ديوانية الاخوات اللي يعمرون بيت العمر

ام نوري

اعجبني اختيارك لألوان بيتك وهو شبيه ياختياراتي
غرفة ولدي كنت من أول مقررة أسويها بنفس الألوان اللي أنت مختارتها ( الأرضية رمادي والبوية كنت مقررة أصبغ جدار واحد احمر ما كنت راح أكثر من الأحمر لأنه نفسياً مش كويس لأني قرأت إنه يرفع نسبة الأدرينالين في الدم فبالتالي يصير الولد عصبي وهو داخل على مرحلة مراهقة مو ناقصنا :22:

الوان غرفة بنتك ماشاء الله جداً رهيبة

بالنسبة للبلاط أنا أقول لك اختاري اللي تختارين بس أهم شيء ابعدي عن الجرانيت
الجرانيت ثبت علمياً إنه يصدر اشعاعات في البيت وحنا موناقصنا كفاية علينا الإشعاعات اللي طالعة من الأجهزة الألكترونية <<< مو كأني قلبت مريم نور ؟؟:hahaha:

اسمعي عزيزتي انا بقول لك مميزات وعيوب كل نوع من أنواع البلاط وأنت براحتك اختاري

طبعاً أصح شيء ممكن تحطينه هو الخشب لأنه يمتص جميع أنواع الإشعاعات الضارة الموجودة في المنزل والناتجة من الأجهزة الكهربائية المختلفة وكمان الناتجة من المجالات المغناطيسية للأجهزة اللاسلكية في البيت مثل الريموتات بجميع أنواعها وشبكات الانترنت اللاسلكية عشان كذا دائماً ينصحون بالخشب في غرف النوم وفي المكاتب
عيبه طبعاً : إنه لازم له صيااااااااااااااانة أكثر من أي نوعية بلاط ثانية ولابد من اختيار نوعية كويسة ومعالجة حتى تضمنين إنه ما يجيب حشرات وطبعاً معروف إنه النوعيات الكويسة منه غالية وأغلى من الرخام حتى بس فيه نوعيات وسط منه

الرخام والحجر الطبيعي
كلاهما ميزته في إنهما كونهم طبيعيين إنهم مثل الخشب يمتصون الأشعة الضارة في المنزل لكن درجة امتصاص الخشب أقوى شيء ثم الرخام والحجر تختلف درجة امتصاصهم بحسب نوعية الرخام أو الحجر نفسه فبعض الأنواع تمتص الأشعة أكثر من الثانية بس لا أحد يسألني أي الأنواع أشد امتصاصاً :22:
عيوبهم : طبعاً هم بحاجة لصيانة دورية ولكن أقل من الخشب الرخام والحجر الملع يحتاجون للجلي الدوري والذي يختلف حسب النوعية والمكان ... كمان فيه عيب كبير فيهم إنهم ما يتحملون الحمضيات مثل عصائر البرتقال والليمون وبعض المشروبات مثل القهوة وأي بقعة لو ما لحقتي عليها بالموية والفيري جلست معاك طوال عمركمرات تروح مع الجلي ومرات لأ
طبعاً الحجر الغير مجلي تجي منه أنواع أقوى من الرخام وأقوى من الحجر المجلي وأنا عن نفسي جربت على قطعة حجر غير مجلي عصير الليمون وعصير الفيمتو وتركتهم فترة ويوم مسحتهم مابقى أي أثر وهذا أحد أهم الأسباب اللي يجعل الناس تستخدمه في خارج المنزل

البورسلان : أقل امتصاصاً فبالتالي أقل من الخشب والرخام والحجر من الناحية الصحية لكنه يمتاز بأنه شدييييييييد التحمل فيحتاج لأقل قدر من الصيانة فينفع في الأماكن (اللي عليها كرف ) كمان بعضه يجي مقصوص قص ليزر فيركب مثل الرخام والحجر بدون أن تظهر الترويبة ويجي طبعاً أشكال وألوان لامع ومطفي ونص لمعة ومنه على شكل خشب ومنه على شكل رخام ومنه على شكل حجر كمان

السيراميك: وهو أقل الجميع امتصاصاً وأقل من البورسلان في التحمل لأنه عند الخدش يظهر اللون البني المحمر اللي أسفل طبقة اللون العلوية بعكس البورسلان اللي كله لون واحد فحتى لو تم خدشة فلن يظهر لك سوى نفس لون السطح


هذي المعلومات اللي عندي والناتجة عن 3 سنوات من البحث والتقصي عسى ربي ينفعكم فيها وتستفيدون منها


بالنسبة لصور الجبس اللي حاطتها ام نوري هي صحيح حلوة وجميلة بس أنا بصراحة ما أأيد الحركات الكثيرة بالجبس وأحب الجبس الهاديء أرقى وأشيك وما ينمل ولا تروح موضته

