثاني .. مثلا عن السكن تفاهمي وياه عليه ..
    الثالث .. عن مستلزماتك للحفلة ومطالبك .. مثلا اذا كانت تهمك طبعا .. وين تبغينها شهر العسل وين؟
    الرابع الخامس .... الخ ..

    بعدها خله يقول شروطه ؟؟

    تفاهمتي وياه على مصيرك وعلى مصيره .. وعلى مصيركم مع بعض ..
    اللحين جاء دور هالمسجات البايخه اللي ما لها داعي ..؟؟؟ اصلا تقلل من قيمتك ومن شأنك .. وما لها لا طعم ولا لون ولا رائحة .........يعني بصراحه اشك انه يقرأها او حتى تأثر فيه
    دام انج قللتي منها الغيها تماما .. مرة كل يومين كل 3 ايام عشان لين وصله هالمسج يكون شئ جديد عليه ..

    5. اشغلي نفسك بأشياء تفيدك وتوسع من خبرتك ومن تعاملك مع الناس .. يعني مثلا عندك محاضرات دينية اجتماعية .. زيارات للعائلة صلي رحمك لا تنسين ان قاطع الرحم الله يقصر في عمره .. زوري عائلتك عائلته مع اخته طبعا .. تعرفي عليهم عشان ما تكونين غريبة عنهم ..صديقاتك طلعي وياهم السوق المجمع .. دام ان عندك خوات تقربي منهم خلك صديقة لهم .. انا اشوف ان امك مريضة .. ليش ما تساعديها في شغل البيت لا تقولين عندنا خدم .. لان كفاية انك تخدمين امك شوفي الاجر اللي بتحصلينه غير انك بتشغلي نفسك فيها .. وف يالعناية بها .. اختك بعد مريضة روحي زيارات لها تكسبين اجر كبيييير منها زيارة مريض صلة رحم تخففين عنها وتواسينها .. عندك بعد اختك الثانية اللي مو متزوجه قعدي وياها في البيت طالعو التلفزيون طبخو طبخه مع بعض قعدو عالنت .. اقرأ قصص روايات شوفي الشئ اللي تحبه واتقربي منها فيه ؟... ليش اقول لك تقربي من الكل .. لانك مبين انك تعزلين نفسك في غرفتك بروحك ويجيك الشيطان ويوووووووووووزك عالمسجات وعالتلفون ؟؟؟ لكن لو تشغلين روحك باللي حولك بتنسين تماما التلفون ...


    واللحين اصلا عندك دراستك اهم شئ اللحين تركزي عليه .. ويا ويلك اذا رسبتي هالفصل بجي لحد عندك في الإمارات وبطقج طق لما تصيحين واتقولين بس ههههههههه ..
    ترى صدقيني ما بتنفعك الا شهادتك كل من بيوح عنك وما احد دايم لك .. لا ام ولا اب والاولاد ولا زوج .. مو دايم لك غير هالشهاده اللي بتأخذيها وبتتوظفي فيها ؟؟ لما تشتغلي وتعتمدي على روحك حتى لزوجك ما بحتاجي له ..

    طبعا اذا حدد لك موعد للزواج اهني تقدرين اتسوين اشياء وااااااايد عندك تجهيزات العرس .. من اولها لاخرها .. ما بتخلصين منها حتى بعد الزواج ..!!!!!!!!
    تجهيزات الحفلة .. من القاعة للورد للفستان للصالون .. الخ ..
    تجهيزات السكن اللي بتسكنون فيه ؟؟
    تجهيزات شهر العسل ..؟؟ اذا بتسافرون ؟؟
    تجهيزات اغراضك ومهرك اشلون بتصرفينه .. في احتاجاتك ..

    حاول يتشركينه في التجهيزات هاذي كللللللللللللها .. روحو ملحات الاثاث واختارو اثاثكم .. خليه يوديك محلات للعرس من حجز القاعة والأكل وكل شئ ؟؟ يعني طلعي وياه حجه في حاجه .. ومنها تتقربين منه اكثر واكثر ..

