شاركي في النقاش

سجلي الدخول لإضافة تعليق.

التعليقات

384
  1. @am_mhfr

    كيفكم يا حلوين :42: ان شاءالله تكونون بخير
    حبيت اطلب من كل وحده زارت مدينه تكتب عنها وعن المتميز فيها علشان تشجعنا ونزورها خاصه المناظر والاماكن الترفيهيه والمطاعم اذا امكن السكن:22: ما باقي على رجعتي الا 6 اشهر ابغى استغلها بكل ما اوتيت من قوة:eek:
    علشان ما اندم اذا سمعت عن منطقه حلوة وفاتتني ما زرتها
    من ناحيتي انصح كل وحده تروح اسكتلندا ولمده لا تقل عن اسبوع خاصه الشمال الغربي وبلاك بول وليدز ويورك وتقدرون تدخلون على جوجل وتكتبون اسم المدينه وبيطلع معلومات عنها والفنادق والموقع الرسمي للمدينه اللي فيه جميع المعلومات عنها وتقدرون تطلبون بروشور عن المدينه على البريد
    طبعا في كل صيف يقام في ادنبره حفل ضخم معروف على مستوى العالم واسمه التاتو عند القلعه اللي في وسط المدينه وكان اكثر من رائع لكن التذاكر تطير بسرعه لازم تشترينه بفتره
    والى اللقاء
  2. انا ان شاء الله رايحه بريطانيا بعد كم شهر بس والله خايفه شلون الامان والحجاب والفتن انا بنتي مراهقه فيه مدارس مختلطه ولا النظام عام كيف الشغالات يعني اجيب فلبينيتي معي ولا اخليها ماحتاجها انا رايحه دراسه ماجستير وزوجي دكتوراه والحمد لله ملتزمين يعني نلقى ناس مثلنا ولا نضيع بالطوشه ادري والله كثرت عليكم بس من كثر ماهوجس بها الغربه الله يعين .
  3. @dowain

    lion55 لا تشلين هم ان شاء الله الحمد الله البلد عموما امان و المسلمين كثير و الحجاب عادي..بس من وقت لوقت مسئله النقاب تثار في الاعلام
    الشغاله اذا ما عندك صغار لا تجيبينها و خصوصا الفلبينيه يهربون البيوت صغيره و ما شاء الله اذا بنتك كبيره خليها تساعدك
    المدارس الغالب اختلاط بس في بعض المدارس تكون بنات او اولاد بس و عاده تكون تابعه للكنيسه الكاثوليكيه او الانجليزيه و هذول يكونون حكوميه او تكون مدارس خاصه مو حكوميه
    و تصلون بالسلامه
  4. @aytharly

    Dowain
    lion55 لا تشلين هم ان شاء الله الحمد الله البلد عموما امان و المسلمين كثير و الحجاب عادي..بس من وقت لوقت مسئله النقاب تثار في الاعلام الشغاله اذا ما عندك صغار لا تجيبينها و خصوصا الفلبينيه يهربون البيوت صغيره و ما شاء الله اذا بنتك كبيره …
    مرحبا
    أنا ساكنة بلندن من 6شهور طبعا الصباح أصحي عيالي وأفطرهم هم وأبوهم وبعدين أوصلهم على مدارسهم وأرجع بيتي وأبدء:3_13_11: :3_13_12: :3_2_8v: :angry: :09:
    وبعدها أفطر أنا وبنوتي ونطالع التلفزيون الي الساعة2ونصف وأطلع أخذ ولدي وبنتي من المدرسة
    أبد أجهز العشاء وبعدها يرجع زوجي ونتعشى وبعدها أتصفح النت وأرجع أجهزي عيالي لنوم
    وطبعا كذا روتينا كل يوم ممل
    الويكند نطلع فيه السوق اوحدايق
    المطاعم مانعرف شي كثير أغلب شي ناخذ بيتزا اوكنتاكي

    حبيت أسال عن مطعم مملكة سبا ومطعم هندي أذاأحد يعرف مكانة تقلي اوتحط الباست كود

    وجزاك الله خير على الموضوع
  5. @sham_aal_alkhdod

    صاحبة الموضوع
    ام محفر

    فكرتك حلوة وانشالله البنات يتفاعلون معنا ....

    ام الدرر

    [ياحليلك والله ماتقرين ببيتك ماشاء الله انا ما اطلع الا السبت والاحد وزوجي يصجني اطلعي لاتقعدين بس ما ادري احس اني اخاف اطلع لحالي .]

    lion55

    هلا وسهلا فيك ببريطانيا والمحجبات كثير والمنقبات كثير واغلب السعوديات هنا منقبات واغلب سكان بريطانيا ترى باكستانين مسلمين الا الارياف طبعا مافيها احد فلا تخافين انشالله وعموما البريطانين ترى بحالهم يعني مايتدخلون بخصوصيات احد واذا ماكان عندك اطفال انصحك تستغنين عن الشغالة لان بيوتهم هما صغيرة ومافيها الا حمام واحد ؟؟؟ ...
    Dowain
    مشكورة على مرورك ولاتحرمينا من معلوماتك عن مدن بريطانيا

    ايثارلي
    مرحبا فيك نورتي الموضوع واتمنى البنات اللي بلندن يفيدونك

تابعي تجارب أخرى من هذا القسم.