بالنسبة للأرضيات الغامقة أنا معاك فيها وأأيدها بشدة ولكن مو في الصالونات الرئيسية أنا عن نفسي مفكرة أحط أرضية دورنا غامقة من نوع الحجر الهندي وهو مثل الأرضية اللي أنت حاطتها في صورة المدخل بس راح أحطها بورسلان على شكل الحجر لأن هذا النوع بالذات من الحجر خفيف ومايصلح داخل البيوت لأنه يطلع أتربة طوال الوقت وحتى أخذت عينة منه ولاحظت إني كل ما أمسحها يطلع لون بالمنديل حتى بعد ما غسلتها بالفيري برضه فصرفت النظر عنه لكن بحط بورسلان إن شاء الله


omamoory

الله يسعدك أنتم وهالديوانية هي اللي كنز والله والمحلات اللي أنا وصفت لك أدري إنها غالية بس أنت قلت تبين أفكار حلوة تشوفينها وتورينها النجار يعني بكيفهم هم وأسعارهم ماراح يهمونك

غلاالروح

لا والله ماعندي له صور بس أنت ممكن تسألين المحلات عن الحجر القدسي المجلي ومثل ما وضحت بردي السابق A51 هو النخب الأول واسأليهم كمان عن أنواع الحجر المجلية الموجودة عندهم بس ترى ماتلقينه إلا عند المحلات الراقية هذا اللي لاحظته بعد اللفلفة والدوران :(

*ام عزيز*

فكرتك في المطبخ حلوة واعجبتني وأحسها تناسب المكان


والله يسهل للجميع يااااااارب

صغر الفرح : بالنسبة للحجر انك تعمليه كأطار حول قوس البوفيه ممكن بس انا اشوف جمال الحجر هو وضعه بمساحة متواصلة بجنب بعضه ليظهر جماله اكثر ولو خليتي القوس عادي جدا سادة وخليتي الحجر فوق دولاب المطبخ او اي جدار مطل على الصالة بالشكل هذه ممكن يطلع احلى ويعطي منظر للصالة حلوكثير
شوفي هذه الصور ممكن تساعدك

مساكم الله بالخير ..

رتووش ..
والله الديوانية من غيرك سلطة ..>> دعاية اكنور .. هههه
بس جلد تمساح يمي يمي .. شفت منهم حلوووين وااايد .. واحس ان موضتهم ما تروح ..
ما علقتي على الصور اللي خليتها امس واول امس ..
افتقدناااااك ... عسى الله يخليك لنا ... خخخخخخخ

يا صغر الفرح ..

هذا انا اللي حطيت هالصورة.. وعلى فكرة تراني بسويها لغرفة الطعام حقتنا .. خخخخ بالنسبة للحجر .. انا اشوف انه حلو وااايد في المطبخ بس ما يجمع دهون ؟؟ ووسخ .؟؟

واما البوفيه عجبني وسيفت الصورة عندي لانه من فوق ومن تحت بعد حلو وااايد .. بس انا ناويه اعمل فيه مثل الفجوات واحط فيها سبوت لايت وممكن تتزين بتحف وبإكسسوريز ..

ام سعود ..
الله يخليك يا كريمة والله ان معلوماتك حلوة كثييييييير واحس اني لازم استغل هالخبرة الكبيرة اللي عندك .. يعني ودنا في كل مرة تسولفين لنا عن شئ.. هههههههه مو القصد بس احسك ما شاء الله عليك حكيمة وعندك معلومات ..

طيب سؤالاتي .. >> قلت لك لزمن علينا نستغل معلوماتك وقدراتك ..

عطيني افضل نوعية وافضل الوان لكل جزء من البيت ..

الصالات ..
غرفة الجلوس العائلية ..
غرف نوم العيال ..
غرفة النوم الرئيسية ..
الحمامات ..
غرفة الملابس .
غرفة الطعام ..
المطبخ المفتوح ..( ينطبخ فيه )
المطبخ المغلق ..
البوفيه ..
الكراجات ..
المدخل الخارجي ..
الجلسة الخارجية ..
الكراجات ..
الممرات الخارجية ..
المخزن ..
غرفة الخدامة ..

هههههههههههه شفتي الواجب اللي عطيتك اياه هههههه >>> ويه ما يستحي على ويه .. ههههه

بس عن جد اذا تعب عليك يا ريت لو اي وحده خبيرة من خبيرات الديوانية اتجاوبنا لان اشوف ان هالاسئلة وااااااااايد تتكرر .. ولو احنا نجاوب عليها مرة وحده احسن .. جزاك الله خيرا ووفقك وجعل بيتك عامر ان شاء الله ..