    شئ ثاني عندك تشغلين روحك فيه .. اهتمام ببشرتك بشعرك بجسمك ..
    وبعد عندك بعد شئ عاشر تشغلين روحك فيه .. تعلم الطبخ .. شوفي منتديات الطبخ اشلون الطبخات سهلة وطريقتها واضحه جدا .. تعلمي الطبخ من اللحين ترى نصيحه .. لان بعدين لما تزوجين وتتوظفين ويصير عندك عيال ما بيكون عندك وقت تتفننين .. فيه .. وكل ما طبختي طبخه ارسليها له يذوقها .. واذا شفتينه لا تسألينه عنها وتلحين عليه عجبتك ولا ما عجبتك واحلف ولذيذة واكلتها كلها لو نصها لو ربعها .. اففففف يكره بعدين اي شئ اتسوينه من الحنة والقرقة .. كفاية سؤال عجبك هالصنف اللي طبخته ؟؟ اذا لا ؟؟ شنو تحب اطبخ لك .. .

    عندك قسم الاسرية والمشاكل لهي روحك مشاكل غيرك عشان تنسين مشكلتك وما تعوري قلبك من التفكير فيها بعدها في الاسرية تلقين مواضيع راااائعة .. بتحصلين فيها على نتيجة .حلوة ان شاء الله اذا طبقتيها ..

    يعني اصلا اتوقع من الاساس ما بيكون عندك وقت حتى تدخلين الإنترنت .. او حتى تمسكين التلفون ؟؟
    لانك مشغولة بالدراسة .. بالتحضير للعرس .. بالجمعات مع الهلك وربعك .. بالطباخ .. بالرياضة .. ب وب و ب و ب و ب .. الخ ..

    6. لا تحسسينه بالاهتمام الزاااايد .. طنشيه ثقلي عليه .. امسحي رقمه من موبايلك .. ولا اقول لك خلي رقمه بدون اسم .. عشان تحسسينه انه مو اخر همك .. وانك مو ميته عليه ... والله حرام اللي تسوينه بعمرك تذلين روحك له انا ما ارضاها عليك اشلون ترضينها لنفسك ؟؟ ذل ما بعده ذل .؟؟ وكل هذا خاين وغشاش ؟؟ لو ما تحبينه واشوفك متعلقه فيك ... جان اقول لك اغسلي يدينك منه ما منه فايدة اذا هاذي اولها بعدكم ما تزوجتو واهو يخونك .. اشلون لو تزوجتو جبتي عيال وصرتي في وجه 24 ساعة ؟؟

    6. عليك بالدعاء لزوجك بالهداية وما في احسن من القرآن والدعاء لرب العالمين ان يخفف عنك مصيبتك ويخفف عنك بلائك .. ويسخره لك ويبعد بنات السوء عنه ويبعده عن المنكرات والفواحش ..

    واخيرا عندي كلام وااااااايد انصحك فيه بس والله تعبت من الكلام وودي لو انك بس تسمعين لربع مو لنص لربع بس الكلام اللي كتبته .. ويااااني واياك اشوفك بعد منزله موضوع عنه تراك ابلشتينا فيه ؟؟ دنجوان عصره هههههه .. خلك مخيمه في قسم الاسرية .. الطباخ .. العروس وحياج الله في الديكور اي استفسار حاضرين لك .. بخصوص عش الزوجية عساه عش عارم ببركة الرحمن وتوفيقه ..

    ودعواتك الحلوة لي ان الله ييسر لي اموري ويخفف عني همي وحزني ومشاكلي .. وييسر لنا امور بنيان بيتنا .. وتراني ما طلبت منك هالدعوات الحوة الا لاني اعرفك انسانة صادقة .. وتخافي ربك .. وعندي ثقة فيك .. عشان جذي لا تخيبين ظني فيك .. وكل الكلام اللي كتبته يروح بلاااااااااش تسمعين من اذون ويطلع من اذون عطيني وعد انك على الاقل تطبقي ربعه وتفهمي نصه وتقرأيه كله .. هههه

    باتوفيق ان شاء الله والله يهديه ويسخره لك ..
  2. @ahsasy_saab

    انتي ذلحين على البر والله نصيحه مني فكري انتي الان طايشه معاه بس لما يوصل عمرك26 واو اكثر راح تتذكرين خيانته وتصعب حياتك والله من تجربه وانا انصحك كما لو انصح اختي,,,,,انتبهي يمكن يجيك رجال احسن منه وهو اللي يرسلك مسجات 24 ساعه وبالنسبه لاهله لو كانوا طيوبين انتي ماراح تتزوجينهم انتي راح تتزوجيه اسمعيني بعقلك مو بقلبك الله يخليك

تابعي تجارب أخرى من هذا القسم.