شاركي في النقاش

سجلي الدخول لإضافة تعليق.

التعليقات

38
  1. @zooof

    صاحبة الموضوع
    اختي الغيد
    السلام عليكم
    اعذرين توني اشوف مشاركاتكم لاني والله كاشته كل هاليومين وتعرجنا وفلة حجاج

    اختي او اخواتي الغيد وام حمود
    ولله الحمد المحل مو محتاج دعاية ابد
    واذا على قولتك اني ملمه بكل هالشغلات ارجعي لمشاركتي السابقه وتشوفين وش قلت
    قلت لك ان اهلي يتعاملون معهم من اول ما فتح
    واختي قريبه منه وتروح له في كل شي
    وما قلت ابد ولا اطريت اني جيتهم على عجله مثل ما قلتي
    انا جيت لهم من الساعه 12 الى خمس العصر لاني نقعت عندهم بسبب عددنا الكبير وعروسنا معنا
    وكنت متونسه فيه يعني ما يحتاج اتعجل >>وحده فاضية وما عندها بزران صغار
    يعني رايحه جاية مع العروس واشوف وش مسوين لها
    وكل استعدادتهم للعروس واهلها ...
    وقلت ان اخت العروس ايضا تزوجت في الصيف وراحت لهم قبل الزواج بيومين وهم يصنفرون ويعدلون في خشتها >> كنها خربتها وكان مكياجها اكثر من رائع

    ولقيت مسؤله فيه وقالت لي عن شغلات أيدت كلام اخواتي بعنيزه
    انا قلت اني من برى البلد بس ما قلت اني غريبه عنه ان بنت الديره وعارفة الامبراطوره وعارفه بيوتي ودايم اروح له وعارفه ايضا اللمسه الاخيره ولمسات لبنانيه كلهم جربتهم ..
    وقبلهم أم اياد الله يذكرها بالخير
    وهنا بالخبر اعرف معظم المشاغل وبالبحرين
    يعني ماني جاهله يوم تجين تقولين عرفتي كل هذا
    المحلات الفخمه من اول ما تجين تعرفين استعداتهم من وجيه الزباين ومن كثرة عددهم وزحمتهم
    ولعلمك انا يوم رحت لهم كان عندها عدد كبير من برى البلد وقالت لي وحده من الدمام اننا جينا على نصيحة اهلنا في عنيزه ومدحهم له .....
    كان الواجب حركه ( خخخخخخخخخخ ) يا جوان ما تظهر منك بدون تعقل
    وانتي يا الغيد وام حمود قولوا رايكم بدون ما تتهجمون
    انا كنت مشاركه قبل بما يقارب 150 مشاركه او اكثر في نفس المنتدى قبل سنه تقريبا
    يعني مو جديده على حواء
    بس ضيعت اسمي لانه طويل وفيه مدات وضيعت الباسوورد
    وتكيسلت اني ادوره في مشاركات ماني ذاكرتها
    فرجعت من جديد لاني فعلا اشوف اهل القصيم كثير هنا بحواء وحبيت افيدهم بما سحيت انه جميل وحلو
    فقط لا غير والله على ما أقول شهيد

    وقلتي عن انفسهم الخايسه ما اقدر اقول كذابه طبعا
    لان من الممكن ان في ذاك اليوم اللي انا زرتهم نفسيتهم حلوه ومو مضغوطه مع ان العالم زحمه
    ويمكن انهم نفسيه مريحه بس اليوم اللي انتي زرتيهم فيه كانوا خايسين مثل ما تقولين لظرف ما
    على العموم
    اي ملاحظه في اي مكان لابد ان توضح وتكتب
    انا حتى في المساجد احب انوه عن وجهة نظري في المكان واحط ملاحظه لتطوير نظرتنا لاي غرض في مجتمعنا
    ولتطوير الخدمات اللي يجب ان تتطور في جميع مجالات حياتنا
    انا طولت اعرف ذلك لكني تمنيت اني اشوف اسلوب من اخوات ارقى من كذا
    دمتم بود ومحبه لجميع من يحترم الاراء ويطور ذاته ...
    جزاتس الله خير على ردك المؤدب جدا واحترامك لاخت معك في نفس المنتدى
  2. @zooof

    صاحبة الموضوع
    عذرا الحالمه ما انتبهت لك في الصفحه الاولى
    من ناحية المكياج هو كلامي اكثر شي عن المكياج
    يعني حنا عددنا 13 وحده وكلنا ما عيبنا ابد بالمكياج بالعكس كان جدا حسب رغبتنا ومضبوط
    وكانا عيبي العرق فدائما يخرب مكياجي قاالت لي ان عندنا طريقة ما تعرقين فيها
    ورشة تثبيت للمكياج اخيره
    وفعلا وربي اني كنت من اهل العروس واركض ورايحه جايه استقبال وعند العروس وتصوير ورقص
    وربي ما حسيت بنقطة عرق على وجهي الا الساعه وحده ونص بديت احس فيه
    هذا اللي كان همي واشيل له هم بمكياجي في المناسبات
    حتى في اخبر في النصف الاخر مره قلت لهم قالوا لازم ما تمسحين اذا عرقتي وهذا هو علاجهم

