بنات بريطانيا تعالو موضوع حلو

هلا شامه

والله موضوعك حلو وياليت كل الاخوات يشاركون فيه عشان نتعرف اكثر على اللي حوالينا

اصلا الجو في الشتاء كئيب ولايشجع على الطلعات والنزهات بس عسى الله يعديه على خير..

بلاكبول تبعد عن مانشستر تقريبا ساعه الا ربع الليك ديستركت تقريبا ساعه ونص مو بالضبط مره

والروحه احسن روحي بالسياره انا افضل السياره عشان عيالي الله يصلحهم ..

ولاتنسين ملاهي التون تاورز تراها حلوه وراح تفتح على بداية ابريل ومهيب بعيده عن مانشستر حول

الساعه ونص ..بس من جد تستاهل من يعني عشانها.

السلام عليكم
كيفكم يا بنات انا في مدينة بريستون تقع ما بين مانشستر وبلاكبول والثانيه اقرب لنا
مدينتنا صغيره لكن تعودنا عليها سكانها باكستان كثير اما عا جدولنا اليومي افطر العيال وابوهم ويطلعون من البيت الساعه ثمان ونصف ارضع الصغير وننام والغداء هو العشاء الساعه ست لان الرجال ما يرجع الا الساعه خمسه ونص والاولاد ثلاث ونص ياكلون فاكهه تصبيره للعشاء والجمعه نجتمع مع اصدقانا على قهوة وسمره اما الويكند ما فيه الا الاسواق والمجمعات البرد كسر عظامنا
والاماكن اللي زرتها لندن اكيد وما شبعت منها وبلاك بول وبرمنغهام وليدز وادنبره والليك دسترك وغلاسكو وفورت وليامز واحلى منطقه اعجبتني شمال غرب اسكتلندا والمسماه بالهاي لاند مرتفعات جبليه يغطيها العشب لا تفوتونها واخذنا كوخ مستقل فيه مطبخ وغرفتين نوم وحمام وجلسه كان رائع طبعا رحنا له في الصيف الماضي
وسلامتكم تعبت من الكتابه

رائـــــــــع جدا ماشاء الله

خساره مارحنا للمكان هذا!

اصلا كنا نتخوف من اسكتلندا كثيــــــــــر!!

لأن بردها شديـــــــد...

لكن رحنا لها بالصيف لـ ستيرلنج وادنبره..وتمنينا ( قلاسكو) لكن فاتنا الوقت واخترنا الرجوع لمدينتنا


الحمدلله على كل حال:)

مرحبا ياحلـــــــــــــووووووات
ياحلوك وحلو موووضوعك...بيفيد الكل ان شاءالله
المهم ياحلوه عن برنامجي والله يطفش بالنسبه لي على الاقل يوم اطبخ ويوم لا مشي حالك
واذا طبخت يكون عالساعه خمس رجلي يتغداء وبعد الغداء نجلس عند التلفزيوووون الخايس حق بريطانيا مافيه الا الخمس قنوات..وبعدها يرووح يذاكر وانا اجلس عالنت لحد 1 او اكثر بعض الاحيان واصحى الفجر ونفطر ويروووح للداوم.وانا جالسه في البيت..
اما بالنسبه للامكان اللي رحت لها رحت لمدينة برادفورد وهوقريت مادري صح الاسم اولا خبرك توي جديده جايه مالي الا اربع شهور الله يتمم الباقي على خير باقي لي اربع سنوات او خمس..يوووة الله يعين المهم بنات ودي اصبغ شعري وخايفه مرة انو مايطلع حلو ابي اللي تعرف وحده تصبغ زين ياتجي عندي او اروح لها...او وش رايكم اصبغ في السعوديه..خبروني وبنات ياحلوات ابي اعرف ملاهي حلوة في بريطانيا..وين وايش اسمها...!!؟؟ وايش الاماكن اللي ضروري من حلاتها لازم اروح يمها افيدوووووني...شاكرة لكم...للمعلوميه انا ساكنه في ليدز..