ديوانية الاخوات اللي يعمرون بيت العمر

تسلمن اختي قمرا
انا كنت قايله اني بنشغل يومين لان عندي عزيمه كبيره يوم الخميس:09:
وتصقين بالي مع الديوانيه
شوفيني اول ما خلصت عزيمتي دخلت اشوفكم احس اني اعرفكم من زمان واشتاق لكم :26:

ايه والله انا قاعده اصمم الواجهه حجريا وودي بحليه تكون برواز علي الشبابيك
الحقينا بالى يخفص التكا ليف صلخنا ذا العمار:icon28:
الواحد يحس انه بيقعد سنه ما قدر يأثث بيته .ويمكن سنتين بعد :09:

الله يخليكم ابي مخططات شقق او موقع خاص بمخططات الشقق

من سته غرف او خمسه تكون نظامها حلو.الله يخليكم انتظر

>>>>>>>>>>>>>>>>>>>>>>>>>>>>>>>>>>>>>>>>>>
سلامة ولدك بشرينا عنه ان شاء الله احسن
ويا ليت ترسلين لي رقم النجارلو سمحتي

صباح الخير ..

ام عموري ..
ادري دوامك في الديوانية الليل .. بس لما ذكرت اسماء البنات .. تذكرتك ..

استرخاء ..
شخبار عزيمتك .. عليهم وعليكم بالعافية ..

يا صغر الفرح..
سلامات توني منتبه ان ولدك مريض .. ما يشوف شر .. شخباره اللحين ..

بدوية في النت ..
الله يفرحك ان شاء الله بسكنك فيه .. وانتي تتكلمين قاعده اتخيل اشلون تكنسين
ومعاج بنتك .. الله .. شعور حلووووو .. يالله متى تجي هاللحظه .. طيب اختي شنو
باقي عليكم بعد ؟؟

ام سعود ..
الحجر اذا تحسينه غالي في نوعية سيراميك ذكرتها ام عموري شكلها مثل الحجر تماما
اذا تبغين تخلينه في الداخل اخذي منه لانه ما بيتأثر من العوامل الجغرافية .. لكن اذا تبغين
للخارج اخذي النوعية اللغالية احسن ..

ام نوري ..
اشوف ان خياراتك راااااائعة في الالوان .. بس الاحمر .. ما ادري ولدك عاجبه اللون لان عادة الصبيان ما يحبون الالوان الاحمر والزهري ومشتقاتها .. اذا يحبها فعليه بالعافية .. لان اللونين
مع بعض رهيبين ..
عن سؤالك انا اشوف ان اللون البيج والسكري والاوف وايت والطوبي الفاتح والبني الفاتح احلى .
لانك ما ودك تحطي اثاث لونه فاتح عشان جذي لا تحطي الارضية غامقة .. والالوان اللي ذكرتها تناسب لكل الاثاث .. ولكل الخيارات ..
بالنسبة للإضاءة الصفرا .. انا اشوف ان الواحد ينوع احسن في الاضاءات .. بيت خالتي مخليه الاضاءة كلها صفراااااااااااااااااا .. وما عندها ولا ليت ابيض .. لما تدخلين تحسين عيونك تزغلل ؟؟!!
حتى خبراء الموضة ينصحونك اذا تشترين ملابس من محل اضاءته صفرا مثلا تطلعين باللبس بره المحل عشان تشوفين لون القماش عدل .. وبالفعل مرة كانت امي تبيني اشتري لها شيفون بحري .. قلت للبائع ابي لون بحري عطاني لون قريب منه .. بس لان الاضاءة صفرا كلها وكنت مستعجله اخذته بسرعه ويوم طلعته امي من الكيس لقت لونه ...........فيروزي .. ههههه .. على الاقل حطي لك كم سبوت ابيض بينهم ..