    ان شاء الله اكون افدتك يا اختي الحالمه وربي يحقق لك كل احلامك ويترجمها على ارض الواقع افراح وسعاده ..
  3. @zooof

    صاحبة الموضوع
    هاموره صغننه حبيبتي

    ((حطي قائمه بالاسعار لاهنتي سوري طولتهاااا))

    وربي ما اعرف غير اللي سويته عندهم يعني مكياجي خاص سبيشل ب300 ريال ومثل ما قلت للحالمه
    ما حسيت بالعرق ولا تحرك منه اي شي ولا فيه شكل البودره اللي غير متوزعه زين بالخشش ههههههه

    والشعر كان فرد عادي مع تمكير بسيط ب100 وبنتي سوت تسريحه تقريبا ب150 والله نسيت

    شكرا لك حبيبتي

    ملاحظه
    بقول شي مهم
    الاخت الغيد تقول عرفتي (((رحتي لهم لمناسبه وعرفتي كل شي (برنامج العروسه$نوعية المواد المستخدمه$الكوفي...الخ)))
    لما تروحين لمحل وفيه كوفي وانتي ما افطرتي ما تشترين وتقهوين ؟؟ ولا بس كلام ينقال وجمعتيه ؟
    لما تكون العروس من بيتك واهلك ما تشوفينها وستالينهم ليه كذا وشو هذا ولمين هذا وبكم هذا ؟
    لما اشوف دعاية فوق لجدران لمستحضر ما اقول من اي شركه ووكيف عمله وليه اخترتوا هذا ؟؟

    يعني خليك منطقيه .؟ وصدقيني كلن حر برايه لكن لا تصادرين اراء غيرك ..

    شكرا للجميع
  4. @hkona_mtata

    زوووف
    هاموره صغننه حبيبتي ((حطي قائمه بالاسعار لاهنتي سوري طولتهاااا)) وربي ما اعرف غير اللي سويته عندهم يعني مكياجي خاص سبيشل ب300 ريال ومثل ما قلت للحالمه ما حسيت بالعرق ولا تحرك منه اي شي ولا فيه شكل البودره اللي غير متوزعه زين بالخشش ههه…
    فكوا الهوشه يابنات :)

    اشكرك على موضوعك اختي زوووف
    الصالون حلو وراقي وديكوره حلو والكوفي اللي فيه ماعليه موب شين:eek:
    بس بصراحه تنغرين فيه ,
    قصهم مافيه زود ابد
    وتقولين لهم ابي صبغه وتسوي لك غونساج:09:
    وماترتاحين ابد من كثرة الزباين اللي بنقاباتهم ولا احد يقول لهم شي لا وفيه لوحه بعد .
    وبعدين الوقت عندهم مافيه بركه ابد يعني تدخلين الظهر ماتطلعين الا بعد العشاء وانتي بس بديكير وسشوار.ويمكن مايمديك تسوين شي منهن .
    والخصوصيه عندهم معدومه يعني تجلسين بغرفه تسوين حلاوة باب الغرفه زجاج .:hahaha:
    وبصراحه اهم شي عندهم الكسب المادي والفلوس اكيد هم مافتحوه الا علشان يكسبون بس هم واضح هالشي عندهم .
    وعندهم تطنيش للاقتراحات يعني بصراحه ماعندهم تقدير للرغبة الزبائن واقتراحاتهم واذا ابديتي رايك بشي قالوا هذا نظامنا.
    انا مااقول هالكلام من فراغ انا من زباينه اللي اتردد عليه بس هذا مايمنعني اني اقول ملاحظاتي علشان نرتقي بمدينتنا ومرافقها .

    وتحياتي لكم جميعا
  5. @alghyd_4

    هكونا متاتا
    فكوا الهوشه يابنات :) اشكرك على موضوعك اختي زوووف الصالون حلو وراقي وديكوره حلو والكوفي اللي فيه ماعليه موب شين:eek: بس بصراحه تنغرين فيه , قصهم مافيه زود ابد وتقولين لهم ابي صبغه وتسوي لك غونساج:09: وماترتاحين ابد من كثرة الزباين …
    اظهروا شي لم اعلم انه فيني
    ابي بس اعرف وش الشيء اللي اظهروه فيك؟؟؟

    وما قلت ابد ولا اطريت اني جيتهم على عجله مثل ما قلتي
    الا انتي قلتي اننا تفرقنا كل منا راح لصالون عشان يتزين..

    بعدين تعالي انتي مب تقولين قصيت الفراوله همين تقولين انك تمكير ومكياج وهمين تقولين سويت صبغة تنشيط؟؟؟؟؟
    وشالي سويتيه بالضبط؟؟؟؟
    وكأنك قلتي ان مامعك بزران ورجعتي تقولين انك سويتي لبنتك تسريحه... ؟؟؟:)
    وبالنسبه للكوفي ما اقول الاالله يستر بس على هالكوفي....كروسان كنه عظم... والقهوه يقولون انه من دبي مخصوصه وهي من الناصر اللي قدامهم وماخفي كان اعظم .

    ولا اقول الا اختلاف الرأي لايفسد للود قضيه :)

تابعي تجارب أخرى من هذا القسم.